قال ابن مزيد يوم غنا نشيده=من هاجسه غنا بيوت القصيده
ابيات شعر قالها واحترفها=حتى يصك الباب دون النقيده
ياناشد عنا ليا مطرت البيد=اقول لاهل المدن فرصه سعيده
اسوق رجلي بالفيافي والاقفار=ماهني لو المسافه بعيده
البر حبه داخل القلب سكان=مايمحي والقلب ينبض وريده
يامحلا قبل الفجر شبة النار=يوم ان ولد اللاش متوسد ايده
في خايع عشبه خزامى وربله=صابه من الوسمي مزون عديده
وسويت فنجال من البن مخصور=يجلا العماس وكل هم يبيده
وسجيت رجلي بالخلا في خلاها=واللي معي قرم وذيب ووليده
ناس مخواها يشرف ونوماس=اهل الوفاء واهل الخصال الحميده
وعند المساء نشب نار حطبها=من العبل ماهيب لوح وجريده
وكل ضوى والكيف من بيننا دار=عادات وسلوم ولاهي جديده
ومن بعدها حلو السوالف لها ذوق=سوالف اعذاب جل فريده
ودارت مثايلنا وكل يعبر=من شرد الافكار نقى شريده
هذا طرات العمر والعمر فاني=نريد والله يفعل اللي يريده

اقتباس من مشاركة برق الوسم (المشاركة 1523294) الجدي صح لسانك واعتلا شانك قصيده رااائعه دخلتنا بجو خايع عشبه خزامى وربله صابه من الوسمي مزونن عديده بيض الله وجهك لاهنت تقبل خالص الود والتقدير

اقتباس من مشاركة مجازف الشويلعي (المشاركة 1523354) الجدي صح لسانكـ وبيض الله وجهكـ

اقتباس من مشاركة عظـــيم المشاعر (المشاركة 1523374) صح اللسانك

اقتباس من مشاركة كــــاتــــب (المشاركة 1523384) هلا بالجدي شاعر ومتميز وشوارد فريدة وجزله هالقصيدة صح اللسانك

اقتباس من مشاركة طلال بن سعد (المشاركة 1524688) صـــح لســــانك يالجدي ومشكورر

اقتباس من مشاركة تاج عبس (المشاركة 1526417) مشكوور اخوي على القصيده الجميله

اقتباس من مشاركة عبس404 (المشاركة 1526933) صح لسانك يا بن صبح وقصيده جزله من شاعر جزل

مشكوور اخوي على القصيده الجميله ورائعه
وصح لسانك .


تحياتي ,,,

اقتباس من مشاركة الحر النداوي (المشاركة 1531254) ابن صبح صح لسانك وأعتلا شانك قصيده جزله من شاعر جزل بيض الله وجهك ولاتحرمنا من الجديد

اقتباس من مشاركة ذيبان الرشيدي (المشاركة 1531335) لله درك يابن صبح على هذه الباذخه الزاخره نص رائع وشامخ بشموخك سلمت عليه ودمت

اقتباس من مشاركة ولدالرياض (المشاركة 1531271) مشكوور اخوي على القصيده الجميله ورائعه وصح لسانك . تحياتي ,,,