اليكم جديدي عسى أن يحوز على رضاكم ... النص بدون مقدمات :

رقيت رجم الغلا والشعر وحروفـه=سجيت به ساعة الضيقه على معنـا
سلام ياللي عليـه النفـس ملهوفـه=والخاطـر اللـي يفرقنـا يجمعنـا
بيني وبينه يحول الوقت وظروفـه=والساعه اللي على شوفتـك تنفعنـا
ذعذع عليه الهوى وأبعد عن الشوفه=وأرخى عليه الهجر وأصبح مقاطعنا
يليتني مامدحت لغيـري اوصوفـه=يليتنـي ساكـت ولاقلـت مطمعنـا
واللي فرقنا تراها نـاس معروفـه=عذالنـا والغـلا ماعـاد يسمعـنـا
من بعدها فارقـت يدينـي اكفوفـه=ماعـاد فيهـا كـلام ولا تراجعنـا
حظي كذا والحظوظ اليوم مكسوفـه=حظي كذا والكرامـه عنـه تمنعنـا
من أول أوصفًّك واقـول غريوفـه=والظاهر أنا علـى شوفـك تولعنـا
واليوم ياهاجري لعبتـك مكشوفـه=لعبه وزودٍ علـى الغـرات تقنعنـا
والمعذره عجزت أفكاري عن طيوفه=حاولت أقـرًّب منـه لكـن تدفعنـا
أمـور وأمـور والخيـال بسيوفـه=لاقلت هانت سمعنا صوت مدفعنـا
مافيه داعي نمـر البيـت ونحوفـه=مادام نفسي عـن الـذلات ترفعنـا
حتى الرسايل من الجوال محذوفـه=حذفتهـا مانبـي ذكـراك تتبعـنـا
ودعت رجم الغلا والشعر وحروفه=والهاجـس اللـي يعذبنـا يودعنـا

شعر : جميل مساعد الرشيدي

اقتباس من مشاركة كــــاتــــب (المشاركة 1713221) ياكم أنت جميل ياجميل عذوبة الكلمات وسلاسه المعنى ورقي الهدف صح اللسانك استمتعنا بروائعك العذبه لاعدمناك

اقتباس من مشاركة ابو ياسر (المشاركة 1713374) جميل مساعد شكرا لك على هذه الجزلة وعلى هذه الرحلة الممتعه في سماء الابداع دمت لنا جميل ياجميل

اقتباس من مشاركة @فهيد الرشيدي@ (المشاركة 1713421) جميل مساعد شكرا لك على هذه الجزلة وعلى هذه الرحلة الممتعه في سماء الابداع دمت لنا جميل ياجميل

اقتباس من مشاركة مرآهيش (المشاركة 1761802) حسبي الله على العواذل بس قصيدة رآئعة كروعة جميل بن مسآعد صح لسآنك

اقتباس من مشاركة شاعر وصادق مشاعر (المشاركة 1761903) جميل مساعد شكرا لك على هذه الجزلة وعلى هذه الرحلة الممتعه في سماء الابداع دمت لنا جميل ياجميل

اقتباس من مشاركة ميلاس (المشاركة 1762113) قصيده رووووووووعه تسسلم بإنتظآر جديدك ..