قبيلة بني رشيد - محمد جارالله السهلي (صور+نبده+اجمل قصائده)

السلام عليكم ورحمة الله و بركاته

شاعر قدم الكثير وما زال يملك الكثير ليقدمه لقلوب عشاقه.

شاعر بدأ كما بدأ الجميع ولكنه اختلف عنهم بسرعة احتلال القلوب.

يتميز شعره بالمفرده العصريه والحديثه والتي تصل الى جميع المستويات في المجتمع.

كما يتميز شعره أيضآ بالصوره والفكره والابداع الذي نادرآ مانرى شاعرآ يهتم بقصيدته مثل شاعرنا.

سوف اتحدث عن الشاعر الداهيه :

[ محمد الجارالله السهلي ]

http://www.bani-3abs.org/upup/uploads/72e0e24c34.jpg

نبذه عن الشاعر :

الاسم : محمد جارالله السهلي

الجنسيه : كويتي

تاريخ الميلاد : 7 \ 10 \ 1982

الحاله الاجتماعيه : متزوج ولديه من الاولاد ( جار الله )

المؤهل العلمي : حاصل على بكالريوس من كليه العلوم الاجتماعيه بجامعة الكويت تخصص ( تاريخ )

الامسيات :

عمل كثير من الامسيات بجامعة الكويت

وامسيات هلا فبراير عام 2004 \ 2005 \ 2007 \ 2008

وامسيه عنيزه وبريده

وامسيه نادي الهلال السعودي

وامسيه ملتقى دبي الشعري

و امسيه في البحرين

http://www.bani-3abs.org/upup/uploads/99e585ffd5.jpg

؛°¨°؛©][ قلبي نسيته !! ][©؛°¨°؛©

قصايدٍ تنكتب في روّعة وصوفـك
في كل خايع فكر تلقى لهـا جِـرّه
والشعر كانه قدر يخطرك ويطوفـك
مـا هـوب لله .. لا درّي ولا درّه
يا غايب ٍ رجّعك عقب البطا خوفك
في كل مره تجـي وتعـاود الكـرّه
اتكبّر العذر قبـل اتكثّـر حلوفـك
ولا ضرّ قلبي كبر عذرك ولا سرّه
قلبي نسيته سنه في راحت كفوفـك
طالبك ردّه علي ولاّ اكفنـي شـرّه
الله لا يسامح الاشـواق وطيوفـك
ويا ويل قلبي من الحرمان والحرّه
يا ليتها في يدّي واغيّـر ظروفـك
او ليتني ما عرفت الحـب بالمـرّه
العام في كل لحظه اقـدر اشوفـك
واليوم ما اقدر اشوفك بالعمر مرّه !

http://www.bani-3abs.org/upup/uploads/ffaeddc8aa.jpg

(( * ( الإرهابي ) * ))

فـن الكـلام الفاخـر الجـذّابـي

أوّلـى بقلبـي والقصيـد أوّلابـي

لكـن مـع ذلـك نسيتـه كـلـه

تحتاج روحـي عزلـة المحرابـي

أهـذّب النفـسَ بشـئ ٍ منـهـا
فالقلب رجلـي والرضـا مرقابـي

ومدام روحـي راضيـه مرضيّـه
لـو ان مافينـي قـدم ترقـابـي

علـى كفـوف الغيمـه الممتـدّه
والريح تلعب فـي كمـوم ثيابـي

كن السعاده وانشراحـة صـدري
تشرّعـت لهـا جميـع ابـوابـي

يسبح خيالـي فـي بدايـع ربـي
مستسلمـا ً .. للمنظـر الخلاّبـي

متجليـا ً .. عـن الحيـاه الدنيـا
متناسياً .. همي وشـد اعصابـي

مانيـب يّـم الساحـه الشعبـيّـه
لين احتدانـي للقصيـد أعرابـي

كائـن غريـب ومرحلـة تكوينـه
مـن البدايـه : كومتيـن ترابـي

تكوّنـت وآلتحـمـت وامـتـدّت
ولبست لها مثـل البشـر جلبابـي

واستشعرت فـي مطلـع الألفيـه
ست اسنوات بلا وجـود إيجابـي

واليا متى ؟ يا ( كومتين ) الدجّـه
من شعر غيرك تختلـس وترابـي

اسمع كلامـي وافهمـه واعتبـره
ماهوب كل مـره يجيـك اخطابـي

يحوّل الفصـل الدراسـي فوضـى
تـواضـع الإسـتـاذ للطـلابـي

( ليس الغبـيُ سيـداً فـي قومـه
لكـنّ سيـد قومـه المتغـابـي )

لاتعتبـر نفسـك زعيـم الثـوره
وانته مجـرد سـارق ومتحابـي

ولاصار لامنـي حضـرت ألغيتـك
ماهمّـنـي تـواجـدك بغيـابـي

ريّح ملايكتـك وشـوف امـورك
ولاّ تـراك بتنتـحـر بأسبـابـي

انا القصيد اللـي تجيـك أخبـاره
الشامـخ المتغطـرس الإرهابـي

روس ٍ يذرّيـهـا ذرى وقفـاتـه
وروس ٍ مضرّيها على المشعابـي

نسّاك نفسك وأشغلـك فـي همّـي
وخـلاك لا بـنّـي ولا عنـابـي

في كـل ديـره صورتـي قدامـك
تجبرك يوميـا ً تحسـب حسابـي

و والله لا اموت ولا حسبت حسابك
لو ان بيتك عنـد روس أطنابـي

لاني عرفت ان قيمتي فـي عينـك
همشتها مـن شـدّة الإعجابـي !

الحاصل .. ان الشايب اللي جابـك
يا طيب راسه لـو قعـد عزّابـي

http://www.bani-3abs.org/upup/uploads/0f33d22dc9.jpg

..... وجهة نظر !

مرات احـس القصيـد بـدم شريانـي
يضخّـه القلـب ليـن يقولـه لسانـي
واني كتبـت الغريـب الراقـي النـادر
وانه خلاصة علـوم الفكـر الانسانـي
ومرات احسّـه شـي لا يمكـن آصلـه
وان الصحافه مجـرد مـدح مجانـي !!
واني ليامن قريت ( لعافت ) و ( مدغم )
زهدت فيمـا كتبـت وشابـت الحانـي
لكّن واللي خلقني غيـر عـن غيـري
إنـي أحبّـه واعـده ثالـث اخـوانـي
لذا يا شعّـار جيـل ( الكـل متمكـن )
والكـل مـبـدع ومتمـيـز وفنـانـي
أخذو حقيقـة مشاعـر شاعـر ٍ منكـم
وجهة نظر والصراحـه نبـض قيفانـي
المسألـه كلـهـا .. فـكـره وقافـيّـه
وأبيات مسموعه مـن فـلان وفلانـي
نفس العتب والغزل واللي قبـل افضـل
ونفس الفخر واطيّب العربـان عربانـي
نقـول شـي ٍ يقولـه غيرنـا لـكـن
الفـرق بالحبكـه وتوقيـت الازمانـي
يعني بلاش انتظاهـر ( بالأنـا ) واجـد
ما فيه ( ابو الطيب ) ولابه ( لويحاني )
ماني بعمـم !! ولكـن اغلـب الاغلـب
مستشعر .. مهايطي خلقه .. وقومانـي
لـو انـه يعاتـب الرعبوبـه الحلـوه
يقول ياطيب ابـوي وطيـب جدانـي !!
ومدام هـذي حقيقـة وضعنـا الراهـن
يمكن مـع الوقـت رب البيـت يبلانـي
فإن كان شفتوا اهياطي يـا جماهيـري
تجاهلـوا كـل اشرطتـي وديوانـي !!
خلونـي احـس فـي قيمـة تواجدكـم
واتعب على ذوقكـم كـان الله احيانـي
لكم علـيّ اقلـب الدنيـا علـى شانـه
والـي عليكـم تحبونـه علـى شانـي
وعلى العموم الغريب احساسـي الليلـه
ماهوب باحساسي ان فارقـت شيبانـي
عوايدي لا تركـت ديـار اخـو مريـم
أشعر بضيقه واحس الشـوق أضنانـي
لكنـي اليـوم كنـي جالـس فبيـتـي
مابيـن ربعـي وخلانـي وصدقـانـي
فيا أما الكويـت موجـوده هنـا معنـا
يا أما دار الخفـوق ديـار ابـن ثانـي
أحبّها من قبـل لاجيهـا وامـوت بهـا
واحسّها غييير فـي فكـري ووجدانـي
واللـي مـزوّد غلاهـا شعبهـا كـنـه
يعطّـر الارض كمـبـودي وريحـانـي
من كثـر ماهـو ودود وسمـح ويقـدّر
ماكني بضيـف كـن الشعـب ضيفانـي
والـدار تبـارك الرحمـن مــا شالله
دره وفيهـا الجمـال اشكـال والوانـي
هنـا التطـور صحيـح بكلبـوا حاجـه
رياضـي وفكـري وفنـي وعمـرانـي
الله يبيـض وجيـه شيـوخ ديرتـكـم
يشهد لهـم قاصـي العربـان والدانـي
في ضل قايـد مسيرتكـم ابـو مشعـل
وعيالـه وعزوتـه ذربيـن الايمـانـي
امجادكم مـا هـي بسهلـه و حـي الله
لا والله الا بحـد السـيـف شامـانـي
ويكفيكم من المآثـر موقـف الخفجـي
يـوم الجمـوع اتداحـم فعلكـم بانـي
وعمـار يـا ديـرة التاريـخ والطيبـه
في ضل شيخك ( حمد ) وامجاد ابن ثاني

http://www.bani-3abs.org/upup/uploads/162389bdbe.jpg

(**(* شـآآآعرها !! *)**)

لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا
خلـك علـى خبـري وظنـي وهقـواتـي
خابرنـي الضيـق والضيقـات خابـرهـا
وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا
تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!
ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا
لا يـا بعـد شهرتـي واعظـم نجاحـاتـي
وكل القصايد مـن ابسطهـا ليـا اشهرهـا
ولا يـا بعـد مـن يــدوّر لانكسـاراتـي
شعّار سبب وجـودي ضيـق خاطرهـا !!
انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها
يـا اوّل وآخـر قصيـدي وآروّع ابياتـي
محـدٍ يحـب القصايـد كثـر شاعرهـا !!
مـا فـاق حبـي لـك الا حبـي لـذاتـي
يعنـي احبـك محـبّـه مــا اتصـوّرهـا
يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا
واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا
وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا
واطهـر حكايـة محبّـه فــي حكايـاتـي
مـن قبـل لا عيشهـا حسّيتـك اطهرهـا
لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا
ولا تضـايـق لـيـا كـثّـرت جـيّـاتـي
ضيّعـت فيـك السنيـن وجيـت ادوّرهـا
تـعـال رتبـنـي ورتــب حسـابـاتـي
او تدري شلـون ؟! رتبنـي و بعثرهـا !!
مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا
اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!
يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!
مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا
رجعنـي لوقـتـي او رجعـلـي اوقـاتـي
عاميـن تنطرنـي .. وعاميـن ناطـرهـا
وتقـبـل الــود والشـكـر وتحيـاتـي
يـا ساكـن الـروح والـروح ومشاعرهـا
وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا
لـو ان غيـري معـاك يسـوي سواتـي
قلت : انت نعمه وهـو عاجـز يقدّرهـا !!

http://www.bani-3abs.org/upup/uploads/3607daa3f8.jpg

.: الجادل الطرقا :.

أغنـي الطـاروق واسمـي
واعوذ بالرحمن من همـي
واضحك واقول الله يسامحهم
وامدح ولوّ تمـادوا بذمـي
المشكله وش دخـل العالـم
لو تشكي عروقي ثقل دمـي
مليـت اجنبهـم ولامـلـوا
لين اختلط كيفي على كمـي
يا (مفرح بن طبير) يامفرح
ياصاحبي واقرب بني عمي
علمهم ان شحت مواردهـم
وردّت قاصيهم على جمـي
ماني بذاخر دونهـم حاجـه
لا لدت ((عويناتهم )) يمـي
وسلم على اللي في محبتهـا
حبيت كسري لو زعل ضمي
يالبا قلب الجـادل الطرقـا
شف غمها ماشابـه لغمـي
ومن عينها سالت قبل عيني
الدمعه اللي في طرف كمـي

.: الكويــت :.

يـا قـاف لاتزعـل علـي لـو زاد لـومـي حبّتـيـن
شاعـرك ذي ثالـث سـنـه قصيـدتـه مــا قالـهـا
غيّبتهـا عنـي وعـذرك لاحـشـى مـاهـو سمـيـن
سـوق المعانـي سوقـهـا واتــرك عـلـي موّالـهـا
محبوبتـي ماهـي بتستاهـل كـذا ! يـا اغلـى خديـن
ان مـا سعـت لـي بالشعـر غصـب ٍ علـي اسعالهـا
الـدّره اللـي لـو يعذربهـا ( جمـوع الحاسـديـن ) ؟
مـا عـذرب عـذوق العنـب غيـر الـذي ماطالهـا !!
مـن عادنـي وسـط المهـد وهـي سقتنـي باليمـيـن
فنـجـال حــب ٍ لا رشفـتـه زاد حــب دلالـهــا
مـرت سنيـن وحبّهـا يكبـر علـى مــر السنـيـن
ونـذر ٍ علـي لامـوت مـاهـزت يــديّ فنجالـهـا
من وين ببدى يا شعر ؟ يا وين بوصل بـك يـا ويـن ؟
وانـا اقتنعـت انـي بقصّـر قبـل اعــدّ خصالـهـا
الترفـه اللـي زينهـا طـاف وتـعـدى كــل زيــن
مـا تشـبـه الا غيـمـة ٍ احـلـى الشـهـد همّالـهـا
الظفـره اللـي بالقسـى تصـمـل ولا يمـكـن تلـيـن
تشهـد لـهـا وقفاتـهـا .. تشـهـد لـهـا افعالـهـا
مجـرّبـه واداحــم التـاريـخ بالجـنـب المـتـيـن
لانـهـا اذا جــت للـكـرم !! متـفـرّده ولحالـهـا
وان قلت منهي ؟ قلت لحظه ! لجل ارفـع لـك ( جبيـن
كـل الحكـي ) و انطـق لـك اسـمٍ شلّتـه واشتالـهـا
ذي دار ( اخو مريّم ) عريب الجد والحصـن الحصيـن
ذي عيـدي اللـي كـل يـوم يـهـل فــيّ هلالـهـا
هـذي الكويـت وخـل فـراغ وحـط بعـده نقطتـيـن
واكتـب ( عـبـاره ) تعتـبـر وصـيـة ٍ لاجيالـهـا
( اكبـر نِعـم رب العـبـاد انــه خلقـنـا مسلمـيـن
وانـه جعـل الكـويـت ديرتـنـا وحـنـا عيالـهـا )
دار السـلام اللـي تـحـب انّــا نـكـون مسالمـيـن
لانهـا اذا ضاقـت تعـرف شلـون فـعـل ارجالـهـا
في كل صبـح وبحرهـا يحكـي لـك بشـوق وحنيـن
عن هيّـة ( الرقـه ) وكيـف المـوج ( قبّـل ) جالهـا
و ( القصر الاحمر ) علم الاجيـال وش معنـى عريـن
دامـه يعبـر لـك عـن ( الجهـرا ) وفعـل ابطالـهـا
تاريخ .. والتاريـخ يحفـظ .. واسمعـوا يـا الطامعيـن
ذي دارنـا .. وآمالنـا ..واحوالنـا .. مــن حالـهـا
انحبّهـا والطـق مـا ينـفـع بـكـم يــا الميتـيـن
مير اقصروا شر ( العجوز ) اللـي ( تبـث ارسالهـا )
مهمـا حكيتـوا وابتليتـوا ذي عجيـن و ( ذيّ ) طيـن
يعنـي علـى قـول المثـل : فــال الله ولا فالـهـا !!
ميـر الله الله بالفلـس يـا اهـل الفلـس يـا المفلسيـن
لا وآخـاسـرة كـدكـم .. والخـيـل مــن خيّالـهـا
وتبقيـن يـا دار السـعـد مـدهـال كــل الطيبـيـن
فـي ظـل مـن لا عقدوهـا قــال : انــا حلّالـهـا
نعم ( الامير ) ونعم ( الارض ) ونعم يا ( الشعب الامين )
ولاهـنـت يـاقـافٍ تجـمّـل بــي قــدم موّالـهـا
ويالله حـقـق مطلـبـي مــدام هـمـي حاجتـيـن ؟
( اموت مـا جاهـا ضـرر ) وان ( اندفـن برمالهـا )

اتمنى ردود بحجم حبكم للداهيه

و شكراااا