يا لابتي حنا اكعام اللي يعيل =حريبنا عن دارنا ينزح وراه
حامينها في سلة السيف الصقيل = ومشوك بيدين عطبين الرماه
الى طوحن البيض بالصوت الطويل=عيناك يا دار ربينا في حماه
العمر دون الدار مهدينه سبيل=عيب علي اللي قال قول ولا وفاه
المرجله ما تقصر العمر الطويل=والخوف ما فك الحباري والقطاه
يا ولاد سالم يا مدربة الذليل=قوموا بعون الله وصيروا في رجاه
انتم برجال الحرب وان بار العميل=ميقافكم صعب على اللي ما قواه
عدونا دايم على راسه نميل=يروح في همه وشفه ماقضاه
الله يسلم راعي الفعل الجميل =العاهل اللي ما وطوا ربعه وطاه
ارسل جيوش كنها غرس نخيل=الجيش يمشي والذخاير من وراه
حريبنا وان طاب قلبه يستقيل=يوم الملك عزم على الممشى وجاه
ان كان قلبة حي يلقى له دخيل=حنا قدم وجهه وشعبه في قفاه
يا محيل العربان لك ناس تحيل= لابد من يوم اتعلق بالصفاه
خنت الامانه وخانك الله يا الرزيل=نسيت معروف الكويت ولا تراه
لا تحسبن بلادنا كسب النخيل=يا محلي الفلاح يطمع بعملاه
اليا نوانا خاينٍ ضايع دليل =اصبر واخير ما لقوا ربعه لقاه