ارسل ويمـك ماحسبـت الرسايـل=وش كثرها وش سعرها وش عددها
وبنيت لـك مدينة(ن)كبـر حايـل=ودولة غلا وانته مؤسـس بلدهـا
وعرف معي غـلاك دايـم وطايـل=في عشرت(ن)خذيت مني سندهـا
اعلن غلاك ولا حسب قـول قايـل=وفي ماتبي اتبعـك خذهـا وزدهـا
وبالظل احطـك ونثنـي للقوايـل=قل لي بعد وش تطلبه من بعدهـا
لياذكرتـك قمـت اجـر المثـايـل=والهم والهاجوس نفسـي هجدهـا
قلبي معك والعيـن يمـك تخايـل=ماخايلت غـر المـزون ورعدهـا
وبرق وربيع وبـر رائـع وسايـل=ماصدها عـن صاحب(ن)مافقدهـا
عليك وجدي وجد من جـاه عايـل=وساقه من السرعه وعضده حصدها
او وجد من حظه على طول عايـل=عجـز حياتـه لا يحقـق سعدهـا
اوجد من شافـت عـذاب ونكايـل=ام(ن)توفـى بالحـوادث ولـدهـا
عليك ياوافـي جميـع الخصايـل=لو ماوفت نفسك علـي ابوعدهـا
تكفين يابنـت الرجـال الاصايـل=رؤفي بنفس(ن)قام يقبـل نكدهـا

اقتباس من مشاركة ابواثنين (المشاركة 27225) صح للسانك اخوي خليف الوهيداني قصيده من شاعر جزل تقبل تحياتي وتقديري :o

اقتباس من مشاركة راعي البلها (المشاركة 27311) الشاعر خليف الوهيداني صح لسانك ولاهنت

اقتباس من مشاركة ابو عبدالله (المشاركة 27356) أخوي خليف صح لسانك ومشكوووووووووووور n200674 :o تقبلوا تحياتي أبو عبدالله الشويلعي

اقتباس من مشاركة بدر الحشية (المشاركة 27586) صح للسانك اخوي خليف الوهيداني قصيده من شاعر جزل تقبل تحياتي وتقديري

اقتباس من مشاركة بندر الذيابي (المشاركة 27645) صح الله لسانك مشكور اخوي خليف علي التواصل الرائع والقصائد الممتعه تحياتي بندر الذيابي

اقتباس من مشاركة ضابط ايقاع (المشاركة 27680) صَح السانك العين يمك

اقتباس من مشاركة فيصل الرشيدي (المشاركة 27712) الله الله الله الله رااااااائعة بمعنى الكلمة صح لسانك واعتلا شانك على هذه القصيدة الجزلة وتسلم يمينك على هذا الطرح بانتظار جديدك وفقك الله