|
الى خاتم سليمان
هلا اخوي خاتم سليمان لم اوفق باللعب معك علماً بأنه سبق وان بديت باللعب معك ولكن كانت لديك محاوره آخرى مع الشاعر صياف ومن ثم قلت بعد هذه المحاوره سوف إلعب معك ومن يومها وجهه الضيف ههههههه
عموما اتوقع بان الوقت مناسب اذا حاب تلعب أقلط وسبق وان تم تبليغك بان فنجالك مشروب بإنتظار ردك |
إقتباس:
والله هذا التحدي كفو ننتظر الشاعر خاتم |
الله لايهينك اخوي كاتب
حضورك شرف لي طال عمرك لكن لازم تمسك صفي والا بحق صار المنتدى كله حقوق ههههههه تحياتي وتقديري |
كيف الحال ياعالي الصيت
العاقل بصف الجميع وين خاتم |
هلا حياك اخوي العاقل ابشرك بخير وعافيه عساك بخير
خاتم مدري وش اللي بلاه مدري هو يتهرب والا مسوي انه اكبر من الرد علي هههههههه |
من يجيب لي خاتم سليمان تكفووون يالربع الظاهر انه بركت فيه الرخامه
|
مررحبا مررررحبا يا عالي الصيت والساعة الطيبه اللي تجمعا فيك ونتشرف ونلعب معك
وناخذ جديد علووووووومك والعذر يعلم الله اني مشغول ولا فضيت الأ الان وحنا نفداك بما طلبته أمّا شرب فنجالي فهي بعيده لكن تفضّل الان والسابقه تطلع بيدها ياولد عبس والبدايه عندك لأن من سنّها يصلـّيها بإلأنتظار خاتم سليمان |
اسمع ياعالي الصيت انا انتظرتك لكن ماجيت ممكن انك ماسويّت خروج لكن أنا ابي اعطيك بيتين ومتى ما دخلت رد علاها على قولة عتابه الهيلا سلاطين نجد
مرحبا بالصّاحب اللي لوّ أرحّب ما أستشيره=شطر بيت ٍ يفهمه رأس الحكيم الأستشاري أنت تسبح بالبحر وإلا النّهر وإلا البحيره=أوّ تلعب بالنّوادي أوّ تلعب بالحواري |
الله الله اكبر عليك يا خاتم سليمان انا بصفك اليله عاشو عاشووووو الشعار
|
الصف يتشرف فيك ياخالد العجوني
لكن تصبحوووووووون على خيررررررررر |
إقتباس:
الله الله بدايه لها ثقلها من الشاعر العذب خاتم سليمان ولها من المعاني الكثير رغم انها بدايه والظاهر أنكم مثل الشمس والقمر لا يلتقيان والمسار واحد ! المهم انا متابع وبصف خاتم سلمان |
دام عز اللي على الوقفات ضاري للستيره=والسلوم احيان تجبرني على الوضع اظطراري السفينه في بحرك تعوم ويدينك كسيره=وان لعبت العب معك وارد لك كل اعتباري |
إقتباس:
رد وافي يا عالي الصيت واتمنى أكمال هذه المحاوره لكونكم شعراء كبار وترتقون الى ذائقة الجمهور بكل تأكيد متابع لكم |
هلا وغلا اخوي عنتر زمانه
الوفاء طبعك لاعدمناك تحياتي وتقديري ماعندي اي مانع من اكمالها لكن مالله موفقنا مع بعض ههههه تمنيت بأن الشاعر القدير خاتم سليمان كان متواجداً تحياتي وتقديري,,,,,, |
إقتباس:
الله الله البيوت الأوله تشره على رد الأخيره=والغبي بالدرس يبلش بالسؤال الأختياري لو تربـّي كلّ هرّه ما أنت مثل أبو هريره=ولوّ أبيد الذرّ ماني مثل أبو ذرّ الغفاري |
عنتر زمانه
شهاده افتخر بها من قلم يميّز مايكتب ويتميّز حينما يكتب شرّفتنا في تواجدك المثمر لاهنت ع التعليق والمتابعه تقبل تحياتي خاتم سليمان |
عالي الصيت
إندور أنا وأنت مثل السبت والجمعه=ياقربنا والصحيح إنّا بعيديني
متى ما دخلت طال عمرك ردك وان شاء الله نتواجد مع بعض وانا راح اكون متواجد يوميا ً من بعد 10 مساء ً تقبل تحياتي خاتم سليمان |
اسمع اسمع
من ورد حوض المنايا عجل الله في مصيره=وادري انه باقيٍ لك مانت ناجح بإختباري صاحبي خاتم عرفته زين ويدينه قصيره= والحديث اللي تقوله مارواه الا البخاري |
إقتباس:
عالي الصيت لاهنت والله مريت مرور ولفت انتباهي الشطر اللي تقول ((والحديث اللي تقوله مارواه الاالبخاري)) انا مايهمني معنى البيت المبطون ولكن المعنى الظاهر ان حديث البخاري لايعتد فيه وانك ماتاخذ فيه انا اتكلم بعيد عن الشعر حيث ان البخاري ومسلم اوثق الاحاديث هي التي رووها ففي هذا الشطر تنقيص من حق البخاري سواء قصدت معنى ظاهر اوباطن فتمنيت لو قلت بهذا المعنى ((والحديث اللي تقوله مااعترف فيه البخاري)) اتمنى التعديل |
اخوي بعيد الهقاوي ارحب وحياك
لماذا تسيئ الظن بما قلت للاخ خاتم سليمان قد اجيزه على صحة كلامه وحديثه تحياتي وتقديري,,,,,,,,,, |
اخ عالي الصيت كلام الاخ بعيد الهقاوي صحيح ميه بالميه واذا كنت تجيزه لا يجوز التشبيه هنا نهائيا والدخول بالدين سواء بطريقه مباشره اوغير مباشره
مع الاحترام والتقدير لشخصك الكريم |
| الساعة الآن +4: 01:39 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
