قالت محمد قلت لبيه واهلين=ياغاية محمد وكل ارتياحه
قالت اشوف الهم والغم والبين=غلاك كلٍ شاهرٍ له سلاحه
قلت ادري ان اعداي ماهم براضين=كلٍ ركز من دون شوفك رماحه
ومادام من بيني وبينك معادين=حلمٍ وراء الانذال مافيه راحه
قالت وكيف؟ وقلت ياقرة العين=مافيه مثل البينه والصراحه
قالت افراق وقلت لابد يازين=لابد تنزف بالضماير جراحه
قالت وتصبر قلت صبري على الشين=قلبي يذوق الموت ليله صباحه
قالت وتنسى قلت لالا تظنين=قانون لايمكن بقلبي نجاحه
انساك كيف انسى واناحالفٍ دين=وخيانته للحر ماهي مباحه
ما انساك لو ننسى قضية فلسطين=ولو يستوي جد الكلام ومزاحه
اشتاق لك لاشفت خضر البساتين=وان حل ذكر الحب في كل ساحه
واثنا حديثي مع هنوف المزايين=سالت مدامعها بضيق وتراحه
لديت فيها قلت وش فيك تبكين=قالت هذا وقت البكاء والنياحه
وخانتني العبره وسيلت خدين=ودمعي على خدي تقافى طياحه
واول دموعي في عيوني مساجين=والحين وبل الدمع نطلق سراحه
قالت اقول وقلت لالا تقولين=ارجوك قلبي لايزيد انجراحه
وودعتها توديع غالي لغالين=وكلٍ قطع رجواه لحظة مراحه
واقفيت كنه وسط قلبي سكاكين=والقلب قفت فرحته وانشراحه
وضاقت بعيني واسعات الميادين= الارض اشوف الارض مامن مساحه

اقتباس من مشاركة @مروَض الشرَد@ (المشاركة 895732) الله الله صــح لسانك والله يعينك اصعب شي الفراق محمد تبي تعرفني بتتعب اخاف تكتب فيني قصيده هههههههههههههههههه وتقبل تحياتي

اقتباس من مشاركة مرزوق العجوني (المشاركة 895789) صح لسانك ولا هنت على الرائعه وتقبل مروري

اقتباس من مشاركة برق الوسم (المشاركة 896025) شكرا يامحمد ع هالرائعه وصح لسانك بلاااايين قصيده رائعه قراءتها اكثر من مره ننتظر جديدك وتقبل مروري وتقديري

اقتباس من مشاركة طيف المشاعر (المشاركة 896363) قالت محمد قلت لبيه واهلين ياغاية محمد وكل ارتياحه شاكره لك أخي هذه الرائعه

اقتباس من مشاركة لهواوي (المشاركة 896367) صح لسانك ولا هنت على الرائعه وتقبل مروري

اقتباس من مشاركة طير شلوى (المشاركة 896717) صح لسانك قصيده وافيه وشاعر وافي

اقتباس من مشاركة الشاطي المهجور (المشاركة 896729) قالت وتصبر قلت صبري على الشين قلبي يذوق الموت ليله صباحه قالت وتنسى قلت لالا تظنين قانون لايمكن بقلبي نجاحه الله عليك يامحمد رائع بكل معاني الكلمه وشهادتي فيك مجروحه,, يعطيك العافيه على هذه الرائعه تحياتي لك ايها الرائع تقبل مروري واحترامي

اقتباس من مشاركة جميل مساعد (المشاركة 900035) صح لسانك.. تحياتي

اقتباس من مشاركة سمو الروح (المشاركة 901681) مالك حق يامحمد ليش على الغالي كذا ؟؟ صح الله لسانك ملايين قصيدة تقطر عذوبة وإحساس لله در هذا الشجن الذي توشحت به قصيدتك لك فائق الود والإحترام أختك / سمو الروح

اقتباس من مشاركة الوافي99 (المشاركة 903428) صح لسانك ولا هنت على الرائعه وصحيح شهادتي فيك مجروحه وتقبل مروري

اقتباس من مشاركة خلاص مالي أمل (المشاركة 914889) يعطيك العافية اخوي وتسلم وصح لسانك تقبل مروري تحيااااتي http://www.btalah.com/btalh/misc/quo...t-bot-left.gif

اقتباس من مشاركة عبدالرحمن شعلان (المشاركة 917767) صح لسانك قصيدة رائعة لاكن وين انت عن شاعر المليون