|
تكفون يا بني عمي .. طلب بسيط
[justify] صباح الخير ... للجميع و الله يا سعد قلبي أذا كنت متواجد بالمنتدى و شوفت بني عمي و الله اليوم أبيكم تساعدوني بقصيدة و تكون على الجرح أبيها عن واحداً أخوه يبي يسافر للخارج للعمل و هو الرجال حزنان على فراق أخوه و قلت لابد أشوف لي قصيدة من قصايد بني عمي و أهديها لهم ... و أنا على أنتظار ردكم .... لا خلا و لا عدم المهيمزي |
تمنيت أفيدكـ .. ولكن عذرا"
وننتظـر الأخوآن .. فيهم الخير وسـلآمــي .. |
تسلم يا نايف و أنتظر بني العم
|
صباح الانوار وهلابك اخوي الغالي بين ابناء عمومتك وغالي والطلب رخيص وبالنسبه لي جميع قصائدي تحت أمرك وأتمنى أن تجد مايفي هذا الغرض ( يعني ماعليك الا انك تختار) وتدلل يابن العم ومعذرتاً على التقصير تقبل تحياتي وتقديري |
انجزوا الرجال ماطلب الا قصيده
عندك ياسعيد ابشر بالخير كلنا تحت امرك شعريا |
إقتباس:
|
الله يوفق من تجهزا وسافر = والله يعين الى تحرى ووادع
اتمنى انى وفقت والله يوفق الجميع ويستر عليهم ويردهم بالسلامه تحياتى |
ياليتني شاعر واقدر اهديك بس الشكوى لله والبركه با الشعار اعذرني تقبل تحيات اخوك ابو ريماس
|
إقتباس:
بس بــما انك نصـــيت بمطلبك هل الفزعات والنخوووه بطل العـجب فـي سؤالك وابــــشــــر بالسعد [poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""] يجف بحر الكلام وتنظح العين = من وقع رفت جناحين الوداعي والقلب كنه مقدد بالسكاكين = لا جهزو للسفر حبل المتاعي وشدو به حمولهم خلاص ماشين = وعوة بصدر الامل شهب السباعي وقفت مالي علي الفرقا معاوين = ماغير دمعي وحري والتياعي ياخوي ليت الموادع يووووم يومين = والا ماجالك علي الغربه مساعي ان كان ماصار همك بالشرايين = ولا دعا دمعة العينين داعي ابيلك الخير لكن بعدكم شين = ويزيد من طاري الفرقا رواعي لكن مالي علي فراق المحبين = قدره ولاني علي امر الغيب واعي لو قلت خل السفر ياخي بعدين = ياخي فرقاك فوق المستطاعي وتردلي بالسلامه والله يعين = علي ليال المفارق والوداعي [/poem] تقبل تحيات اخوووك القسوره والمعذره عن القصووور كتبتها علي عجاله |
إقتباس:
صح لســآنك يآبطل سبقتني بشوي هههههه |
مافات شي ^_^
|
يالله يا عسى ما تبكي لكم العين
و الله أن ردودكم أثلجت صدري و عز الله ألا ماله بولد عمه نفع لا ترجي منه خير و أنتم و الله أني ما أعرف ألا البعض منك بأسمه و لكن كبرتم بقلبي و أنا ما لي فخر ألا فيكم ... أخوي سعد عيد أو عيد سعد ليتك تنزل الرابط ألا فيه قصايدك . الله لا يهينك الراشد أنت علم على راس جبل الكل يمدحك من بني العم و الأجناب و يكثر ألا ينشدون عنك و قلت لهم هذا من بني العم و الكل يقول متى نقدر بس نجتمع معه و قلت لهم أنا ما أعرف الرجال معرفه شخصية لكن لكم مني أني أرسلكم كله جديده و عز الله أني ما ذخرت عنهم شيء يالذيب . |
إقتباس:
تحياتي |
إقتباس:
بيض الله وجهك نعم هذا الشعر النادر الغريب قصيدة في غاية الجمال صورها .ومضمونها .ورونقها . وعذوبت تسلسل مفرداتها جعلتها تسيرعلى خطوات كان ايقاع يصور للملتلقى هامة مرقاب شيخات القصايد |
مقدر اقول غير ربي يوقفه احسن من الشعر لكن انشاءالله ندورك علي قصيده طيبه
|
الشكوى لله
|
| الساعة الآن +4: 04:03 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
