بسم الله الرحمـن والشعـر مضمـور=من هاجسن مايغيض وان غاض مليان
انحت صخور ومشربي منقع صخـور=شاعر وشربي عذب راضي وزعـلان
دكتور شعـر ولانـي ايـات دكتـور=اخصائي بالمعنـى وجـراح قيفـان
هذي ثقه بالنفـس مانـي بماغـرور=اموت جوع ولاطلـب افـلان وافـلان
في حفل ربعي جيت وحضوري حضور=غصبن على المر لـو كـان ماكـان
ربعي هل الطـولات والعـز والشـور=واهل العلوم الطيبه اشكـال والـوان
مظمريـن الهجـن ركابـة الـكـور=هل الهجن ربعـي طويلـن الايمـان
اصايلـن مـن شافهـن دمـه يفـور=ويـدري بغلاهـن مايقـدر بالاثمـان
ومن طيبهن جاهن من الناس جمهور=واحسب مع الجمهور عواض بهـلان
اصايلن فـي مجدهـن عـز مذكـور=ورثن لنا من ماضـي الوقـت لـلان
وفي حبهـن رجالنـا دوم مصطـور=عوامره وان قلت شجعـان شجعـان
من ساس عبس وعزهم عز مخبـور=الي لهم فـي قمـة المجـد عنـوان
ماهو قصـورن بالقبايـل لهـم دور=وكلن على مجـده يسـرج كحيـلان
والله يحفـظ المملكـه بـر وبحـور=في ضل ابو متعب وفي ضل سلطـان
وصلاة ربـي عـد مايطلـع النـور=على الرسول المصطفى نسل عدنـان

انحت صخور ومشربي منقع صخـور=شاعر وشربي عذب راضي وزعـلان

هذي ثقه بالنفـس مانـي بماغـرور=اموت جوع ولاطلـب افـلان وافـلان

ومن طيبهن جاهن من الناس جمهور=واحسب مع الجمهور عواض بهـلان

صح لسانك شاعرنا عواض بن بهلان
على هذه القصيده الشامخه
قصيده كلها شموخ وابداع
صح لسانك
تقبل مروري وتحياتي

اقتباس من مشاركة البعيد الهادي (المشاركة 824409) اصايلن فـي مجدهـن عـزمذكـور == ورثن لنا من ماضـي الوقـت لـلان صح اللسانك وتعلا شانك يابن بهلان قصيده جزله ومن شاعر جزل وإلى الامام يابو فيصل تقبل فائق احترامي وتقديري

بيت اعجبني كثيرا يكفي عن قصيده كامله
سجل اعجابي

اقتباس من مشاركة ذيبان (المشاركة 824443) صح لساانك واعتلا شاانك يابن بهلاان نص متميز وفااخر وجزل لاهنت على تسطيرك وتعطيرك لاتحرمنا الجديد الاجمل تقبلــ جلــ التحيهــ والسلامــ ذ ي ب ا ن

اقتباس من مشاركة فتى عبس المصرى (المشاركة 824497) بسم الله الرحمن الرحيم انحت صخور ومشربي منقع صخـور=شاعر وشربي عذب راضي وزعـلان هذي ثقه بالنفـس مانـي بماغـرور=اموت جوع ولاطلـب افـلان وافـلان http://http://www.alkfh.net/uploads/...416fce580e.jpg

اقتباس من مشاركة ابورويشد (المشاركة 824519) ومن طيبهن جاهن من الناس جمهور=واحسب مع الجمهور عواض بهـلان وانت شاعر ذا الجمهور يابو فيصل