|
ولاني ، ولاني.. منكر إنه ولاني !
ياروض عشب زاهي بالنواير=هيضت قلب المهتوي للأغاني وسيلت دمع العين في تالي عصير =وذكر تني باللي غلاه.. إحتواني راعي الرموش الناعسات المفاتير =ولاني، ولاني.. منكر إنه ولاني يومه قبالي يمسح الدمع ويشير =صوب المغيب.. وقال: إسمع تراني أخاف من بكره لو يصير مايصير =إن غبت عنك غصب.. تنسى حناني وأقول له: غير هالحكي، وش غير؟ =ويقول: ماغيره.. ولاشيء ثاني وأرخى هدب عينه وهلن محادير =وتمتم.. نهيت القلب عنك وعصاني حاول يداري دمعته صاحبي مير =إخنقته العبره.. وصد وبكاني وده يعبر مالقى أي تعبير =ونفس الشعور اللي إعتراه إعتراني قلت: أنت صاحي؟ قال: حكم المقادير =دونك وقف حظي وعاثر زماني حاولت أجامل قلت: يمكن لنا خير =ويالصوت صاح.. الخير توه جفاني حدي بشوفه يوم شقق أزارير =ثوبه، وأنا الأهات هزت كياني مالك عن المقسوم لو إنك تطير =مالك عن المقسوم.. يالمودماني بندر نواف الرشيدي |
الله يعطيك العافيه
ومشكوووور |
اللة يعافيك أخوي ولاخلا وعدم
|
شكرا اخواني
|
المتغبي
صح لساااااااااااااان الشاعر بندر نواف الرشيدي على هذه القصيده الجميله التي اجاد في صياغة هذا الحوار بينه وبين حبيبته ، حوار جميل ومحادثه رائعه . تقبل تحياتي . |
صح لسان الشاعر "بندر نواف الرشيدي" لك تحياتي وخالص ودي عزيزي "المتغبي" تقبل مروري ودمت بود |
صح لساااان بندر نواف ولا هنت على النقل اخوي
|
إقتباس:
أخوي عبداللة المظهور شكراً لمرورك وتعليقك االرائع ولاخلا ولاعدم |
إقتباس:
أخوي يوسف العجرمي شاكر ومقدر لمرورك وتعليقك الجميل. لك خالص تحياتي وإحترامي ، وتقديري. |
إقتباس:
أخوي مرزوق العجوني صح بدنك ولاخلا ولاعدم.. |
القصيدة سبق نشرها في جريدة الرياض
وللإطلاع على النص منشوراً أضغط على هذا الرابط: http://www.alriyadh.com/2008/05/26/article345480.html |
إقتباس:
العفو أخوي نافع دميات الدريبي وأنا سعيد جدأً بتواجدك معنا .. وسعيد أكثر بمرورك وتعليقك دروب الإبداع تجمعنا لنلتقي ونرتقي .. |
صح لساااان بندر نواف ولا هنت على النقل اخوي
|
إقتباس:
أخي العزيز والمتألق دائماً حجاج العريض ( طار لك قلبي حمامة ) كما يقول : مهندس الكلمة بدر بن عبدالمحسن .. أسعدني جداً تواجد وشرّفني .. تقبّل إحترامي وسلامي أيّها المبدع المتألق ولك مني خالص الود وفوقة بوكيه ورد وحبّة خشم .. |
صح لساانك
على الجزلة واعتلا شانك تقبل مرووري و تقبل جل التحيه والسلام ذ ي ب ا ن |
إقتباس:
صح بدنك أخوي ذيبان ولاخلا ولاعدم .. وعلى دروب الإبداع نلتقي .. |
قصيده وافيه يعطيك العافيه يالمتغبي
|
الله يعطيك العافيه ومشكور على القصيده
تقبل مروووووووووووووري |
إقتباس:
حيّ اللة العمدة متصفحي منوّر بتواجدك وصح بدنك ، مرورك وتعليقك يسوى عندي كثيييير ، لاخلا ولاعدم يالعمدة تقبل تحياتي وإحترامي ولك مني خالص الـــــــــــــــــــود . |
إقتباس:
الـــعـفـوو ولاخلا ولاعدم تحياتي وإحترامي لك . |
| الساعة الآن +4: 05:08 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
