الله يجازيك يا(محمد عرابي)=وشلون نبهت قلبي عن غيابه
ليتك تركته تسج به المرابي=يحلم بها لين يبرا من صوابه
ماقلت لك بالطريق احسب حسابي=مادام أنا وأنت بالهم نتشابه
الدرب موحش مثل (ريش الغرابي)=والعمر محني مثل قوس (الربابه)
ليا خبطنا على بيض المخابي=تخاشرتنا مشاريه ومهابه
حسادنا : لا متون ولا علابي=وأحبابنا : لا صدور ولا قرابه
لولا رجانا بعلام الغيابي=تناهبتنا ليالينا نهابه
بصدورنا كل حلم (عذب) رابي=وماجابه الوقت يا (محمد) غدابه
صالح زمانك على شح الزهابي=لو ماتوقع على خشمه ذبابه
وقله : بلاشي نكد يابو الشبابي=يابو الشبابي ترى ماهي طلابه
مايروي الكبد ضحضاح السرابي=نشد لنا عن رفيف وعن سحابه
وأرقى بنا كل عسر وكل نابي=وأجزع بنا كل خبت وكل غابه
أما عوينا مثل جوع الذيابي=وإلا خذينا العشا .. مثل الذيابه

اقتباس من مشاركة محمد الراشد (المشاركة 1640331) مايروي الكبد ضحضاح السرابـي نشد لنا عن رفيف وعـن سحابـه وأرقى بنا كل عسـر وكـل نابـي وأجزع بنا كل خبت وكـل غابـه أما عوينـا مثـل جـوع الذيابـي وإلا خذينا العشا .. مثـل الذيابـه مبدع كعادته والزعيم يكتب قصيده جديده بس ماودي احرقها,, بشخصيه ما,, لاهنت

اقتباس من مشاركة الفجر البعيد (المشاركة 1640343) صح لسان لزعيم / مساعد الرشيدي . . . ولاهنت يا الــمرالعذب على النقل ’’’