مرحبا باللي حضر باسمي وباسم اعيال جدي=هم حرب اللي طلع منهم نويشي والبلالي
جاك كاس العالم وجتك البطوله والتحدي=مادريت إلا وانا جالس على الشاشه لحالي

البقا باللي يرد وكل صفه مستعدي=في محل اللي لهم عند العرب قدر وجلالي
كان ودك بالتحدي ليلة الاثنين ودي=مانقلت السيف من شان القريب والموالي

يادحيم لابغيت اتحرض الشعار ضدي=ماأنت قادر تغوي إلا الاجودي وبن الحلالي
كان ودك بالصحيح أنته صغير ماأنت قدي=يوم تلقالك ظلال ويوم ماتلقا ظلالي

وش مدى تاثير راشد يوم اسويله تحدي=قالها حبيب وابا أقوله بعد جاله مجالي
كان مانت بقدي اجلس بالمعالي لاتعدي=أنت ماندري وأنا اللي كامل بكل الحوالي

أدري أنك مثل غيرك لاتجيب ولاتودي=يوم تسوالك ريال ويوم ماتسوى ريالي
يالخياري لي ثلاث سنين واقف عند حدي=وانت غالي عند نفسك عند غيرك مانت غالي

يالسحيمي طيع شوري صير من حالك وردي=وانت رقمن موقعه معروف صفر من الشمالي
كل شاوي مايداني الذيب والذيب امتعدي=ماعليه من الكلاب اللي تنابح بالمفالي

يالسحيمي طيع شوري صير من حالك وردي

وانت رقمن موقعه معروف صفر من الشمالي

كل شاوي مايداني الذيـب والذيـب امتعـدي

ماعليه من الكـلاب اللـي تنابـح بالمفالـي