حبك جمر يافاتني يحرق الروح = ماتدري اني من عذابك صويبي
تبغى تداوي جرحي اليوم بجروح= جرح الغلا والعشق ماله طبيبي
يافاتني مالي من الحب مصلوح = غير السهر يافاتني وش نصيبي
اما لفا والاجفا النوم ممدوح = والله على كل الخلايق رقيبي
أداري جروحي من العام واروح =لكن سكن بين الضماير صحيبي
حبه ثبت بين المعاليق يانوح = باقصى صميم القلب مسكن حبيبي
معالم الأعجاب والصمت والبوح = ماتنوصف بكتاب شاعر وأديبي
يشعل بصدري لاهب الجمر ويفوح = يوقد حطب ناره ويوقد لهيبي
عليه قلبي بين الاضلاع مطروح = جرحن برى حالي عجز لايطيبي
ومن يلمس كفوفه من الناس مشروح = ماحسّب الدنيا وصدره رحيب