ماضاع جهد اللي تعزوى بسلطان=الزبني اللي يرفع الراس ذكره
نشمي وبين أهل الوفى عالي الشان=الطيب من ساسه والأمجاد حكره
الشعر ثبَت سيرته عبر الأزمان=يقراه جيل اليوم وأجيال بكره
أبا أمدحك يامسندي ياكحيلان=واللي زعل ملعون مطعون ..نكره
يضرب براسه يا فتى عشر جدران=هكري وخله يتبع أزوال هكره
خله يعيش (النذل) ذل ٍ وحقران=أهل الخنى منفاه والتعس وكره
الله عطاك الطيب وأعطاه حرمان=زهى بك الموروث وازداد فكره
اللي تنكر لك تعيس ٍ وشيطان=ولابد يشرب كاس خبثه ومكره
اللي تعزوى فيك ياشيخ ماانهان=مجبول فيك الطيب ماعاد تكره
بعثت لك فيض التراحيب هتان=الشعر في مدحك جثت فيه سكره
وان كان جاء بالبيت زله ونقصان=المعذرة والشعر معنى وفكره