الليل طرف
 

اسمع اسمع

الليل طرف ولاباقى من الليل ليل = والعلم غبة بحر والحمل فوق الجمل
اقول لوترحل الدنياء على قرن فيل = مافيه امل يكشف المضمون مافيه امل

وينك ياعوض
الليل سسسسسسسسسسرى

دقايق ويجيك الرد

هات الخبر يابن جوهر لاتحيد وتميل=وخل العلوم الهزيله عند راع الهزل
دنياك هاذي تراها للردي الذليل=وراع الوفا ماحصله غير هم وزعل

عاشت ايامك ونعم ياالخيارى
ولايهونون اخوانى المتواجدين

طيب طيب
اللعب يابن صبح مدامك لخصمى بديل = وخذ لك صوره من المضمون طبق الاصل
ماتنزل البدو يامنصور وصط المسيل = هذا ماقال المثل وش رايك بهل المثل

مرحبا ياعوض العجونى
الطاروق رد عليه منصور
ومنصور كفو ويمون

ياعايض انته تكيل ولا عرف وش تكيل=الخد ميدان والمحصول للي بذل
ماتنزل البدو لاكن يابن حامد تحيل=وانته كماهم ولو انك براس العمل

اسمع اسمع
التمر ياطير شلوى فى حلوق النخيل = مايجيبه العامل اللى ميت من الكسل
اللى يدرب سرايا مابلش باالفصيل = والنود لو هب ماحرك ركون الجبل

انا ماقول الكثير انه سوات القليل=وشفيك ضيعت دربك ياالبعير الهمل
احذر تشيل الجمر ياصاحبي باالشليل=اعرفك من عام الاول منت رجلن خبل

ياسلام ياسلام


متابع اسعد الله اوقاتكم

حياك الله يابتال متابعتك شرف

طيب طيب
انا مابهرت بن اشقر من الزنجبيل = ان طعتنى لا تعود هالخطا وعتدل
ياصار عرف الهدف ياالعجرمى مستحيل = دور على اللى تعرفه ومش حد السهل

منزلك ياالجدي مايشبه لمنزل سهيل=والعجرمي لو يخطي باالخطا ماشمل
عامل رجال الوفا الي ماتغش العميل=انا اقدم ذهب وانته تقدم هلل

اسمع اسمع
ياعين عينى على مرباع بيضا نثيل = اخير من مقعدلى فى ديار المحل
ياحسبى الله على الدنيا ونعم الوكيل = ماحد يابوزيد يمرح حول بيت النمل

ياغصن يلي ليا هب الهوى لي تميل=ماجيتك الا ادور للعسل والنحل
وثرك من شجرة الحنضل ويسقيك نيل=تبقا المراره مراره لو حصل ماحصل

مشكور يامنصور ماقصرت
والشكرموصول للمتابعين وتصبحون على خير

وانت مشكور ولاحصل منك قصور
وشكراً للمتابعين

وتصبحون على خير