محاورة العمالقه خاتم سليمان والمهم
 

المهم

عسى الله مايهينك والطريق بعيد شرب وقوت=ولا ياصل مرامه من مشى حافي وعطشاني

لياجـانا الـكلام ايجـيه قـدره باع ولا فوت=وهـذا لابغيت تمـرني سـيفي وذا حصاني

خاتم سليمان

انا احسبه يعمر بـيوت لـكنه يهدم ابـيـوت = عـسى الله لايبارك فيك يالبناي الافغاني

انا احـشم بني عمي ولااهـينك لوان امـوت = واناافاخر بـجـدانك مـثل ماافـخر بجـداني

المهم

ترى الصدمه مع الرفرف ماتكسر شي بالكبوت= عسى ربي يبيحك عند غلطة حرف تشناني

وانا اشيلك عن الصقطه الياشفت الورق محتوت= والظربك الربيع اللي تمايل فيه الاغصاني

خاتم سليمان

لوانك تعرف اللعب وتطبق صكة البيلوت = ماتقعد في محلك وانت وسط الداس خسراني

وانا والله لـويـدخلك برد ادخلك بالكوت = ومن قـدرك فلا ابـيعـك ولااشريك مجاني

المهم

طبيعي لازم امـهلك وتظهرهمك المكبوت= واخاف انك من اصحابي ولابس ثوب قوماني

وانا حشمك ياخاتم وفتهم قدام اشوتك شوت=ترى ليلك طويل وراس جن وبطن سرحاني

خاتم سليمان

وانا امهلك واحليبك وحالك مثل طعم التـوت = ويمكن يالمهم ان اكون انا وياك اخواني

ترى مااقشر من المربوط غير الجني المفلوت = ولـوترطـن بريطاني رطنا بالبريطاني

المهم

على شوف القطامي شد حيلك ياحمام اللوت = عليك الله واكـبر بين مخلابي وجنحاني

تجمع عفشك المنثور ولا فكرك المشتوت = غشاك الليل الاسود وانت من مغرب تحراني

خاتم سليمان

ترى بعض المعاني مثل سم في لذيذ الـقوت = وحـنا نعرف المجني عليه ابصمة الجاني

على الذمه لو يطول هذا الطاروق خطر تموت = واذا وقفت علمي ياصل القاصي مع الداني

المهم

عـفاك الله ياخـاتم تدرهـمها بـدون اسـبوت=بعد مابينت مـن بين صدقانك وصدقاني

ياشين الورع يبي شي مدري ويش يابسكوت=وانا عودن كبير ومبتلش بحلوق ورعاني

خاتم سليمان

سوالف ماتخالف والـعوارف يفرقون النوت = وياكبر المشكله لو في يدك خاتم سليماني

على قـول الـكلام الفاضي يفضل عليه سكوت = وياطيب الكلمه اللي كنها طلقه بنيشاني

ارررحب يابعيد الهقاوي ارررحب


والله لا يهينك على هذا التسيق الرائع والذوق الرفيع وبيض الله وجهك ياالغالي


وتسلم على الأطراء ولا عليك زوود


خاتم سليمان

ابيض وجه يا بعيد الهقاوي
لوني ماعرفك لاكن فعلك طيب

بيض الله وجيهكم ياعبس

الله الله يالمهم سجل اعجابي وتقديري لك شاعر كبير والكبير الله اشهد بالله ان محد يقدرلك لويتجمعون عليك شعار المنتدى كلهم وانت تلاعبهم لحالك

على شوف القطامي شد حيلك ياحمام اللوت = عليك الله واكبر بين مخلابي وجنحاني

تجمع عفشك المنثور ولافكرك المشتوت = غشاك الليل الاسود وانت من مغرب تحراني لغم مادرى عنه خاتم خطير

عفاك الله ياخاتم تدرهمها بدون سبوت = بعد مابينت من بين صدقانك وصدقاني ولغم ثاني تفجر مادرى عنه خاتم سليمان اشهد بالله ان هذا اللغم اللي ماينشاف لو يليسون نظارات

ترى الصدمه مع الرفرف ماتكسر شي بالكبوت = عسى ربي يبيحك عند غلطة حرف تشناني اشهد بالله انك غير


المهم شاعر لو حصلي الشرف ولعبت معه لن انقص من قدره مثل مافعل خاتم وانما ساامدحه لانه اذا غضب على الشاعر لايمكن ان ينتصر عليه احد ابدا انت شاعر يالمهم ضلموك واي فتى ضلمو

والله اني لااعرف من خلف الاسم المستعار ولكني اتمنى ان اعرف من انت واتمنى ان ارى طواريقك مجددا

خطاف الاشهب .. عساك ماتخطيه قل امين

اول شي وش حظرتك انت تحلل وتسوي شوشرة هنا

تقتبس اي بيت وتقول لغم ثاير تضحك على نفسك انت والى تظن الناس اغبيا

حقيقة أنا وجدت ردودك كلها ضد النجوم الي في المنتدا مع العلم انك تهرب عنهم ماتواجههم بس تعقب على مواضيعهم وتكتب من الحرقة الي بقلبك

لاتزعل مني :: وان زعلت بكيفك

ليتك بقيت على صمتك

على العموم انا مارديت عشان افهمك ولكن رديت عشان ماتلقي الشبهات في كلامي

1_ كلامي اللي اقول هي وجهة نظري ومن حقي ابديها ولم ابديها الابعد تاكدي من صحتها

2_ النجوم على قولتك مايتاثرون بالكلام الهادف بالعكس يستفيدون وماضر النقد مساعد ربيع طلع

واعتذر للجميع عن هذه الكلمه من تقول عنهم نجوم هم نجوم بالنسبه لماتعرف انت فهم نجوم بمحيطك فقط ولوكان عندك اطلاع كامل للواقع الخارجي لتحسرت على وضعك

3_ بالنسبه لمقابلتهم انا ماعندي وقت ادورهم والعب مع اسم مستعار قد يلعب بجانبه عشرة شعار ولااطلب اللعب الامع ناس مستواهم ثابت في جميع محاورتهم لاستفيد منهم واصل الى مرادي واقتنع بشاعريتهم الفذه وقد راسلتهم ومنهم ناصر خنيفر والكابتن لعبت معه وراسلت ابوموسى ولم يرد علي وراسلت السبع الضاري ولم يسنح الوقت للقاءه وراسلت شاعر الشمل ولم يأتي رده الى الان والباقين اقوللهم كثر الله خيرهم

4_ الدعاء على اخيك المسلم لايجوز فلو وفرت دعوتك على الكفار لاخذت اجرا وقد تستجاب ولكن دعوتك على اخيك المسلم الذي لايستحقها لاتجوز وانا لم اتعرض لرجل يكتب بااسمه الصحيح وانما رديت على الاسماء المستعاره

فقط واضن ان نهايته اسم مستعار بدله ميه فمالذي يغضبك

وياخي لوابحترق على قولتك انقهرت من الشعار الكبار وانتقدتهم ماحترقت من ربعك وربعي

5_ بالنسبه لكلامك ان الناس اغبياء انا لم اقل ذلك ولكن اذا انت لاتعرف المحاوره وتغالط الذي يبدي وجهة نظره بدون دليل وتدعي عليه من دون سبب فانت غبي واذا زعلت من هذه الكلمه بكيفك

تقول .. النجوم مايتاثرون بالنقد الهادف .. بذمتك ان ماكتبته يسمى نقد هادف ؟؟؟

أنا والله ماعرف خاتم سليمان الى هناء . ولا هو دفاعا عنه لكن ردي وتدخلي.. كعم لك والى اشكالك .. المتحنقفين

الشاعرين قويين لكن المحاورة تميل لصالح خاتم سليمان وهذي وجه نظر على الجميع احترررررررررامها

صح السنتكم جميع لا هنتوووووو