ميادين الزمان
 

املي ان تحوز على رضاكم



___________________________





حبيبي شف ميادين الزمان ال خيلها عجه
. . . من انبال اورماح الطعن في صدري وانا لاهي


تمادابي مقالب مالقيت ال خصمهـــــا حجه
. . . توالا مع مقاديم اليــــــالي ، والزمــــن راهي


وانا الي كل مابي في خفوقي للوله ضجه
. . . علا هاك الصبــــاح الي نعــس في ليلك الداهي


وبيت وسط جفني صورة(ن) لرمش وال حجه
. . . وضاع الي من اول بالخيال ولابقــــى الاهي


عيون(ن) كل مايرعش هدبها ل لنحر فجه
. . . ولوماهي نواعس كان طاوعت امرها الناهي


تغانج لي محاجرها كسل.. وانعاسها سجه
. . . اناوشلون مااطمع في عيون(ن) طرفها ساهي


حبيبي ماعشقت اعيونك ابغا اعيشها دجه
. . . وانا ماقلت لك.. مرهن عليها.. والعذر واهي


ابا لعيونك ابت الطريق ..السمح واوجهه
. . . وابا اسلم من غثا سود اليــــالي والثمن جاهي

الشـــاعر ناصر محياء القلادي

يعطيك العاااااااااااااااااااافيه

ناصر محياء
صح لسانك نص جميل مليءباالابداع
ننتظر جديدك لاهنت وتقبل مروري

تمادابي مقالب مالقيت ال خصمهـــــا حجه
. . . توالا مع مقاديم اليــــــالي ، والزمــــن راهي


وانا الي كل مابي في خفوقي للوله ضجه
. . . علا هاك الصبــــاح الي نعــس في ليلك الداهي

الله الله

ابداع وصح لسانك



تقبل مروري

تحياتي

ونت سالم وغانم

شكرا على مرورك

صح بدنك وطابت لياليك

إقتباس:

حبيبي ماعشقت اعيونك ابغا اعيشها دجه . . . وانا ماقلت لك.. مرهن عليها.. والعذر واهي ابا لعيونك ابت الطريق ..السمح واوجهه . . . وابا اسلم من غثا سود اليــــالي والثمن جاهي

صح لسانك ولكنها قصيده ادنى من المستوى الشعري
اخي راجع الكلمات المدونه باللون الاحمر وتعرف هبوط القصيده عن المستوى

بيض الله وجهك لاهنت

حبيبي ماعشقت اعيونك ابغا اعيشها دجه
. . . وانا ماقلت لك.. مرهن عليها.. والعذر واهي


ابا لعيونك ابت الطريق ..السمح واوجهه
. . . وابا اسلم من غثا سود اليــــالي والثمن جاهي



ياسلام عليك انت احسن واحد

اسمح لي باتعديل لعيونك

حبيبي لاكتبت الشعر يصبح ناقده دجه ...
.... يذوقونه مذاق الزعفران بكاست الشاهي

ولكن والله اني باتل(ن)بالدرب وموووووجه....
..... انا عندي ثقة بحروف شعري والحبر راهي

وانت احسن واحد بالدجه
وهذا مرد لك00

حبيبي شاعرك ناصر حروفه كلها دجه
---- وهو دجه على دجه وعلى الدجات متباهي
على عمياه يمشي يحسب انه صح متوجه
----- مسويها ثقه يامخبل المسكين ويضاهي

هلا فيك اخوي كاتب وشهادتك فخر لي

غريبه ؟ معظم الشعراء الكبار مرو على هذه العصيده قصدي القصيده
وطنشوها ولم يردو عليها ؟؟ ( لو فيها خيرما خلاها الطير ) مالك ومال الشعر... يا....

الي مرو على القصيدة ومدحوها كلهم رجال كبار بشعرهم . وعمارهم ...

والنعم فيهم كلهم
بس كان بودي طالما انك في بداياتك الشعريه انك تستشير لك كم واحد قبل تكتب القصيده
لأن من استشار استخار.
والشعر ماهو لمن هب ودب 0

ماتفكني منك الا الختبارات

حتى الدكاتره عندهم اختبارات( ولا تبتعد عن الموضوع الرئيسي)

صح بدنك على الاشادة
تقبل تحياتي

صح لسانك

إقتباس:

حبيبي شف ميادين الزمان ال خيلها عجه . . . من انبال اورماح الطعن في صدري وانا لاهي

هناك خلل في عجز هذا البيت وهو لا يفقد القصيده جمالها
كل التوفيق لك
.
.

والله الخلل بالي ينقد وهو ماهو كفوء

تعال ياشاطر واكتب البيت وخذه حرف رحرف

وضح الخطاء وضح الصواب

لاتقول هناك خلل وتضرب الباب تحاول تخدش في قصيدة

اولا: اللي ماهو كفوء انت واشكالك لانك ماحترمت نفسك ولا احترمت المتواجدين بالمنتدى 0
ثانيا: انا ماني بفاضي اعدل لك 0 والخطاء وضحته لك لكن الظاهر انك ماودك تفهم 0
ومثل ما اانت ترضى باالمديح لقصيدتك يجب ان ترضى بالنقد 0 والقصائد هنا للمدح والانتقاد 0

القافلة تسير ... الخ......