قبيلة بني رشيد - ادري ان المشرك ان مات مثواه الجحيم ..وادري ان مادو

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

ادري ان المشرك ان مات مثواه الجحيم ..وادري ان مادو

بسم الله الرحمن الرحيم

السلام عليكم ورحمة الله وبركاته..

........
.أحبتي ،،أسعد الله أوقاتكم..
متواضعة..كلي أمل أن تحوز..على استحسانكم..

/..زمان الغضب../

صاحبي والليل مايشفي اوجاع السقيم= والعذر عن مدة الطيب مافيه اثمره
وش يسوي خالي امراح لوكفه كريم= لا لفاه الضيف ماعنده اللي يذخره
كل يوم لغيض الايام زفرات وهميم= وقتٍ ادمتني سيوفه وتطعن خنجره
مامنحني في زمان الغضب صدر الحليم =ولازرع لي في هجير الظما غصن شجره
يوم ينخا ني رفيقي على الخطب الجسيم= واتلوى ضيق من خوف يلحقني شره
اجزم ان الوقت لاشح في وجه الكريم= والله انه مايقدم ولو قدر شعره
واجزم ان الوقت لاجاد لكفوف اللئيم= والله لتنبت ..ظوامي صحاريها ذره
من كثر ماني بمأساة والوضع العديم =مالمحت الميسره في عيون المعسره
قايم ٍ في جبال رضوى وانا كتفي كليم= واتساءل كيف همي ليازاد اقدره
لو تربع نجد مالي بها روضة خريم =ولايسر البارق الا من يجيه مطره
ادري ان المشرك ان مات مثواه الجحيم =وادري ان مادون ذلك بحكم المغفره
موقفٍ محرج ولايعود الصاحب خصيم =ساعة ٍ فيها ظروف الليالي..تجبره
صاحبي ماعاد في صاحبك ظلع ٍ سليم= غير ظلع..وخايف ان زاد حمله يكسره
صاحبك لاضامه الوقت والجرح الأليم =ضمده لاتزيده اجراح والكسر اجبره
والعفو مايصدر الا من الرجل العظيم= والخطا وارد...ومن ساق عذره.فاعذره

مع فائق
الاحترام،والتقدير..
محبكم/بندرالرشيدي..

الله دلاك
ياشاعرنا
نص رائع ومتميز وفاخر وجزل في الوقت ذاته
ومصافحة قوية
بعد الغيااب نترقب جديدك الجزل المفيد

ولاخلا
ولاعدم

دمت بخير وعافية

صح لسآنك .. الشآعر بندر..

أبدآع .. وقصيده جميله..

أعجبني أخر بيتين بتُلك الرآئعه ..

وشكرأأأ

أخي القدير..

ذيبان

سلمك ربي...ولاهنت..
شرفني تواجدك...

ماسكبه مدادك...هنا..شهااادة أفتخر بها.
....

أسماود وأجل احترام.وتقدير..
لشخصك...

اخوي بندر الرشيدي
تحياتي لك على هذه القصيدة التي تسلسلت من بدايتها حتى نهايتها من أروع الصور الجمالية وأعذب الكلام وختمتها بأحكمه . عذب ياشاعرنا

نسخت هذه البيتين لا لنهن الأجمل بل القصيدة مابها غير الأجمل لكن قبل اطلع على صفحتك جتني مكالمه هاتفية وكنت اتكلم مع المتصل بنفس نص هذه البيتين . سبحان الله

صاحبك لاضامه الوقت والجـرح الأليـم

ضمده لاتزيده اجراح والكسـر اجبـره</b>
<b>والعفو مايصدر الا من الرجـل العظيـم
والخطا وارد...ومن ساق عذره.فاعذره</b>

تحياتي

وعليكم السلام ورحمة الله وبركاته

أخوي العزيز شاعرنا الفذ

بندر الرشيدي

صح لسانك

’, مــدد بــلآ عــدد ,’

على هذه الرآئعــه والجميلــــه جداً

ننتظر جديدكم الجزل المفيـد..,

وفقنا الله وإياكم لكل خيــــــر

القدير ..

الشامخ..

صح بدنك..طال عمرك..

اسعدتني ..بتواجدك..

وشرف لي إعجابك..

خالص

الود..والتقدير..

الشاعر القدير..

كاتب...

تواجدك هنا..شرف لي...

وإشادتك أعتز فيها..وأفتخر..

كل الشكر والتقدير..

لشخصك..

صح لسااانكـ اخوووي بندر روووووعــــــة
الله يرضى عليك

أسناذي.القدير..

مبارك الشويلعي...

تواجدك..شرف لي...

وإشادتك أعتز فيها..

صح بدنك..وسلمك ربي..

كل الشكر والتقدير..

لشخصك..

صح لسااانكـ اخوووي بندر روووووعــــــة
الله يرضى عليك

<b>لو تربع نجد مالي بهـا روضـة خريـم
ولايسر البارق الا مـن يجيـه مطـره
بندر
استاذي السابق دراسيا واستاذي الحالي شعريا
لا استطيع الا ان اصفق لك
تحياتي لك

صح لسانك ياشاعرنا المبدع بندر الرشيدي
صراحة قصيدة روعة انسجمت مع ابياتها بيض الله وجهك على القصيدة
ولاتحرمنا من جديدك

قصيده جزله ابيات رائعه بيض الله وجهك
صح لسانك
مع الشكر والتقدير لشخصك الكريم

..
ذبحني غرورك

صح الله بدنك وسلم ربي عمرك....

كل الشكر..والاحترام..

لشخصك..

صــــح لسانـك على هذه القصيده

أخوي..

محمد الجنيني..

صح بدنك..وربي..لاهانك..

خالص الشكر..والتقدير..

واااااااافر الشكر...والتقدير...

لكل من شرفني بحضوره الشاااااااااااااااااااامخ هنا..

وافين الله لايهينكم....

وبيض الله وجيهكم...

وكل عاااااام وأنتم بخير..

ياسلام يابندر شاعر متمكن
ادري ان المشرك ان مات مثواه الجحيم=وادري ان مادون ذالك بحكم المغفره

شاعر متمكن وصح لساانك على الأبيات الجزله
ابيات مضمونها القوة والروعه

تقبل مروري

صح لسانك اخوي بندر
قصيده في قمة جمالهااااا

أخوي الشاعر بندر نعم ثم نعم بكل تقدير وأحترام يسرني أن أرفعك القبعه على هذا الطرح الشامخ

ياحبني لمشي الدروب العسيرات...............ويحبني لهل الوجيه السفيرة

أهداء لبندر :)
شرواك وشروى الأخوه الأعزاء