سلام مني لابو متعب صاحب القلب الكبير= اللي غلا شعبه بقلبه ماتغيره الليال
وسلام مني ياوطنا مهبط الوحي الشهير=يادارنا اللي حبها بقلوبناصعبٍ يزال
وسلام ياعبس العرووبه ياهل السيف الشطير= ياهل الوفاء واهل المروه والكرم والاعتدال
وسلام يامبارك سلامٍ مع شذا الورد العبير= سلامٍ احلا يامبارك من هماليل الخيال
ياللي تقول انا ترى يالابتي ماني بامير=انا ترى من عرضكم وافعل مثل فعل الرجال
هذا الكلام الى سمعته منك في ديرة مطير= في رحلة المرباع بالصمان في ذيك التلال
تقول مانت امير لافي ذمتي انك امير=وانك بطل مقدام وانك من صناديد العيال
وشلون مانت امير وانته جامعٍ جمعٍ غفير= من كل دار وكل ديره من جنوب ومن شمال
هدفك سامي ماتبي في عبس رجالٍ فقير= دام ان ثلثين القبيله كلهم اصحب مال
وشلون مانت امير وانت بكل موضوعٍ خبير =خبير بالواقع وايضا عبقري بالاحتمال
وشلون مانت امير وانته دايمٍ وجهك منير= بالدين والدنيا نعم كامل ولله الكمال
وشلون مانت امير وانته دايمٍ مدك كثير =جزيل ماتعطي ليامنك عطيت الاجزال
اقل ضيف تكرمه لجاك تذبح له بعير=ولوصار عندك عام كامل ماتوجه له سوال
وليين جنابك لكن انك لازعلت تصير غير=ولايزعلك شىٍ بسيط وقول قيل وقول قال
تزعل ليامنك عرفت ان الوضع وضعٍ خطير=وتاقف مثل وقفة جبل ورقان من بين الجبال
ومن عاندك والله لتنبت له جناحين ويطير=مشال من مايطلبه لوهو كبر روس النمال
والله ليبعث عنتر العبسي وابن عمه زهير=وتشرق من المغرب علينا الشمس هي ويا الهلال
وانت المشرع وانت ريس عبس وانت اضا المدير=واللي تسبت في سبات الوقت وضعه لايزال
ولو جاء مع ابا زيد زيد وجاء بجنب الزير زير=انك لحالك في ميادين الزمن مالك مثال
مال الرداء عليك باب ولاله بدارك سفير=الله يامبارك مكرمك ابعمامك والخوال
وتقول مانت امير لابالله اميرٍ ثم امير=وامارتك ماجتك بالبشت المقصب والعقال
خذيتها بالفعل من بين الصغير والكبير=ثمن تعب جسمك وسهرك والتفوق بالنزال
لايمكن ان اللي مثل شرواك بالصف الاخير=بالصف الاول مركزك ياشيخ مافيها جدال
الله يمهل لك تواصل يامبارك بالمسير=اسال الاله الكريم المعتلي رب الجلال
واخر كلامي يامبارك وجه خير وفيك خير=بين القبايل نفاتخر بك كل ماجالك مجال
هاذي شهادة شاعرٍ شعره على قده يسير=يزين طاروقه ليامنه حصل فيه انفعال
لينفعل والله مايحسب حساب اللي يصير=يقول هرج الصدق لو بين المصقل والنبال

اقتباس من مشاركة سويلم مناحي (المشاركة 1117740) الامكان محجوز ولي عوده ياشيخ الشعر يابونايف

نعم ياابو نايف
هاانا اعود كما وعدت
قصيدتك مايبغالها مرور الكرام ياشيخ الشعر .
قصيده شامخه استوقفتني كثير .. واحترت كثير قبل اكتب الرد
لأنها من شاااااعر بحجمك متمكن ولأنها برجل شاااامخ مثل مبارك الدويله.
للشعر جذور ياابو نايف وانت احد جذوره
مثل ماللمرجله جذور واحد جذورها مبارك الدويله
وانت ومبارك كلكم انشاءالله من جذور المرجله .
ومبارك يستاهل ويستاهل ويستاهل، والمدح فيها ماهو خساره ، ومن يعارض هذه الكلام مخطيء
ولااعتقد بأن هناك معارضين ، لأن الشمس لاتحجب بغربال .

بارك الله فيك ياشيخ الشعر
قلت وكفيت ووفيت .. وبيض الله وجهك .. وصح لسانك .

صح لسانك ملااااااااااااايين .

وتقبل تحياتي ، اخوك / سويلم مناحي .