|
قصيدة بالجيب الربع قلتها والسبب ؟؟؟؟
السلام عليكم ورحمة الله وبركاته وبعد
احب اني اكتب لكم ابيات قلتها بالجيب الربع والايهون الشاص ــــــــــــ وذلك بعد ان اخذت احد الاصدقاء وقلت له وشرايك بهالجيب شريته حوالي مئة الف ريال هل هو زين والا لا عطني رايك وقال صاحبي بكل برود ياخي لو انك شاري سياره شبح والا بي ام اصرف لك من هالجيب اللي يكسر الضهر ومطبه قاسي وانا مايصلحلي بريال واحد عندي كامري افضل منه قلت ياخي انا ابيه للبر علماً اني جربت انواع من الجيوب والا ناسب لي الا الربع المهم الشاعر لازم يعبر عن نفسه وقلـــــــــــــــــت ياركبلي قاسياً في مطبــــــــــه.... واهل النعومه دائماً يكرهونـه بس الردي ومثاله اللي يسبـــه... والا بعيد ين النظر يمدحونــــه اللي يحب البر لازم يحبـــــــــه.... لو صار سعره فوق مايتركونه ياحلو مشيه بالمطر عقب غبه.... برظاً مواليد المدن يجهلونـــــه ولابروظاً هادين في مهبـــــــه..... يصعب على البدوان ماينزلونه هو طب قلبي يوم ضيعت طبه .... عجزو دكاترت العرب يعرفونه وقلت بعد بالربع يراكلي جديداً يقطع الــــفرجــــــــــــه ... تصميم بديه يناسب حجم ماطـوره اليا اشتغل صوت ماطوره تقل هرجــــه.... سوالفن بين دكتوره ودكـوره الكل منهن من الجمهور منحرجــــه... تجمعاً في مكانًَ عندهـــــــــــن دوره والا كما شيخ عنده حالتً حرجــــه . ناطق على ايديه جن وكرر السـوره والمعذره عن التقصير واوعدكم بالكثير |
بيض الله وجهك على هذا الابيات ا لجزله والتمنالك التوفيق يابو رغــــــــد
|
صح لسانك واعتلاء شانك
ياابو رغدالمظيبري |
الف شكر للاخ سالم والاخ الهواوي على مرورهم وتقبلو تحياتي
|
http://anas1.net/up/g17.jpg
يستاهل الجيب الربع القصيده ونستاهل نحن القصيده وتسلم يمينك اخي على القصيده |
الله لايهينكم ماقصرتم
ومهما بذلت لكم من جهد ابقاء مقصر وشاكر ومقدر ((( وشكر خاص لمن وضع الصوره ))) |
بيض الله وجهك قصيده جزله من شاعر عميق بالشعر
تقبل مروري الاخ ابو رغد الوالده امك رحمها الله تعالى شاعره وشعرها معروف عند الجميع ولها قصائد كثيره وشعرها من الشعر القديم الذي نفتخر فيه وهي تعتبر من شاعرات بني رشيد المشهورات رحمها الله تعالى نرجو منك ان تزودنا بشعرها الذي هو تراث الاجداد |
شكراً للجميع واقول للاخ ابو فهد شهادة اعتز بها وبالنسبه لشعر الوالده رحمها الله اعتقد انه موجود بأحداء مواضيع الاخ سالم المظيبري ولاكن على شانك نعطيك نبذه من ابياتها حيث قالت هذاء البيت المشهور الذي يردده الكثير طبعاً شعرها رحمها الله دائماً في ابنائها وبناتها يامقشر الواهس ليا صار مصدوف...... يامقشره راعــــــــــــــــــيه واعزتيله كثر التحري شين يثر على الشوف....... وعزي لمن صار التعب هو حصيله والقصيده اللتي منها هذه الابيات قالتها في ازمة الخليج بحكم ان لها ابناء في تلك الدوله وفي ذلك الوقت لايوجد وسيله اتصال سهله الا بعد تعب حيث قالت ياليتني ما رحت يم التليفـــــون....... ارتحت ماكلمت مضنون عيني اللي مضى مرتاح واقول ياتون ......واليوم حبل الوصل ماهو متيني وتقبلو تحياتي وارجو من قراء هذه المشاركه المتواضعة ان لايبخل على الواده بالدعاء لها بالجنه والله يحفظكم ويرعاكم |
ابو رغد الله يرحم امك وامي ويرحم " والديا" ويرحم الجميع
وماشاء الله انت من عائله اتوقع كلها شعراء اختك // راحله // |
الله الله يابورغد على هذه الابيات الجميله التي لها معنى من شاعره نادره
رحم الله الوالده وجعلها في جنات النعيم ارجو ان تزودنا بشعرها ولك الشكر |
اشكر مرور الاخ ابو فهد والاخت راحله واقول تراي برحله بريه يوم كتبت ابيات الوالده لاكن على شانكم رقيت ر اس جبل مرتفع على الجيب على شان احصل ارسال وشبكت الكونكت ومره يجي برج ومره يختفي لاكن الاخ ابو فهد قال يبي من قصيد الوالده وهذاء ماقدرة اضيفه لاكن انتظرونا ::::::::::::ترقبوا اجمل صور من ربيع الحره بواسطة ابو رغد
في قسم الرحلات البرية ولكم جزيل الشكر :/::/::/::/:/://،/،/،:، |
ياسلام عليك يابو رغد ابيات شاعر متمكن
بس لو تاخذ الصورة الي ارسلتلك( راحله) لك توقيع افضل هههههههههههههه |
حكمه من حكيم
|
صح لسانك وبيض الله وجهك
|
صح لسانك ابو رغد شاعر وريث شعار غفر الله لوالدتك نعم القصيدة التي قالتها امك معروفة رحم الله والدتك وجمعك الله معها في الجنة اللهم امين |
يعطيك الف عافيه على القصيده الجميله
|
بيض الله وجهك على هذا الابيات ا لجزله والتمنالك التوفيق يابو رغــــــــد
|
صح لسانك واعتلاء شانك ياابو رغدالمظيبري |
واللــــــــه انك شـــــــــاااااااااااعر جززززززززززززززززززل
سجل اعجااااااابي وبنتظاااااااااااااااار جديدك |
| الساعة الآن +4: 03:17 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
