راكب اللي حسها تسمعه من كـل صـوب=مثل زلزال الرعد فـي المـزون المظلمـه
كنها يـوم أستـدارت وضاقـن الـدروب=فرخ شيهان على الطلـع ينهـض مقدمـه
تلها جورج الخواجـه ونطحهـا الهبـوب=واعلنوا بأطفاء السجائر وربـط الأحزمـه
من سلايل شايبٍ ماجمـع غيـر الذنـوب=والديانه عكـس الأسـلام ماهـي مسلمـه
مايعرف يقول هذي شمال وهـذي جنـوب=دليلـه بوصلـه والـحـروف مترجـمـه
واهني اللي علـى رحلتـه يلقـى ركـوب=ان رجع والا توفـى عسـى الله يرحمـه
أن نوى في مشرق الأرض والا في الغروب=المـهـم ينـفـذ الازم الـلـي يلـزمـه
فاقد لـي شيـخ قـومٍ عزيـز ومحسـوب=محزمٍ في الضيق ياسعـد منهـو محزمـه
والجفا من بين الأصحاب عيبٍ من العيوب=والصداقـه مـن بنـى بيتهـا مايهـدمـه
والغلا والكـره ماتسكـن الا فـي القلـوب=بـس مابـه قلـب فيـه الأثنيـن مخيمـه
والرجل لاصـار بيـتٍ مـذراً ومحجـوب=استوى عنـد النشامـى وجـوده وعدمـه
اتحمل مزح الأصحـاب عذبيـن السلـوب=وأتخيـر وأكـل التمـر واطـش أعجمـه
وأعرف الكذبه اليا جات من فـم الكـذوب=لاقعـد يرفـع لسانـه ويرخـي برطـمـه
والطرب لامن جرفني من اللحن الطـروب=أنسف البين المدمدم علـى اللـي دمدمـه
وأقفل الجوال عن راعي الغـوج الهـذوب=وأفصل التعميـم عـن بيجـري وأعممـه
زلة الطيـب ماتجـرح متينيـن الجنـوب=عقب اللـي زلـةٍ مـن صحيبـه تفحمـه
ايه ياضيدان والنـاس حـارب ومحـروب=والأعـادي كـل واحـد بحبـره وقلـمـه

اقتباس من مشاركة عبدالعـزيز (المشاركة 912957) صح لسان الشاعر وتسلم يدين الناقل

اقتباس من مشاركة راحله (المشاركة 913161) http://bani-3abs.net/aa/image.php?u=...ine=1213365319 تسلم اخي على تلك القصيده ..................تحياتي ............راحله

صح لسانك ولسان شاعرها



اختيار موفق


تقبل اعجابي

تحياتي لك

اقتباس من مشاركة فلاح الفلاح (المشاركة 1011704) صح لسانك ولسان شاعرها اختيار موفق تقبل اعجابي تحياتي لك

صح لسان شاعرها
وتسلم انامل ناقلها....
تحياتي