|
!! الزوجه المربربه :))
المربربه هي المرأة الممتلئه واللي تملك شي من أهم الاشياء الملفته لنظر كثير من الأزواج الكل يمدح النحيفه والكل يتمنى النحيفه بس لا جينا للجد ترى المربربه شي وفرق كبير عن النحيفه المربربه فيها عدة مميزات اولا خفة الدم نادرا تلقى مربربه ثقيلة طينه كلهن ماشاء الله خفة دم وسعة صدر وروح شرحه ثالثا طباخه كثير من ازواج هالوقت يشتكون من جهل زوجاتهم للطبخ بس اللي متزوج مربربه ما يشتكي ابد فالمربربه تعتبر دائما طباخه من الدرجة الاولى وما فيه سر يخفى عليك وش خلها مربربه الا حب الطبخ والمطبخ رابعا أم ناجحة الأم المربربه تكون دائما اكثر حنانا ورحمه وتربيه لاطفالها لذا دائما اولاد المربربات يكونون اكثر بر بوالدتهم عكس اولاد المعصقلات خامسا من اليوم ورايح خل شعارك نعم للمربربه ولا للنحيفه وختاما تحية لكل ام وكل زوجة مربربه والمجتمع ظالمكم بنقدكم والتطنز فيكم بس انتم روح المجتمع ولا يهمكم الكلام ولكم هالاهداء من قصيده قديمه للسعيد للزين قالوا من قديمٍ علامات عينٍ ومبسم والجسم والرشاقه لكن كسر هالقاعده هالمتينات من واقعٍ ما هو كلام وبلاغه اللي محليهن ولو هن ثقيلات دايم خفاف الدم وفيهن لباقه الله يا هن يا جماعه لطيفات وعن الكلام الحلو فيهن طلاقه ما هو ضروري بالرشاقه رشيقات وزود الوزن ما هو بيعني اعاقه صحيح بعض اللبس يعني اهانات الوزن بالضيق عديم العلاقه بس مو ضروري يبلسن استرتشات يا زينهن واللبس واسع نطاقه لا بارك الله فيك يا الضيق بالذات ترى السعه مرات تعطي اناقه قابلهن الله بلا رجيم ورياضات بأهدي لهن مني من الورد باقه هن دفء هذا المجتمع هن رقيقات هن ملح هن سكر لذيذٍ مذاقه <<<<<<<<<<< ونااااااااااااااااسه baaa2.gif |
موضوع راائع غاليتي المهيمزية
منصفة ومبدعة احترنا فيك حماك المولى جمعتي من الصفات ابدعها |
بصراحه
هذا احسن موضوع حطيتيه بحياتج هههههههههههههههههههههههههههههههههههههههههههه |
راشد رباح ,, دمعه فرح حيـــــــــاكم الله ,, ويامرحبا مليوووووون ,, شاكره لكم مروركم ,, العوسجيه جازلج الموضوع ,, كاني اشوفج تطبعينه وتقرينه لابو العيال :)) |
المهيمزية
نقل راااااائع يالغاليه..شكرا لكِ ووفقكِ الله دمتِ بخير أختك الهنوف |
أول شيء علشان ماتجي وحده مسويه فاهمه وتقول هذا قسم نسائي ترى عندي خبر.... بس العنوان جذبني .....مدري لقافه أو حب أستطلاع.... المهيمزيه كل ماذكرتيه يحتمل الصحه في الغالب بس طبعاً لكل قاعده شواذ يعني فيه مربربه وثقيلة دم مثلاً وفيه مربره آخرى ماتعرف في الطبخ الا سلق البيض و تقديم المعلبات..... هذا غير أن المربره تعاني بشده عند شراء الملابس بالمقاسات المناسبه.....غير كذا على الزوج أنه يحط بباله أنها صرفيه ....يمكن تتسبب في أفلاسك ... |
مشكووووره اختي المهيمزيه على هذا الطرح والله يعطيك العافيه
|
الهنوف ,, عبدالله منور ,, طيف المشاعر
حيــاكم ربي ,, وتسلمون على مروركم والمتابعه |
رد
شكرا اختي المهيمزيه على الموضوع هل تقصدين المربربه الدبدوبه اذا تقصدين الدبدوبه والله السمنه مشكله الله يكفينا شرها
|
يامرحبــا يالشادي ,, وتسلم على مرورك الطيب ,,
المربربه ,, مو الدبه لااااااااا امممممممم يعني دبدبوبه شوي <<<<<<< فسر الماء بالماء |
الله يعطيك العافيه
|
موضوع راائع اختي المهيمزية
مبدع و رايعه اكيد انج مربربه عندي سؤال ليه الناس تسدخدم الرجيم (اعوذ بالله من الشيطان الرجيم)؟؟؟؟؟؟؟؟؟؟؟؟؟؟ هههههههههههههههه ودمتم سالمين |
ههههههههههههههههههههههههه
هلا ومرحبا براك نووورت بتواجدك :) |
إقتباس:
ياااااااالبيـــــــــــــه يالعوسجيه والله أنك ضحكتيني وأنا ضايق صدري هههههههههههههههههه حبيبتي المهيمزيه انتِ بنوته وماتدرين مشكلة المتزوجات عساج تذوقينها قريب ههههههههه أول مانتزوج مثل باربي رشاقه وحلا حتى أبو الشباب لما يشوف زوجته تحس انه بينهبل عليها وعيونه بتزوغ من مكانها ومع كل هذا إذا اخذنا لنا شهرين والا ثلاثه يتبدل الموضوع قال إيش قال ابيج تصيرين دبه يالله بالله حليها هي صحيح سهله وأريح من الرجيم ومشاكله هههههههه لكن المراه نفسها ماتقبل أنها تصير دبه لو مربربه آمنا بالله نواجه المجتمع بربربتنا ( اعجبتني الكلمه ههههههه ) لكن دبه والله قويه لكن مالنا إلا نمسك العصا من الوسط ( يعني مربربه أرحم من دبه ) ومشكوره حبيبتي على الموضوع الحلو وعقبال ماأشوفج دبدوبه قولي آميــــــــــن |
إقتباس:
ومرحبااااااااا مليووون ببنت الاصايل ,, نورتي الموضوع يالغاليه ,, وربي حاااسه بمعاناااتكم فحبيت احط هالموضووووع نرفع معنويات بعض فيه http://www.getsmile.com/emoticons/fu...29/victory.gif |
| الساعة الآن +4: 04:24 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
