اقتباس من مشاركة عـيـد بـن عبيـد (المشاركة 50355) اخي بدر نوران تسعى ورى كل ما هو جديد بل مفيد بل مايزيد ويزيد وانت هنا تضع سلم لكل من لديه الموهبه لصعود والابداع اشكرك اخي بدر اهداء مني لنجم المسابقة او قد تكون همسه للشعراء او كاسره للحاجز امام من حاول طرح قصيدتة ننتظر بزوغ نجم هذه المسابقة وهذه فتاتي الصغيرة غربة الاحباب هم وعذاب وغربة احباب لـ حباب= صيف وهجير وشمس من دون فيه هم ورحيل وغيض مع شوق وعتاب=وجميع ما يشكى من الحزن فيه طيرٍ يهز الريش وتلا الزمن خاب=ومن سوء حظه ليلته خرمسيه من عليكم لهفة نصفها جاب=قلبي بعرض سنينه السرمديه يا بنت شب الدمع في ناظري شاب=وكثر السهر يا بنت يثر عليه انتي تنامي والسهر في لعاب=ويسري خيالي للفجوج الخليه اسد باب وينفتح لي مية باب= هذي سواتي كل جرح بخطيه عيد بن عبيد

ياموترى تقطع طويل المسافات = ومفللك بنزين والخير زايد
ابيك لآمن الضلوع المهيفات = اونس وسطهن مثل قص الحدايد
والصدر ضاق وقرب(ن) البعيدات = والراس يجزع عن لذيذ الوسايد
اخذتلي في نقرة الصيد لفات = ونصيت ربعي بالرخاء والشدايد
منصاك شيخ ما حسب للخسارات = مضف(ن) على ربعة هدوم(ن) جدايد
ملفاك ابو ناصر زعيم المهمات = ستر العذراء بالنشب والنكايد
من ساس قوم(ن) ينطحون المغيرات = عدوهم بالحرب ماله شرايد
من ساس عبس مسطرين المروات = ولاهو قصور(ن) في جميع البدايد
ما ينجحد فعلا" عليه الشهادات = ما ينكرة ياكود راعي نكايد
ياشوق من تلبس رهاف(ن) خفيفات = من طيب ابوها تستحق النشايد
يامسندي لاتلتفت للحكيات = ياشيخ ترضخلة جميع النوايد
انتم لكم في هامة المجد وقفات = وانتم اليصاح الرشيدي سنايد
انتم لنا في العاصمة ذخر وحمات = وحناء لكم بالراس الابيض زوايد
وآيضا لنا في قصر دسمان عزوات = ربعي هل العطفاء تحوش الفوايد
وفي السلطنة ربعي لهم فعل وصوات = ويضا" لنا في البحر الاحمر مدايد
وايضا" لنا في المجمعة ربع وابيات = قبيلة وحدة ودين وعوايد
حاسينهم لآمن غشاء الوقت شدادات = الله يديم الناء الحكم والسعايد

أيها الإخوة في منتديات قبائل بني رشيد لدي هذه القصيدة اضعها ضمن القصائد في المسابقة الشعرية:
حد الحرابه

حرب الأهالي هيف... يلعب بالأعصاب = لصار بين أعيال،، عم وقرابه
يخسر به اللي فاز.. باصْوات الاحزاب = يضْرَب على رأسه نهار المجابه
يحْسبْ عليه أليا دروا عنه الاقراب = وأكبر مصيبه كان كلٍ،، درابه
اتصير الأرض الواطيه كنها اهضاب= بعيون شيال العصا ،،للعصابه
بارض المحبه يحفر قبور الأحباب = يرْكز نصايبها.. من شروخ لابه
راعي قشر.. ماله عن الشر مجناب= يشب نار من الفتن،، وسط غابه
يصير وقت الشر.. هو رأس الأسباب = والناس تدخل،، بيت مفتوح بابه
لوإن ماهو قد..تفتيل الاشناب = عادي لو يضيع،، وراها ركابه
مكْسب بها الشايب..ومخْسر بها الشاب = إلا شبابٍ من شباب الصحابه
لأن المعرفة نور لصحاب الألباب = ملهم وراء عوج السوالف طلابه
وأنا ما حب افتح لراع الردا باب = واكره ما شوف الرجل هذا هبابه
من لايطيب صغير.. ما طاب لاشاب= طيب الولد يطلع من أول شبابه
شفت الخيال اللي غطى وجيه الاصحاب = صدري تضايق من تعاقب ضبابه
يمطر سخط .. متناثر امْن الهوا الهاب= صوت الصواعق،، بدد أجوا الرحابه
يبدأعتاب.. وينتهي سب واحساب = فيه الخواطر،، بالمطالِب تشابه
بيض النوايا صارت أكْذاب.. باكْذاب = وسود النوايا ميرصارت نهابه
سادت على ساده لهم سوق جذاب= يحكم على أزكاهم بحد الحرابه

هذه القصيدة هي عبارة عن مشاركتي ارجوا ان يحالفها الحظ بالفوز

وهي بعنوان : علم التباطي.
مقتبسة من : تفكيري المتعمق في رحلات الحياة والتلاقي بعد السفر.
اهديها : لكل من يراوده معنى السمو ويصبو إلية .

قبل الغياب و قبل علم التباطي = وما كدر الخاطر وما هو مصافيه وقبل الحروف اللي عليها النقاطي = اسمع من التعبير صافي قوافيه من الرصيد اللي أقول احتياطي = جزل (ن) سمين ولا تجيه التوافيه هذا الزمن ماله وهوب و معاطي = وإلليا عطى يعطيك لمت شلافيه يجيك برد(ن) مثل برد الشباطي = وإلا سموم الصيف وإلا سوافيه اسمع كلام اللي من الوقت ساطي = ما هاب من وقته نكاده وما فيه مع جمعة العالم خذيت اختلاطي = عرفت خلق الله كريمه وهافيه ما ني من اللي في كراسي الشواطي = قدم البحر جالس ويجمع صدافيه مخطي ويتبع له جموع الخواطي = من يتبعه يطلب له الله يشفيه ولا لي مع أهل المال أي ارتباطي = لا ني غني المال ولا ني بحافيه أنا من الدنيا يزيد اشتياطي = وتزيد لوعاتي وما بي مخفيه ودي على العلياء ولا أشقى البلاطي = محلى الشفاء لا شك ودي أشافيه الرأس يبقى رأس عكس المواطي = عكسه معاكس له تماماً منافيه الحق واضح ما يغطيه غاطي = ووسط الخفايا شيء تخفى خوافيه ونوب أكتم الصرخات خوف انحطاطي = العز مبداء لي ولا ني مجافيه أخاف لا تحسب عليّ إنهباطي = عليّ تحسب في حساب المسافيه

قال الذي له مع هل العرف مطلاع = ينهج مثل غيره بلجة بحوره
بسوق الشعر يمشي على كل الانواع = من فضل ربه طايلاتن شبوره
ومن بعد هذا دق من بين الاضلاع= هجسن بعد مانحاء تلافت اسبوره
وسقت القلم مابين دمثات الاصباع = من فوق بيظن بينات ٍ سطوره
فيض القريض اللي مشا درب الاسناع= يمناي لامدت ماهي بمعسوره
ماخذتهن من سوق شاري وبياع= تبدعهن افكارن ماهي بمعثوره
الياعتزو وسترسلو بعض الاوضاع= فهود الزراج اللي تشابه نموره
اخذت حقي ونحرف كل طماع= وهل الوفا والطيب ماهي محقوره
واليوم فيه مسابقه والخبر شاع= عمت هل الموقع ولا هي محصوره
وقلنا نشارك يابعيدين الارماع = ان وافقت ولا فلابه ضروره
الشعر كالمقياس ابه متر وذراع= وكل ٍ معرفته يعبر شعوره
وان اخطت الرميه فلاني بجزاع= الناس واجد والبلاد معموره
ماكل دار تسيل ابه صار مرباع = مرات تكذب لو تدارج نهوره
لون فوقه بارق الوسم لماع= انما ومر ربك تقفا ت دهوره
والختم صلو مادعا للولي داع= وقت الفطور وقت حزة سحوره

يمر الوقت واعد الثواني والدقايق عد=ويذوب الصبر من نار انتظار(ن) طّول اعداده
يتوه الفكر من كثر الهجوس ولا يبيح السد=ويموت من القهر قلب الحسود ويعلن احداده
تهب الريح والبحار مبحر بين جزر ومد=على متن السفينه بايعن عمره من اعناده
يطول الشرح لكن كل معنى له رديف وضد=وكل انسان هاوي له جماهيره ونقّاده
وانا ماقول نبض الشعر عندي ورث خال وجد=اذا كان الشعر مملوك انا واحد من اسياده
خيالي ياصل الحروة يهقويني كريم ان مد=زعيم(ن) شامخ(ن) من هيبته تخضع له افراده
وسيع بطان لكن كل صبر(ن) له مجال وحد=وانا ماظنتي بعد الصمود أتحمّل ازياده
تعبت من السكوت من الكلام من انتظار الغد=تعبت اقلّب البارود ويديني على زناده
ذبحني صمتي القاتل سنين وهد حيلي هد=تعبت اطرد سراب وخافقي ماحصل إمراده
ولا حرّك سكون العاطفه قصة غرام أو ود=انا اللى حرّك احساسي زمان اللوم وجهاده
وقفت وساعد الله وقفتي يوم الزمان اشتّد=بعد ما شفت رحّال الطموح يكسّر اشداده
وقلت لحاسدي مت غيض والطم في يديك الخد=طموحي ما يموت ونيتي لله منقّاده
لك الله ما تغيّر لو عبس وجه الزمن وإسوّد=قوي الباس ما يقتل شموخه هرج حسّاده

ألف شكر لك أخي بدر نوران على تنظيم المسابقة والشكر موصول لمجلة قطوف على رعاية المسابقة

استنكرت كل الديانات الارهــاب= ولا شجعـه غير الضعيف المحايـد
اللـي علاقــاته رديـة بالاقراب = ومن اولٍ عنده شكــوك وعقـايد
مـن اولٍ مـاضيـه شينٍ ولاتاب = ولا عمر راسه جـاب خير وفـوايد
لايحسبنه نال مـن ربعـه اعجاب = بالعكس صار الكــره بالحيل زايد
يالمملكه خيرك علـى كل الاقطاب= يثنـي عليك الشعب واللــي بعايد
يا دولة الاســلام بعيون الاجناب = واجـب عليـنا أمنك بليا نشــايد
حنا جنـود للوطـن دون الاغراب = ولملوكنـا حـنا عضـود وسنـايد
والسيف مايشبع من اعناق الارقاب= مـن صد عـن دربه يذوق النكايد
بيديـن حكـام من الحـق ما تهاب = مـن أول ماهـي علـومٍ جـدايد
وملوكنا تُشـكر شبـاب وشيـاب = واحب اذكـر مرضي الناس كايد
يا الله ياللـي من ترجـاك ماخاب = يامطلـع بالقـاع خضر الجـرايد
ياواحد تعطي وتمنع مـن اسبـاب = وتبعث انسـان مابقت لـه شرايد
قضى ليالـي بالقبر مالها احسـاب = وجمعت له جسمه وهو كـان بايد
تحفظ بلدنا مـن فتن كـل نصاب = حفظ البلد ماهــو عليك انت كايد
ومـن رادنا في سوء رده لما جاب= قـدام لا نعانـي يعانِ الشــدايد

[align[/poem]=center]قصيدة عن الإرهاب للشاعر : نشمي دغيمان الرشيدي

1/عز الله إن الحبيب اللي ربى بالشمال=
= يستاهل التضحيات وضيم غربالها
2/أحبها يا عضيدي كثر حب الرمال=
= ويفوق حب المسنة لأصغر أعيالها
3/واهمومي اللي سببها ثقل صم الجبال=
= زوزع بها قلبي المهموم واشتالها
4/هموم تقصف حياتي قاسيات ٍ عضال=
= مع زود عد الزمان يزود مثقالها
5/منها ادلهمت ليالينا وصارت طوال=
=والعين عميت وطال العين ماطا لها
6/لطمت من حر مابا لروح عشرين جال=
= راحت وأنا أصيح بأعلى الصوت وابرالها
7/راحت وانا باقي ٍ عندي حنين وسؤال=
= والم بالكف جــــــــوهرها وجوالها
8/واركيت وجهي على جرف ٍ كسيف ٍ هيال=
= في فيضة ٍ مهمهيه تعمي ارمالها
9/أصيح وانعي وأنادي له بذيك السهال=
= واضمد جروح قلبي واتحرى لها
10/عز الله إني وفيت ولا مشيت ا لخمال=
= بس المقاسيم حولي كضت احبالها
11/حطيت له في محاني الصدر مضرب مثال=
= حب ٍ تعده هل النخوات لعيالها
12/محبة ٍ كونها بالقلب جرح أو بال=
= غنى جريح المحبه حزن موالها
13/عز الله إني من أجله عشت شوق ونضال=
= وشلنا توابع نضال الود باحمالها
14/معارك ٍ دامية ماهي معارك جدال=
= ياصعب مخراجها ياسهل مدخالها
15/عني توارت طيوفه بين عم ٍ وخال=
= ياجرح قلب الشقاوي مااصعب اوصالها
16/مابقي ٍ كود ذكراها ونسج الخيال=
= ولا ضقت مريت غرفتها ومدها لها
17/يزوغ قلبي ويرجف من هلال الـ(هلال)=
= ياليلة ٍ عذبتي بآخر اهـــــــــــــلالها
18/ياخوفي إن كان صاب العقل منه اختلال=
= الحال تال الزمان مبين اهبالها
19/ يالله تلطف بحالي ياعظيم الجلال=
= لجيت لك عن شقى دنياي واهوالها
20/يالله لاتجعل أيامي عذاب ونكال =
= يارب تختم حياتي باحسن اعمالها
الشاعر/ نايف العليان =