|
من؟؟؟؟؟؟؟؟؟ هوالشاعر عايض الرشيدي
الســلام عليــكم ورحمة الله وبركاتة اخواني رواد هذا الصرح الشامخ انقل لكم هذة القصيدهة الرائعه بمعانيها ومفرداتها الجميله للشاعر /عايض الرشيدي والمطلوب على من يعرف هذا الشاعر العملاق ان يبين لنا من اي قبائل بني رشيد والســـــــــلام عليــــــكم,,,,,,,,,,, بديت بسم اللي عطى الوحي جبريـل ***** الواحـد اللـي بأمـره الكـون كلّـه وأعوذ به من شر نفسي ومـن ويـل ***** فـي ماقف(ن)ماينفـع الخـل خلّـه من بعد ذكـره زان سـوق المباهيـل ***** وضحن يجي صافي حلاهـن بحلّـه ورد ومصادير الضوامي على النيـــل***** وجه الـروى شـط الـروى مدهللّـه للشعـر نقـاده وللشـرح تفصـيــل *****وللفتـل نقـاضـه وللعـقـد فـلـه عندي مثل لأوصاف بعض الرجاجـــيل ***** وجهة نظـر والكـل حسـب الجبلّـه بعض الرجال تضيـع فيـه التحاليـــل ***** مالـه فصيلـه فـي جميـع الأدلـه وبعض الرجال بوقتهـا سـم قنديـــل ***** قول وفعل يشفـي مـن اعـداه غلّـه وبعض الرجال اقناده العـود والهيـــل ***** مـن رافقـه طـول الدهـر مايملّـه وبعض الرجال يشوم من قوة الحيـــل ***** لـو أن مافـي خاطـره ماوصـلّـه وبعض الرجال يجود بالجود وإيكيـــل ***** يعطيـك مـاب إيديـه كثـره وقلّـه وبعض الرجال بكفه الخيـر وابخيـــل ***** مثل السـراب اللـي يغـرك محلّـه وبعض الرجال احصان بالراس والذيــل ***** يمشي على الوجهيـن مذهـب وملّـه وبعض الرجال يفصل الحكي تفصيـــل ***** لـو أن مابـه قـوم سيفـه يسـلّـه وبعض الرجال تشوف زوله تقل فيـــل ***** مخيـول مايظلل عـن الشمـس ظلّـه وبعض الرجال اخيال خالي من الســـيل ***** يبــرق ويرعـد والصفـا مايبـلّـه وبعض الرجال أشد من حالـك الليــــل ***** يكفـيه مـن فعـل الـردى ماحصلّـه وبعض الرجال بعير للحـط والشيــــل ***** تقلــب افصـول السـنـه جايـزلّـه وبعض الرجال ليـا تمعنـت زنبيــــل ***** هــــذا مكـانـه ماتـعـداه لـلّــه وبعض الرجال بساقة النـاس دربيـــل ***** مايتـوب ليـن إيمـوت عـن عادتلّـه وبعض الرجال أمثال شقرا مع الخيــل ***** الحيـــل وانـي والدهـر راضخـلّـه وبعض الرجال يظلل العيـن تظليـــل ***** ماقــال قبـل إيفوتـك الفـرض صلّـه وبعض الرجال بريد يحمل مراسيـــل ***** كـــل الكـلام اللـي بصـدره يهلّـه وبعض الرجال ايطيح وسط المحابيــل ***** يضيـــع عـن درب السنـع مايدلّـه وبعض الرجال ايجيب كل المحاصــيل ***** وليـــا بخصـت السالفـه نـار جلّـه وبعض الرجال بعصمة أم المضاليـــل ***** يخــاف من رؤوس الرمـوش المظلّـه وبعض الرجال ابذل من دون تذليـــل ***** المـــوت راحـه مـن حيـاة المذلّــه وبعض الرجال مخطـط(ن) للمقابيــل ***** مسكيـــن مـن هالعمـر وش باقيلّــه طرقي على حافـة شديـد التهاويـــل ***** يبقــى وحيد من البشـر مـع اسجلّــه وأنـا بعـد مـن ضمنهـم بالتماثيــل ***** فينــي مثـل ماقلـت بالنـاس علّــه عسانـي الثالـث بهـم يالمشاكـيـــل ***** وأن ماحــصلّـي جعلـنـي رابعـلّـه هذا حسب عرفي به العـدل والميـــل ***** ما أقـول أنا معصوم مـن كـل زلّـه وماني كفيل الناس جيل(ن) بعد جيـــل ***** مثلــي مثـل جيلـي وأنـا تابعـلّـه ولاني وكيل آدم علـى مثـل ماقيـــل ***** لسانــي احصانـي وأنـا صاحيــلّه تقبلو تحياتي/عبدالعزيزصالح الرشيدي |
ئع صــــــــــــــــــح السانك
بصراحه مبدع را |
3223bani-3abs
شـــــــــــــــــــــــــكرآ لك 4774bani-3abs |
الله يعطيك العافيه
رائع تحيااااااتي |
القصيده لشاعر عبدالله باتل القلادي الرشيدي
والمعروفه (( بعض العرب)) ولا كن استغرب ذكر بعض الرجال في بداية كل بيت وهي بعض العرب ارجو التوضيح وشكرا |
اخوي عبد العزيز
القصيده ناقصه اذكر اخر بيت وكل ش يهون الإ ثلاث الغرابيل المســـــــكنه والمهــــــزله والمــــــــــذله اخوك علي العويمري |
عم الجميع اشكرك على مرورك
|
وسام عبس شكرا لك على المرور
|
إقتباس:
القصيده تختلف اختلاف كلي عن قصيدة الشاعر عبدالله باتل ولاكن التطابق في القافيه فقط . وهي مذيله باسم الشاعر عايض الرشيدي في كثير من المنتديات والمطلوب معرفة هذا الشاعر من اي قبائل بني رشيد وشكرا |
يعطيك العافيه عبد العزيز
|
ماعندي معرفه عن هذا الشاعر
وشكرا على نقل القصيده |
الله يعطيك العافيه |
الأخ العزيز الليث الأبيض عبد العزيز صالح الرشيدي أشكرك جزيل الشكر على الأطراء والإشاده الطيّبه وهذا وسام شرف لي س/ المطلوب من يعرف هذا الشاعر ان يبين لنا من أي قبائل بني رشيد ج/ هو عايض باين ذليهيب المهيمزي وتقبل مني أعذب التحيه وأزكى الإحترام الله يحفظك ويرعاك من كل شر أخوك/ عايض المهيمزي .......................... الأخ العزيز المالح علي العويمري القصيده ليست لعبدالله بن باتل فما أدري أنت شاعر ام لا المهم سؤال لو كتبت ( بعض العرب ) في مكان ( بعض الرجال ) مثال ؟؟ (وبعض العرب)أمثال شقرا مع الخيل ***** الحيل وانـي والدهـر راضخـلّـه هنا يكون ثقل بما يسمى (جبر) في صدر البيت والمثال هذا؟ وبعض الرجال أمثال شقرا مع الخيل ***** الحيل وانـي والدهـر راضخـلّـه هنا يكون وزن صدر البيت صح وبدون(جبر) أخي العزيز القصيده تختلف تماماً بالمفردات والتفاصيل وإختلاف في صدر البيت في الوزن وبكل التأكيد لو حطيت بيت واحد فقط من قصيده عبدالله بن باتل في نصف هذه القصيده ليكون أوضح من الشمس لكل شاعر متمكن أوناقد ليعرف ان هذا البيت ليس متناسق مع هذه القصيده تماماً اما بالنسبه للقافيه ليست حصرياً أو حقوق محفوظه ( لعبدالله بن باتل ) أو ( لعايض الرشيدي) أو لأي شاعر كان فالقافيه لأي شاعر يكتب عليها قصيده بشرط إختلاف المفردات وان لاياخذ أي بيت كامل من القصيده أو شطر بيت الأ إذا كان يضرب فيه مثل بشرط يوضح إسم شاعر هذا البيت وهذارابط لقصايدي هذه القصيده موجوده من ضمن هذه القصايد http://www.bani-3abs.net/aa/search.php?searchid=160208 وتقبل مني أعذب التحيه وأزكى الإحترام الله يحفظك ويرعاك من كل شر أخوك/عايض المهيمزي |
إقتباس:
قصيده جزله وشاعر قوي الى الامام ياعايض لك ودي وتقديري ومشكور أخوي على النقل الرائع |
| الساعة الآن +4: 05:40 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
