سجه مع الهاجوس طبيعةٍ لي = طبيعةٍ بموت ما جزت منها
اشكي على الخلاق وارفع له ايدي = لا كثرت الافكار يفك منها
اما الكرم قد فازبه حاتم الطي = حتى الفرس من شان ضيفه طعنها
خلوني اكرم في حياتي وانا حي = ولا مت مدري جثتي من دفنها
خـلـقــــت في الدنيا واناما معي شي = وبـــــروح منها مامعي شي منها
مسكين ياللي تحسب الواجد اشوي = والعافيه لو تنشرى وش ثمنها
يا جاهل الدنيا تراها كما الفي = يا مخبل اللي في حياته ومنها
ان ناحرت لك قامت تروح واتجي = مثل الذلول اللي طويلٍ رسنها
وان دبرت خلتك طايح ومرمي = وكم واحدٍ له حاجةٍ ما ضمنها
لا بد مانرحل عن المزح والغي = ونسكن بيوتٍ قبلنا من سكنها
النفس مثل الغصن عايش على الري = ولولاه كل الناس عافت وطنها
يالله عسا الحسنات تقضي على السي = لا قربوا للنفس ذرعة كفنها

خــلـــقت بالدنيا وانا ما معي شي = وبـــــروح منها ما معي شي منها
خلوني استانس بها دامني حي = لا مت مدري جثتي من دفنها
اشوي ندله واربع ايام وشوي = ندفع لسجتنا القليله ثمنها
والرابح اللي لا نطوت صفحته طي = في طاعة الله رحمة الله ضمنها

خلوني اكرم في حياتـي وانـا حـي=ولا مت مدري جثتـي مـن دفنهـا
خلقت في الدنيا وانامـا معـي شـي=وبروح منهـا مامعـي شـي منهـا

اقتباس من مشاركة المجهول (المشاركة 384737) http://up.arabseyes.com/upfiles/XA906904.bmp مبارك بن فايز السبيعي أبو عبد الله جزاك الله خيرا على حسن الاختيا ر ومثل ما قال الشاعر يالله عسى الحسنات تقضي على السي لاقربوا للنفس ذرعه كفنها الشاعر مفرج السبيعي لله درك على الابيات الرائعه والرابح اللي لانطوت صفحته طي في طا عه الله رحمه الله ضمنها فالكم الجنه

اقتباس من مشاركة سعد الفلاح (المشاركة 384812) خلوني اكرم في حياتـي وانـا حـي=ولا مت مدري جثتـي مـن دفنهـا خلقت في الدنيا وانامـا معـي شـي=وبروح منهـا مامعـي شـي منهـا ياالله حسن الخاتمه مشكوور بوعبدالله على النقل وصح اللسان شاعرها وتسلم يمينك ولاهنت

اقتباس من مشاركة فيصل الرشيدي (المشاركة 384918) اختيااااار رائع ,,, قصيدة جزلة بكل ما تحمل من معاني ,, تسلم يمينك ابوعبدالله على النقل ,,, ربي يوفقكم

اقتباس من مشاركة فواز الدواي (المشاركة 388279) خلوني اكرم في حياتـي وانـا حـي ولا مت مدري جثتـي مـن دفنهـا خلقت في الدنيا وانامـا معـي شـي وبروح منهـا مامعـي شـي منهـا جزله وحكمه لاهنت على النقل وصح السان شاعرها