خطورة كاميرة(الكام) الاب توب
 

هذه موضوع حصلته في احدى المنتديات وهو تحذير عن كاميرة الاب توب واحد الاشخاص يروي لنا قصة احد من اصحابه



تعرفون ان في الفتره هذه انتشرت اللابتوبات اللي فيها كاميرا

واي واحد شاري هالابتوب مبسوط فيه وراج راسنا بكاميرته

وماشي عند الناس فشخره لابتوبي فيه كاميرا



لكن اللي اغلبكم ما يعرفه انه انتشر برضو برنامج

يشغل الكاميرا بالمسنجر او السكايبي وانت ما تدري

يعني راعي البرنامج يدخل عليك ويشوفك وانت تحسب كاميرتك طافيه

والادهي والامر انه حتى الشخص اللي انت ما سويت له قبول يقدر يشغل كاميرتك عن

طريق الرسالة الفورية <<< هذه ميزة بمسنجر بلس



واللي خلاني اكتب الموضوع هالسالفة :



يوم الاثنين اللي فات كنت رايح لواحد من اخوياي

وهالولد انا افهم وش فيه من تعابير وجهة

وشفته مبين عليه الهم والغم والدنيا مو شايلته

سالته وش فيك ؟



وقالي سمعت عن البرنامج اللي يشغل كاميرا النت

قلت له ايييييه وش بلاه



قال انا يوم السبت تارك ماسنجري مفتوح واللابتوب مشغل

ورحت اتروش ورجعت ابدل بغرفتي <<< يعني كان عريان <<



يقول شويه واسمع صوت المسنجر اللي يطلع لو احد كتب لك كلام

ولما دخلت الا واحد يقولي شخبارك ومن هالكلام

وما امداه اخذ دقيقتين الا يقولي بوريك شيء .. مقطع فيديو



خويي تحمس وجا يبي يطالع الا المسكين شاف نفسه وهو يبدل



يقول خويي الحمد لله ما اغمي علي
وبعدين صحيت وبعدين اغمى علي وبعدين تناقش معه

الولد قاله اذا ما تبي المقطع ينتشر ادفع لي 1000 ريال شحن سوا ترسلها لي



طبعن خويي ما وافق لانه عارف ان الولد بيرجع له مرة وثنتين و3





الولد للاسف عمره 21 ومبين عليه ( طعس ) وعاطل ومو هامه احد

حتى لما خويي قاله اتق الله فيني قاله مو شغلي ولا تفتحلي مواضيع دين



المهم ان الولد مهدد انه ينتشر المقطع

وخويي لما امس وهو مصدوم وحالته حاله وخايف



والسبب كله كاميرا اللابتوب اللي حنا فرحانين فيها



عشان كذا نصيحة مني لكم شوفو لها حل

غطوها بورقه او كسروها وجيبو وحده http://forum.al-wlid.com/images/smilies/smile.gif

الحمدلله ماعندنا جهاز فيه كام ^_^
مشكور ع التنبيه مجازف
تحيتي لك

رشيديه واافتخر
الله يعطيك العافيه على المرور لاهنتي

هذي من سلبيات التقنية ان فيه ناس تفكيرهم ومواهبهم يستغلونها في أذية الناس حسبي الله عليهم
ومشكور على التنبيه
والحل لصقه وريح نفسك والا حاول تضبط الكام ع السقف ههههههههههههههههه
خله يطفش من السقف ويذلف عنك ههههههههههههههههههههه

والله هالسالفه صارت بلا ب توبي

كنت الاحظ لمبه الكام تشتغل بروحها وتتسكر

بس الحمدلله كنت بالأساس مغطيتها بستيكرز

: )

عقب خفت ولغيت تعريفها مره وحده هع


مشكور مجازف

السلام عليكم ورحمة الله وبركآته ..
http://forum.toleen.com/uploaded1/12...1211488888.gif
أحب أقول بالبداية يعطيك العافيه أخوي / مجآزف عالموضوع المهم ..
وحبيت أوضح نقطة إنه محد يقدر يكشف اللي بجهازك إلآ بعد الاختراق
تشغيل الكآميرا عن بـُـعد يعتبر إخترآق للجهآز ..
بعض الفآهمين بالكمبيوتر يقولون / لآ يمكن الاختراق إلآ بعد
إرسال ملف التجسس وتشغيله من الضحية ..
لكن أحب اوضح إن هناك تقنيآت حديثه مثل برنامج الميتآ سبلوت ..
Metasploit
برنامج إستغلآل الثغرآت الأمنيه ..
هذا الله يسلمكم برنامج قوي جدا ..
حيث أن مستخدم هذا البرنامج يستطيع اختراقك بمجرد معرفة الاي بي ..!!
وإستغلآل الثغرات الامنيه مثل ثغرآت المتصفح أو الريال بلير وأكثر ..!!
وللأخت / SaRoOnA ..
مو مشكلة هآتي الاي بي تبعك وأنا اثبت التعريف تبع الكاميرا ..^^
ولو مافي كاميرا عادي يكفي سمآع الصوت من المآيك ورؤية كل تحركاتك
دآخل شبكة الانترنت ..
http://www.shmaaly.com/vb/images/smilies/i.gif
خآلص الحـُـب / بوسعود ..

ابوياسر اشكرك على مرورك

سارونه ديري بالك على خشتك وانا اخوك

بو سعود اشكرك على الرد الذي اضاف للموضوع الكثير


المشكله ان الاب ابو كام خطير جدا يعني لازم تسكر الكام بلزقه حتى لو اغيت التعريف

الهكر بأمكانه يدخل على جهازك ويعرف الكام ويشغله

انا اذكر واحد من اصحابي ماايعرف للنت نهائي

بس شافنا كل واحد مع لاب توبه ودرعم وشترى له لاب

المهم انه بداء يضيف على اميله واعطيننها بعض النصائح التي يحتال بها الهكر عليه

المهم يقولنا مره مادريت الا واشوف الكام حقي لمبته مولعه وحنا قبل كذا قلنا له اذا ولعت المبه اعرف ان الكام شغال

المهم واخونا بالله يحط رجله ويطلع من الغرفه هههههههههههههههه

ويقول واروح اجيب بطانيه واطشها على المحمول وخليته لين يطفي بطاريه وطلعته ههههههههه<<<رخمه وبريء بنفس الوقت

والمشكله ان الهكر مايتعب نفسه ويهكر بس يبي تفرج بخشتك لا بل انه يسجل التصوير

ويبدا عاد بتهديد والوعيد وطلب مبالغ


الهدف من الموضوع التحذير من هذه الوحوش المفترسه

ودمتم بستر الله

مادريت
ايه تعجبيني خليك سنعه وانا اخوك

ماعندك ستكر كشخه للجهازي خخخخخخخخخخخ

مادريت اسعدتيني بمرورك الله يسعدك يارب

الله يسترر علينا شكرااا اخوووي

عذبه الاطباع منوووره ^_^

العفوو اختي لاهنتي على المرور

شاكر طرحك أخي سعد
والله يخارجنا من الكامات

مشكور على التنبيه والتوضيح

ابو حماد قواك الله
لاهنت يابعدي

العفوو ياابو رايد
وانا ايضا اشكر للتواجد هنا

مشكووووور ويعطيك العافيه
على هاذا التنبيــــــــــــــه...
اشكرك جزيل الشكر.......

ابو سعيد لا هنت والعفوو يابعدي

الله يسلمك من كل شر
تسلمين على المرور

مشكوووووور والله يعطيك الف عافيه

الله يعافيك ابو فادي
وتسلم على مروركـ الجميل

يسلمووو ياقلبي

فديت قلبك
شكرا على تواجدكـ الراقي ياراقيه

مشكور اخوى مجازف علي التنبية بس
الرجال عادي ويش يبي يسوي
تقبل مرورى

مشكووووور على الموضوع الرائع