عبود أنا ما نمت حزت رقادي = طاف الوعد والنوم ما هو غصيبه
يا عين ما هو غصب والأ عنادي = إن كان ماله بي والله ما لي به
فزت من حلو الغطاء والوسادي = مشيت مثل اللي فقد له ذهيبه
عديت في ضلع(ن) عسير المعادي = متعودن ارقاه ما هي غريبه
قربت من خشم الفتايل زنادي = وشعلت في روس الفتايل لهيبه
لهيب شعر(ن) ما يجيه انتقادي = من هاجس(ن) سجات فكره عجيبه
من شاعر(ن) مرساه شط الوكادي = من روس عبس مطوعين الصعيبه
مرساي هو مرساي حر وبرادي = ابقى علي الحرم والله ما اسيبه
لو عشت في الأيام هم ونكادي = ولو عشت في جو الحبيب وحبيبه
تضيق والأ تنفرج شي عادي = ما تهمني نكباتها و المصيبه
مريت ببحور(ن) تطارخ سوادي = ومريت في أنواع البحور المهيبه
ومريت في جو(ن) لطيف وهادي = جو(ن) يسلي خاطري ويغديبه
صديت عن ناس(ن) تحب الدوادي = مستعمرين الهرج بهتاً وغيبه
آمنت بالرحمن رب العبادي = الواحد اللي كلنا نلتجيبه
أخذت من نهج النبي خير هادي = خير البشر في سنته نقتديبه
ورثت سلم أبوي سلم الأجدادي = ورث(ن) عزيز وسلمنا نحتفيبه
سلم الرجال أهل الكرم و المبادي = نفخر بطيبَ ساعة(ن) نبتديبه
علمً صحيح وسلم ما به تمادي = ورث(ن) ورثته ما طلبته طليبه
الله عطانياه رب البلادي = طبعي كذا والكل يلقى نصيبه
للمرجله أبسط كفوف الأيادي = و افخر بفعل المرجله واحتليبه
ما زلت اخطط نظرتي للبعادي = حرام عيني تلتفت للقريبه
أن عاش راسي غير أحط الشدادي = فوق المطيه غصب والأ بطيبه
واسجها وأهيم في كل وادي = واسجها مع كل دربً وصيبه
واركب واغني بالقصيد الجدادي = واللي على بالي أجيبه أجيبه
الزرع لأهل الزرع يصبح حصادي = والزرع لازم صاحبه يعتنيبه
وأنا مبين مقصدي مع مرادي = والعلم بين للعقوله اللبيبه
أقولها مرساي شط الوكادي = من روس عبس مطوعين الصعيبه

اقتباس من مشاركة البعيد الهادي (المشاركة 1470175) الله الله يااابو فيصل صح اللساانك وتعلا شااانك مفردات جزله ومن شااعر جزل . يتجدد شعره ويرتقي مستوااه ماشاء الله عليك يااابو فيصل ونتمنى لك التوفيق والنجااح في مسيرة حياااتك الشعريه ودمت بحفظ الرحمن

اقتباس من مشاركة شداد المظيبري (المشاركة 1470188) صح لسانك ع القصيده الجزله والابيات الرائعه ننتظر المزيد من ابدعاتك الشعريه

اقتباس من مشاركة كــــاتــــب (المشاركة 1470191) شاعرنا عواض بن بهلان اتحفت اسماعنا بمفرداتك القوية وسلس المعاني وقوة النص بيض الله وجهك وافي

اقتباس من مشاركة برق الوسم (المشاركة 1470228) شاعرنا / عواض بن بهلان صح لساانك قصيده جميله ورائعه ... استمتعت بقراءتها .. أكثر من مره .. لله درك .. تقبل خالص الود والتقدير

اقتباس من مشاركة مـآجـد (المشاركة 1470249) عواض بن بهلان .. كفوا والله وصح الله لساانكـ .. رائع ومبدع............وجزل.؟ .. اشكركـ على ماطرحت لنا من روائع تطرب الذائقه .. تحياتي وتقبل مروري