(((((عايض بن جوهر))))
 

أهلاً وسهلاً بمشرفنا العزيز أشكرك على أهتمامك
بنسبه لسيرتي الشعريه
انا بدات الشعر منذ خمسة عشر عام تقريبً بنوعيه النبط والمحاورة
بنسبه للمحاورة لعبة مع شعراء كبارمثل الشاعر الكبير/ عيد بن مربح بالرياض والشاعر الكبير / ثنيان بن سرور العجوني والشاعر الكبير / ناصر بن عياضه العجوني والشاعر الكبير / سعدان بن عابس القعبوبي أسئل الله أن يشفيه والشاعر / بكر الحضرمي والشاعر/ زيد العظيله والشاعر / عبدالله بن عتقان و الشاعر / فيحان القعياني ومحمد بن طمحي في حايل عبدالله الاشرم ودحيم الخياري والشاعر الكبير فوزي بن مربح الشاعر الكبير /رشيد بن معدي والشاعر /شاهر العنزي والشاعر / أحمد العنزي وشعراء كثيرلاتحظرني أسمائهم بالنسبه للمحاورات بعضها موجود عندي وسوف نوافيكم بها وسبق ان أنقطعت عن المحاوره لمدة ستة سنوات لظروف العمل وعدة قبل اربع سنوات بعد زوال الظروف

وعليكم السلام ورحمة الله وبركاته

يجيك ابن جوهر ويعلمك من اللي لعب معهم و شوف هذا الرابط بين الشاعر عايض ابن جوهر والشاعر نايف بن صبح تقريباً عام 1417هـ

http://bani-3abs.net/aa/showthread.php?t=57451

أولا واجب علي أن أهتم بشعراء القبيله وأعذرني والله ماكنت أعرفك زين وحياك الله ياعايض ابن جوهر وبصراحه العتب على الأعلام وأقصد بالاعلام أعلام القبيله لابد يكون فيه اعلام للقبيله مثل المنتديات وغيره لكي يطلع ابناء القبيله على شعار قبيلتهم والله ان فيه شعار ماعرفتهم غير هنا أمثال سعدان عابس وهذا لك تحياتي يابن جوهر وبأنتظار محاوراتك الصوتيه واعذرنا لومحاوراتك تباع والله لأشتريها وأنزلها
ولك تحياتي

مشرفنا الرائع العرعري مشكور على الموضوع
وصراحه انا ماسمعت او قراءت عن شاعرنا عايض ابن جوهر الا هنا بالمنتدي قبل شهرين تقريباً من خلال محاوراته هنا بقسم المحاوره وماكنت اعلم بأنه سبق وان لعب مع هولاء النجووم بيض الله وجهك على سؤالك وبيض الله وجه شاعرنا ابن جوهر على الايضاح
اتمنى تزويد الشبكه بمحاوراته حتى نتعرف عليه اكثر
اتمنى له التوفيق

السلام عليكم جميعا وخاصه ابن جوهر

ونعم السيره


تشرفنا يالشاعر بن جوهر

عايض بن جوهر





جينا نلبي دعوة الداعـي
الله يبارك حفل داعينـا
بعد عرفنا المد الوصاعي
غير الوفاء لاشي يرضينا




نايف بن صبح





أبك البقاء يالصاحب الواعي
اتشوف بعيونـك وتوحينـا
ياللي تميز درب الاسناعـي
فيكـم عسانـا ماترديـنـا




عايض بن جوهر





نايف ترا مانيب طماعـي
لولا رضاكم كان ماجينـا
عند البريد الكاتب الساعي
شرواك بالجزله يجازينـا




نايف بن صبح





خابرك مافي راسك اوجاعي
لكن ويـن أنتـه مسرينـا
بعض البضايع كيف تنباعي
لاصار سعـرن مايمشينـا




عايض بن جوهر





لاصرت فاهم كل الاوضاعي
يعجبك حاضرنـا وماضينـا
والسوق أطيعه لو ماينطاعي
تبغى الصراحه مهو مغرينا



نايف بن صبح





يمطر لكن ماينبـت القاعـي
أنا أحتديتك وانـت حادينـا
فوق السفينه رفرف اشراعي
لكـن كـود أنـك مخاوينـا



عايض بن جوهر





أعرف مدخالي ومطلاعي
أنكان منت العـام ناسينـا
يوم الركايب ساقها الراعي
نارد معه والبيـر تروينـا




نايف بن صبح





منكم تراء مانيب مرتاعي
وإليـا عمينـا لاتقدينـا
لاصار سيف القوم لاماعي
اليـا تحدونـا تحديـنـا



عايض بن جوهر





القلب خله بين الاضلاعي
أن أختلف قلبـك تعنينـا
أتصير هوشه دون فراعي
وأن شفت هوشه لا تنادينا




نايف بن صبح





قلبك بعض مرات يلاعي
ومن حر ماتونس مسرينا
معاد الك يالشيخ شفاعي
فيكم يابو حامد ولافينـا




عايض بن جوهر





وين العشاء لذيب لاجاعي
منته ردي لكن ماتكفينـا
للخيزرانه صرت مطواعي
ياللي ثلاث أيـام ناوينـا




نايف بن صبح





أثرك يارجال قطاعي
غير الحقيقه لاتودينا
أنكان مالشر دفاعي
قدامك الليله تلاقينـا



عايض بن جوهر





وأنا لصعب الضرس قلاعي
لاكن عساء الرحمن يهدينا
شربتلك شاهـي بنعناعـي
تكرم مانبغـى لاتقهوينـا



نايف بن صبح





أنكانهـا بالشبـر والباعـي
أشبورنـا قدمـك تهقوينـا
يالصاحب اللي شبع ثم جاعي
حنـا عليـهـا ماتناديـنـا




عايض بن جوهر





بعد دخلت ابسوق رفاعي
بالمرجله ليتك تجارينـا












نسخت المحاوره كامله لحيث انها من اجمل المحاورات
وابن جوهر وابن صبح للامانه انهم عمالقه من عمالقة المحاوره
وانا معجب اشد الاعجاب والله الموفق

مشكور يالعرعري ويستاهل ابن جوهر


وقال المثل من حصل شي يستاهله