اقنب قنيب اللى على المرح دوج= امسى ولاطالع شوافن قريبه
ماغير في راس الطويل يتلوج = وعلى محاس البدو يقلب نصيبه
بارضن خلا ماغير يلعب بها العج= ومن ضيقته مجبور صوته يجيبه
والا يتيمن وسط نزل العرب دج= مسكين مايعرف الحياء والمعيبه
تلعب به الدنياء على كل منهج= تخطيه لوعات الهلاك وتصيبه
والا غشيمن ماعرف كيف يحتج= يباء النجاه وركبوه المصيبه
اعول من الفرقاء عويل المخلج= ومن ذارف الدمعه عيوني غضيبه
على حبيبن دونه البعد منفج = وصارت على مثلي دروبه صعيبه
لياطرا طرفي عن النوم لجلج= وقام يتصورلي طويل الذويبه
طال انتظاري بالرجاء وين ابا هج= ولا شفتها عقب البطاء والمغيبه
ولياسمعت اسمه مع العالم انرج= والبال مايرتاح غير بغصيبه
والقلب يسها عن طريقه لياسج= ولاقوط عن درب السنوع يغديبه
احس كنه من معاليقه امرج= لياذكر لمس الجسوم الرطيبه
ولالوم قلبي بالغزال المدعج= وصايفه بالوقت هذا غريبهِ
لياهرج في هرجته ميتعاوج = مثل العديم لياقعد للظريبه
الزول بين الطول والقصر مدرج=لياشفه المشتاق يذهب ذهيبه
وليالتفت فيه وقام يتغنج= كني بظلمة ليل ماينسريبه
ولياضحك رمح الطناء خجني خج= وينشف لساني ماقدرت احكيبه
واصير بين ايديه لحمن مثلج = لون ماعندي مخافه وريبه
شكواي لله كل شيئا يعالج= الا مرض قلبي تغير طبيبهِ

والا غشيمن ماعرف كيف يحتج== يباء النجـاه وركبـوه المصيبـه
أنا أقول إن في مثل تركيبة هذا البيت بما معناه حس شعري فريد وعذب إلى حد ما صح لسانك وبيض الله وجهك

اقتباس من مشاركة ابن صقعان (المشاركة 1566112) اقنب قنيب اللى على المرح دوج= امسى ولاطالع شوافن قريبه ماغير في راس الطويل يتلوج = وعلى محاس البدو يقلب نصيبه بارضن خلا ماغير يلعب بها العج= ومن ضيقته مجبور صوته يجيبه والا يتيمن وسط نزل العرب دج= مسكين مايعرف الحياء والمعيبه تلعب به الدنياء على كل منهج= تخطيه لوعات الهلاك وتصيبه والا غشيمن ماعرف كيف يحتج= يباء النجاه وركبوه المصيبه اعول من الفرقاء عويل المخلج= ومن ذارف الدمعه عيوني غضيبه على حبيبن دونه البعد منفج = وصارت على مثلي دروبه صعيبه لياطرا طرفي عن النوم لجلج= وقام يتصورلي طويل الذويبه طال انتظاري بالرجاء وين ابا هج= ولا شفتها عقب البطاء والمغيبه ولياسمعت اسمه مع العالم انرج= والبال مايرتاح غير بغصيبه والقلب يسها عن طريقه لياسج= ولاقوط عن درب السنوع يغديبه احس كنه من معاليقه امرج= لياذكر لمس الجسوم الرطيبه ولالوم قلبي بالغزال المدعج= وصايفه بالوقت هذا غريبهِ لياهرج في هرجته ميتعاوج = مثل العديم لياقعد للظريبه الزول بين الطول والقصر مدرج=لياشفه المشتاق يذهب ذهيبه وليالتفت فيه وقام يتغنج= كني بظلمة ليل ماينسريبه ولياضحك رمح الطناء خجني خج= وينشف لساني ماقدرت احكيبه واصير بين ايديه لحمن مثلج = لون ماعندي مخافه وريبه شكواي لله كل شيئا يعالج= الا مرض قلبي تغير طبيبهِ