|
طاروق يأهل الشعر
السلام عليكم ورحمة الله وبركاته
سلام الله عليكم ياعوارف والسلام يقال **وانا مدري تردون السلام او ماتردونه نزلنا السوق نبغى نشتري ونبيع فالاموال**ولا ادري ناصل اهل السوق وألا نعود من دونه |
هلا بـ عنتر زمانه
القاف بنتظارك |
إقتباس:
وثانيآ وبكل أمانه أسمك والصوره الرمزيه تعني ليّ الشئ الكثير وثالثآ بدايه شاعر مخضرم وتنم عن قوه شعريه هائله وبشرى خير ان شاء الله فسوف أكون متابع لهذا الطرق وننتظر الشعراء الكرام ولك تقديري واحترامي |
إقتباس:
أخي الكريم أنا لست بشاعر أنا متذوق الشعر مع أني تمنيت أنني شاعر لرد لجمال التسليمه والمعنى المرسوم بها |
ابقاك الله ومشكور على الترحيب
ثانياً شهاده منك ووسام على صدري من امبراطور الكلمه |
اخوي الامبراطور احد يبي يلعب معك والا انزل الميدان
|
هلا يامرحبا ياشاعرٍ صبره بقلبه طال=ومن سلم على المسلم يحصل رد مضمونه تفضل واشرب الدله وابثُني لك الفنجال=ترى ضرب الفشق يابلحية الرجال يامتونه |
السلام عليكم ورحمة
بداية قوية تبشر بقدوم شاعر كبير فاهلاّ وسهلاّ |
بدايه موفقه وتبشر بقدوم العاصفه
|
هلابك ياهلا والصوت يجذبني على المحوال**لو ان الذيب ماهرول عبث ماترقد عيونه
وأنا حصلت لي شجره لها عرق وغصن وظلال**عليها أربع علامات وثمان ولونها لونه |
صياف ماعليك زود
|
ياهلا ياصياف منور
|
شاعر الوطن هلا بك
|
علومك وافيه لكن لاتنقص عن المكيال=وانا باجاوب الورقا على تقسيمة لحونه ياكم واحد فهم نفسه خطأ ويقال له رجال=وهو لاشبت النيران لايمكن تشوفونه |
أنا عاقل اليا مني لقيت العالم العقّال**وأنا جاهل اليا مني لقيت الناس ملعونه
قريت أكتابكم ياصحابنا مجلّد بنص اريال**حروفه تكشف اللي فيه مع نمرة تليفونه |
ابصلي واجيك
|
وانا مثلك بعد لكُن اشوفك مارقيت الجال=قصرت اخطاك يوم الناس من قبلك يحوفونه تقول انك قريت اكتابنا والعلم يبغى ايصال=وانا اقول ان مثلك ياصحيبي صعب يقرونه |
انا ماني فقير اشحذ عشايه واتبع العمال**ولكني بليت بناس ماءهم مايذوقونه
اشوف الذيب يسبركم على المرقاب خمس اليال**عليكم تضرس انيابه مثل ماتضرس اسنونه |
تقوله والله اعلم وانتبه لامن زمانك مال=اقول الله يصح لسانك اللي هام حنحونه اشوف الذيب يعوي بالخلاء قدام لايختال=وبه ناس ليا حطوه في راسه مايخطونه |
عن اذنك اخوي الامبراطور تشرفت باللعب معك لكن وراي شغل لازم اطلع
اشوفك على خير,,,, |
انا وسط البحور العايمه ماني قصير احبال**اجيب اللول والدر الثمينه وانت زيتونه
علامك بأخر المشوار ياعالي جرحت البال**تبي تضبط علومك مير زاد الهرج عن شونه |
هلابك واللعب معك شرف
|
طاروق مميز ياشعار
|
بكل أمانه أنني منبهر من الابداع عالي الصيت شاعر وسبق أن أبديت أعجابي به ولكن أبهرني الشاعر الامبراطور فهو شاعر عملاق وقوي ومخضرم فلديه حبكه شعريه فذه لا يجيدها الا شاعر
أتمنى أن تتحفنا وتتواصل معنا فأنت مكسب وهنئيآ لنا بك إقتباس:
تسجيل أعجاب مع أنني معجب بكلتا ماقلتم من الطرفين ولكن هذا البيت يتفرع الى عدة أمور ونكتفي بنقله والاعجاب فيه بدون الدخول الى التفاصيل الف شكر لكم جميعآ |
سجل اعجاب ايها الامبراطور..
ولاتقاطع وحياك الله |
سلمتُ على المحآوره الرايعهَ
|
مشااء الله علييكم .
صح لسانكم .. |
الأمبراطور انت مبدع بكل ماتعني الكلمه وعلم من اعلام الشعر ولكن ياترى من انت
عالي الصيت انت مبدع دايماَ |
هلا اخوي عنتر زمانه اسعدني مرورك وتحياتي وتقديري
|
ناصر الخياري صح الله بدنك ولاهنت
|
الداهيه تواجدك شرف طال عمرك والله لايهينك
|
الى جميع كل من مر على المحاوره واشادبي شكرا جزيلاً
|
| الساعة الآن +4: 02:55 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
