سقاً الله دارن خذتلي مدت فيها=من المزنه الي برقها له تعقرابي
تناسيتها لو كان ماني بناسيها=أحاول ابعد عنك يامحرق عصابي
يجيني قلق وحراج لو حيت طاريها=وترجع لي الذكرى ولدري باالسبابي
بعض ذكرياتن باالمعاليق مخفيها=خطيره على قلبن من الوقت مرتابي
انا احب ذيك الدار من حب راعيها=ولا اطيع فيها كل عاذل وكذابي
ولا ياحمامه هيضتني غوانيها=دخيلك ترى قلبي من اللوع منصابي
اعد النجوم وساهر الليل اراعيها=ويطلع علي الصبح وضيع حسابي
انا لامتى والروح باالهم مشقيها=من العام نوم العين للجفن ماطابي
تعلقت في بنتن عسى الله يجازيها=ولا عن هواها اليوم صده ومجنابي
رمتني وصابتني وزانت مراميها=وغابت وغاب النور بغياب من غابي
ولا ياعذاب الروح من فقد غاليها=ولا ياوجود العين في شوف الحبابي
انا لو لقيت القاضي الي يقاضيها=جنيت العوض من حب تلعات الرقابي
لاكن البلا باالحجه الي ندليها=وانا كل خوفي قول ودى ولا جابي
تعيد الجروح الماضيه ذكر ماضيها=وانا كل مذكر مامضى الوقت ينحابي
تموت المحبه والصواديف تحييها=وراع الهوى لو قال ابتوب ماتابي
اضن الهوى عدن كثيره ضواميها=ومن دونها الي عذبت كل شرابي
ولوي شكيت الحال محدن مداريها=انا نفسي القشراء من اللوم تنتابي
ولا تصلح الشكوى على غير واليها=عليمن بسير السفن والناس ركابي

اقتباس من مشاركة برق الوسم (المشاركة 1152191) منصور بن صبح صح لسانك بلااايين قصيده رائعه وجميله قراءتها اكثر من مره سجل اعجابي ننتظر جديدك الاروع تقبل خالص الود والتقدير

اقتباس من مشاركة احمدسبيتان (المشاركة 1161680) صح لسانك شاعرنا منصور قصيده جميله اعجبني البيت الذي تقول فيه تموت المحبه والصواديف تحييها=وراعي الهوى لو قال ابتوب ماتابي صح لسانك على هالجزله احمد

اقتباس من مشاركة مرشدالمظيبري (المشاركة 1161853) منصور بن صبح صح لسانك بلااايين قصيده رائعه وجميله قراءتها اكثر من مره سجل اعجابي ننتظر جديدك الاروع تقبل خالص الود والتقدير

اقتباس من مشاركة الحر النداوي (المشاركة 1170227) الله الله قصيده من أروع ماسمعت من الشعر كله صح لسانك يابن صبح

اقتباس من مشاركة بعيد الهقاوي@ (المشاركة 1174053) يعطيك العافيه وصح الله لسانك

اقتباس من مشاركة ناصر خنيفر (المشاركة 1180725) ياسلام صح السانك يابن صبح

اقتباس من مشاركة المرتكز (المشاركة 1174541) صح لسانك يامنصور بن صبح

اقتباس من مشاركة ســبع عبس (المشاركة 1189921) صح السانك يابن صبح وتقبل مروري