سلام رديتن منهـا تطيـر العقـول=يشوش راسي طنخ مع جرت الحانها
ياهل المواقف وانا دقيت بطن الطبول=عين الكحيلا تناظر فعـل فرسانهـا

يامرحبا با النيابه عن رجالٍ تطول=من شاعرٍ لاحضر يردع بليهانهـا
لادق ..طبل المعارك للمعارك زحول=وأنا لها كفو والله حسب عنوانهـا

ابك البقا والعـوازم يدركـون الفعـول=مع شرقها غربها معـروف شيخانهـا
يالأجودي كيف تصبح من عمامك زعول=البنـدق اللـي تبيهـا شيـن نيشانهـا

من قدم الطيبـه نعطيـه كـرت الدخـول=والسلعـه البايـره مانـدفـع أثمانـهـا
منته مبشر ولا أنته (يابويتْل ) ..رسول ..=والرميه الصايبـه وسـط اللحـم عانهـا

الكايده كايده معروف وسـم الذلـول=والظرب وسط العيون و وبين حجانها
ماني مبشر ومثلك دج بين الدحـول=ياشعلتـن مالقينـا غيـر دخانـهـا

(ياعبس) بتال بعد الطرق ماله قبول=( فرعون) دايم علي (هامان )ماخانها
(ياهنوه )مالك جدا لو حملوك الحمول=هذي ترى حْبتـك وبشـر بطحانهـا

ياعزوتي عبس ياجمرة عرب ماتزول=راس الذبيحه معلق تحـت كرعانهـا
يابن الأجاويد ضلعك كسرته الخيـول=هـذي محافيرهـا تبقـا بميدانـهـا

كنت أحسبنك قبل هذي تصول وتجول=أثرك حسيكى وشانك مخلفٍ شانهـا
والله لولا الحيا لقول أنـت أمهبـول=الحافيه داميه من ضـرب شامانهـا

لا تحزن ان خاب ظنك منت قادر تنول=عشقتك ماهي معك معـروف خلانهـا
اشرب من الجم من فوقك تدور الفصول=والغيم من فوق راسـك هـل هتانهـا

واعزتيلك شقى حالك طلوع ونزول=أنشهدنـك علـي ماقيـل فنانهـا
أنته سوات اليتيمه من ولعنى جفول=شرايد الملعبه شاهد على أعيانهـا

الله يقطع نماها ماتعرف الأصول=انكانها خلفت حبوك ورعانهـا
انته حلي العنيده ماتجي بالميول=تخضع معا فارس العليا ليا هانها

بتال شاعر ولاكن فيه نسبة خمـول=لا شال حمله وحملـى فـك دكانهـا
فكر الصعيدى ترى دايم بصلصه وفول=لا تمتحنى وأنا السابق وأنا أحصانها

الله الله الله عليييييييييييييييييييييييييييك اخووووووووووووووووووووووي

بـــــــــــــــــــــــــــــــــــــــــــــــــ ــــــــــتـــــــــــــــــــــــــــــــــــــــ ـــــــــــــال

صح أللسانك وصح للسان الشاعر

نـــــــــــــــــــــــــــــــــــــــــــــــــ ــــــــواف العازمي

ولايستغرب عليكم الأبداع

ووفقكم الله لما يحب ويرضى