إلا أنها جاءت محملة بالشعر.
الشعر الذي يجعلك تنتظر دائما , وما يحمله لك من دهشة ومغامرة،
ما يجعلك تنتظر جديده بشغف. وما البداية الا بتمعن أكثر لروح الشعر التي سادت المختلف
بقصيدة الشاعر عبدالله الحميدي

http://bani-3abs.org/uup//uploads/im...882600707d.jpg

وهنا تحية خاااصة
لـ عدسة قلعة المجد والتاريخ شبكة بني عبس

كل الزمن لاصار ماعندك احساس === زمان حساسين مالك دخل فيه
اللي يحقر الناس ماهو ولد ناس === قليل شوف ونظرته ماتقديه
يطيح من كبر على نفسه الراس ===الراس لامنه كبر طش راعيه!
سلم على اللي يعتبر عقله لباس === ويلبس على قدة لباس يكفيــه
من كبر لباسه صغر فيه وإنحاس === يكتف يديه وتنعثر فيه رجليه
وياصاحبي حشاك لاصرت نبراس === للطيب حاويك ابمعزه وتحتويه
ماغرتك نفسك عزيز على ساس === ساسك سمو وعزتك من معاليه
مايوم كنت بوجهك السمح عباس === ولك الرضا في كل وجه تلاقيه
تسطى لوس الذل والصعب والياس === في كل درب راحت خطاك تمشيه
كـأن قو الباس ماء مالقى كاس === وانصب بعروقك وصارن سواقيه
وانا بليا فخر جهل وتغطراس === من قوم اتشره وتدرا المشاريه
رجالنا لامن عطى ينسى الافلاس === حتى اللي مايعطي ليا جاه يعطيه
من طيبنا نطيب حتى بالانجاس === ولا نطلب الا الله جزى مانسويه
قوم ما طرشنا مدور وعساس === يدلنـــا بالعــــز والا أبمواريه
العز فينا كننا كلنا اجناس === عز الطفل يولد معه كنه أيديه
وعذري لك افخر فيه ورضاك نوماس === لك من صديق يحشمك وآنت تغليه
وكل عذر لك ببدايته كان وسواس === بوسادتي قبل اتغفي عيني اوحيه
وايجيك مني كل ماهب نسناس === وعذر مايرضي قلبك الله لايثنيه
عساه يدمح لي خطاي إنني حاس === وإني شريتك/ واللي يشريك تشريه
زليت في حكيي وكنت انت حساس === وفهمته إنت بقصد ماكنت انا اعنيه
ايت اللسان اليا زهف عنده اجراس === يدقهن وايصج سمعك لاتوحيه
وان ماقبلت العذر عاتب ولاباس === قلبك مايجهل قلبي بكل مافيه
انا رجل/ مانيب جاهل وبلاس === ومانيب ثرثار/ مايسمعه يحكيه
وكثر التحسس والزعل والتوجاس === مثل المرض/ من لا ايتوقاه يفنيه
والناس مثلك هم للناس الانفاس === مثل الهوى/ واقول لوقلت لي ليه
ياصاحبي من شاف نفسه على الناس === مثل الغبار يصير محد يدانيه

سوف يتم تحديد موعد قريب جدا للقاء مع الشاعر عبدالله الحميدي من خلال
هذا الصرخ الشامخ منتدى قلعة المجد والتاريخ شبكة بني عبس
انتظرونا قريبا

http://bani-3abs.org/uup//uploads/im...35ef963e09.jpg


صح اللسان شاعرنااا عبدالله الحميدي.
يستاااهل اكثر
قصيده رااائعه من شااعر رااائع.
شكرآ اخي عبدالله نااافع.

صح لسان الشاعر الكبير

عبدالله الحميدي

وماهو غريب الابداع من شاعر بحجم عبدالله الحميدي

شاعر يمتلك موهبه شعريه من العيار الثقيل

اتمنى له التوفيق في مسيرته الشعريه والعمليه

عبدالله نافع سلم على ابوعابد

وقله لا تطول علينا بجديدك

والف شكر على كل شيْ