اسبح وراء الغيم لجّه ماطرقها طريق= واليا وصلت المحاره عش بأمان وضمان
مايجتمع طيب وقت وصادقٍ لك صديق=يذوب وشم الوفاء من شين وجه الزمان

لاشان وجه الزمن مازان وجه الرفيق= ياليت الاصحاب زانو يوم شان الزمان

امضى من السيف ورده فوق جرح عميق= تفوح حتى انت مع فرق الزمن والمكان

اليا ضحك فوق ظله كل غصن ٍوريق= توّج خرفه حدر شمسه بصمت الكيان

لوضامي ابعاد نار الرمث مافك ريق= لفح الهبايب رسم هيبه بليّا عنان

ياسابح الفكر للمحّار خذني غريق= لك صادقي والمحار قبور عزّه وامان

نار وفيافي خيال وسابح للعميق=شوحه وراء الموج صيد الخافيه والبيان

ينفض له الريش طيرٍ بالفيافي طليق= ودّه ولا ودّك انت وكل هيّن هوان

الأرض ما صمّلتها الريح مالا تطيق= امطر ولا تروي اجذور الضما باللسان

وحده تكّفي ولا ثنتين فيهن تضيق= هوج المعاصير تصفر والمسافه رهان

اسبح وراء الغيم لجّه ماطرقها طريق= واليا وصلت المحاره عش بأمان وضمان

مايجتمع طيب وقت وصادقٍ لك صديق=يذوب وشم الوفاء من شين وجه الزمان