الندى يسبق بواكير النهار=والليالي طعمها مرّ وحلو
والنقاء عادة طويلين العمار=والوفاء شيمة فلاليح وبدو
توّ جاء للشعر هيبه وأعتبار=وتوّ جاء للسالفه ردّ وحدو
زادني ياسيّدي متعب وقار=مدحك اللي زدت به فخر وزهو
ليه ماتبغى قصايدنا تغار=في مديحك يا عما عين العدو
وأنت متعب حرّ من ماكر حرار=متعبٍ طاريك والنعم وكفو
وقفتك حدّ البياض من السمار=لا أنثنت ساق الهلامه والرخو
هامتك تزهى العقال امع الشعار=ياعريب الجدّ الاوّل والأبو
فزّ لك واقف قصيدي وأستثار=وأنجذب جذب المحاله للدلو
في سموّك ياسموّ المجد صار=كلّ شعر ٍ نكتبه (صاحب سمو)
زاد شانه من مدار اليا مدار=ومن علوّ اليا علوّ اليا علوّ

زاد شانه مـن مـدار اليـا مدار*** ومن علـوّ اليـا علـوّ اليـا علـوّ
الله اكبر الله اكبر,,,,,,,,,,, بيت عابر القارارت
وبصراحة شاعر الوطن وشاعر عبس ابوفيصل
مايستغرب عليه الشعر الجزل والعلم الطيب
وصح السان شاعرنا ومشكور شاعر الجن على
هذه القصيدة