|
سلام يا منتدى الشعار
سلام يا منتدى الشعار ذا الليل = من شاعرٍ وده بعسف الأصيله يامن يخاويني بدع التماثيل=نطرق دروب السهل والمستحيله |
إقتباس:
يامرحبا عد ما هلت شهاليل = مزون وبلن تساقا البدو سيله عطنا علووومك قبل يشتالها السيل = والله يثيب الاسد عن كل ليله |
إقتباس:
فيك البقا ياالمرحب واالمعاميل = للضيف له كرمة ٍ بأية وسيله باالهون ياصاحب الجنب والخيل= ماهي كذا وانتبه لا تصير عيله |
إقتباس:
انكان ماتقنعك بيض الفناجيل = لا تنزل الا علي راس الطويله لا تحسبن الاسد عنده مواويل = والا يغني علي شان الجميله |
إقتباس:
إتقولها والمزن فوقك مخاييل = وعيني وراكم تخايل في مسيله ياسد غابه رماك الوقت بهاذيل=غيرت ساس الفصيله في فصيله |
إقتباس:
بين علي عيووونك اميال المكاحيل = والظاهر انك مع البيدا دليله ياذيب ذب العوا بالحيل بالحيل = تراك لولا العوا مامن حصيله |
إقتباس:
أنته جمل ضاري ٍ للحط والشيل = لكن فقدت اللهاه المستنيله الشك لا يدخلك والنذر ياحليل = ماينفعك عقب مكساب النفيله |
إقتباس:
انا اسد كم حصد مثلك مخاليل = لا شفته ايزوغ قلبك ياحليله بغيت احللك واخذ منك تحليل = لكن بدا شين بقلك تشيله |
إقتباس:
الناس تنزل وترحل ياحلا حيل = وام الكباير لها تسعين ميله لو أبرهه ما يسحب خرطم الفيل = كان العرب عن عناها مستقيله |
ياسلام سلم
|
إقتباس:
تعبت للعد رجلينك محاويل = والناس تشرب من امزووونن ثقيله لو ابرهه مادعا لطيوورابابيل = ماحولت فوق قلته المزيله ههههههه |
عاشت ايامك ياراشد شرفتنا ^_^
|
إقتباس:
ههههههههههه لا هنت وصح لسانك وبيض الله وجهك وإسمح لنا ترانا نتعلم وتصبح على خير |
صح ابدانك والسانك
وتعلا شانك عليك بياض الوجه ياعزام وتشرفنا باللعب معك وتلقا خير ^_^ |
صحت السنتكم وافين وشعار جزاله
|
الله الله شعار مافيكم كلام
صح السانك ياعزام صح السانك ياقسورة الغاب |
صح الله لسان الجميع
|
صحت السنتكم الجميع
|
| الساعة الآن +4: 10:09 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
