|
ارجو من الشعراء الكبار الدخول
السلام عليكم ورحمة الله وبركاته
خـــــــــــلوووووووووووووهاااا مرحبا من هاجس" من يوم غنا الطرق شاقه في جميع اللي حضر في منتدى عبس العريقه ودي انشدكم عن حوار" رضع من ديس ناقه محتميته مــــير يوم انه كـــــــبر شق الوثيقه |
الله الله
فيه موضوع نزلته قبلك وانت كيفك تبينا نلعب على بيتك ولا بيتي |
ماعلى كريم" تشرط
انت رد على بيتي وانا ارد على بيتك والليل الليل |
إقتباس:
البقا من راسي وهوجاسي بذوق ولباقه = ياعميلن مشيته بالدرب في خطوه رشيقه ماروا من ديسها طاح وتكسر عضم ساقه = قبل عام وساعتين وعشرة ايام ودقيقه |
السلام عليكم ورحمة الله وبركاته
متابع وبصف صاحب اللغز |
السلام عليكم ورحمة الله وبركاته
مساكم الله بالخير جميع متابع وبصف صقر عبس ولايهوون بتال لو مو زعلان عليه كان مسكت صفه |
إقتباس:
مانقول اقصور فيك وكل بيت" فيه طاقه مير يابتال دوبك لايغدي خاتم عتيقه القعود اللي نقوله ياوسيع العرف عاقه ابتلشنا بولده وابوه ومساعد شقيقه |
حياك ربي ياسعد الفلاح والله لايهينك
|
الله يحيك احب بالجميع وابن حيان والله ولك وحشه
|
إقتباس:
انت شاعر ماتجيب البيت جهل ولا طفاقه= روعك صوت الرعد وشلون لو ناشك بريقه مدي لي كف العلاقه وابشر بكف العلاقه = بعدها نبدا سوالفنا على موجه دقيقه |
انا بصف صقر ولا يهون بتال
|
إقتباس:
طيب طيب انت اظنك شيخ قوم وتعرف المر ومذاقه مأنت ورع" يلعب الكوره ورى سور الحديقه شد حيلك واسر ليلك بالجليله والدقاقه واسمع العلم اسمعه والــــــريع لابدك تويقه |
الله لايهينك ياسبع عبس
|
إقتباس:
ستل الجنحان ياطير السعد منته لحاقه = احسب انك ريش حر وجات بك ريشه رقيقه يابري حالك ويا وجدك وراع الذود باقه = مات مياح السواني والبلا مابل ريقه |
إقتباس:
طيب طيب يمكن انك جيتني مناك في صبر ورواقه مير انا مابغاك ترقص كل مادقت موسيقه انتهت ياصاحبي مابيني وبينك صداقه وش تبى بغب البحور اللي على مثلك عميقه |
صح لسانك ياصقر ابن عبس
شاعر كبير ولايهون بتال وليتكم تكملون الطاروق |
صح بدنك ياسرحان وحنا مواصلين
|
انت مادامك تحب الدفع في كرت البطاقه = ماتبيها كاش لو احملك مالا تطيقه دقتك دقه قديمه والبحر زاد اصطفاقه = اشرب اطشاشه وانا بقرا عليك من الشقيقه |
عودنا على اسلوب ابو عوجه ههههههههههه
|
إقتباس:
|
إقتباس:
والله انــــــي يازميلي مانويت لانطلاقه مير انا اشوف النحل يسقيك من باقي رحيقه شاربك من كف صقر يسلمه موس الحلاقه هــــذا هــــو هرج الحقيقه كان تبغون الحقيقه |
إقتباس:
من يذكي ناقة عريمان مايرضي رفاقه = هب يابعض الشوارب هابطه ماهي طليقه لو رقينا طويق راع اطويق يزعل من طواقه = احتمى الطاروق واقبلها ولو راحت سليقه |
إقتباس:
سرها مسرى الذيابه واحتم البيت ومساقه كل رجال" على كيفه يبى يشجع فريقه القعود اللي نقوله راح ماحصل حقاقه واحلاله يالرجال اللي يحلون الغميقه |
بيض الله وجهك يابتال تشرفت باللعب معك
|
وجهك ابيض
والسموحه على التقصير وصح لسانك وذا حال الطواريق تشرفت باللعب معك وشاعر ولافيها كلام |
صح السنت الشعار محاورة تحت المجهر
تقبلوا مروري |
صح الله السنتكم
أشهد إن هذا الطاروق المسري |
هناك خطأ مطبعي
حاولت اعدله ولم يتم لو رقينا طويق راعي طويق يزعل من طواقه |
صح لسانكم
وبيض الله وجهكم |
الله الله شعار كبار مافيكم حيله
صح السانك ياصقر بن عبس صح السانك يابتال |
محاوره جميله جدا
صحت السنتكم الشاعر\ابن عبس والشاعر\بتاااال والله لا يهينكم........ |
| الساعة الآن +4: 07:05 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
