ابتيدي باسم العظيم العالي المتعالي=منشي السحب الثقال وبالهوى مرسلها
احمده واعوذبه من سييئات اعمالي=واشهد انه منزل الآيات ومفصلها
واشهد ان المصطفى راعي المقام العالي=بلغ الأمه وحجة ربنا وصلها
ثم اما بعد عن حال العرب لاتسالي=يتضحلك واقع الأمه قبل تسألها
يارسول الله لاذميت وش يبقالي=الحياه تصير عندي تافهه باكملها
احترق دمي وصال الغبن في وجالي=والنفوس الله على حب النبي جابلها
جعل يد تسخر برسماتها ماتبالي=ينتشر فيها المرض لحد مايعطلها
يالله اني اسألك لاتردلي سؤالي=دعوتي يارب من دون الحبيب اقبلها
أرنا فيهم عجايب قدرتك ياوالي=والعقوبة فوق روس الحاقدين انزلها
جعلهم للهم والطاعون والسلالي=وجعل ماحل ابلاد إفريقيا ياصلها
وجعلهم للخوف والتشريد والزلزالي=يالله انك تجهل أعلاها يصير أسفلها
لين تصبح عبر منها المعتبر يهتالي=بالتلفزونات كل مراسل ينقلها
راحت اجيال تعاقب من بعدها اجيالي=بينت باعدائنا ماكان في داخلها
الحسد بقلوبهم مستوطن لازالي=قصة لأجدادهم واحفادهم تكملها
واعناي وياشقا حظي وياغربالي=نفسي اللي همها بايامها مثقلها
أكبر من انه يكال بكيلة المكيالي=والدروب اوهام واقصر شيء منها اطولها
ماتسر احوال الأمه بالزمان التالي=أصبحت للكفر لقمه بارده تاكلها
البطولات انتهت بنهاية الأبطالي=فرق شاسع بين تاليها وبين أولها
لو طلع فينا مثل حمزه ومثل بلالي=وامتلك حب الصلاه قلوبنا واشغلها
كان مانصبح ضحية عيلة العيالي=تستبيح اعراضنا الكفار ونعاملها؟
وش وراء التجريح في شخص الحبيب الغالي؟=الحياه بلا قيام اسلام مانقبلها
بأبي أنت وأمي وبجميع اعيالي=يارسول الله لأجلك نفوسنا نبذلها
الله اللي رافع ذكرك شرف واجلالي=والطغاة الله يمهلها ولا يهملها

اللهم ارنا فيهم عجائب قدرتك يارب

اخوي فواز الله يجعلها في ميزان حسناتك مع تحياتي لك..

صح لسانك على هذي الرائعه

واسف جيت متأخر



الله الي رافعن ذكرك شرف واجلالي

والطغاة الله يمهلها ولايهملها

جزاك الله خير الجزا على هذه الغيره على رسوالله المصطفى صلى الله عليه وسلم

بيض الله وجهك يالشاعر فواز والله انها ابيات جزله تستحق الاشاده
تم التثبيت

تحياتي لك