ثلاث في الدنيا تعزك..وترفعك=فيها نبي الله ياا لعبد وصاك
علمٍ تعلم به وإذا مت ينفعك=أو مال يعينك..لدينك..بدنياك
والثالث اللي لا غدا اللحد مضجعك=يدعي لك إن الله من النار يحماك
عليك باللي عند خالقك يا سعك=خلك مع أهل الخير لا تحيد اخطاك
د ا يم لفعل الخير عزز دوافعك=واقتل بذاتك دافع الشر لاجاك
خلك نهر في الطيب تزهر مر ا بعك=وافتل حبال الحق للي تحداك
أوصل ذوي القربى لو انه مقاطعك=و ا كرم جناب اللي من البعد ينصاك
لاتقول قول مايناسب لسامعك= ولا تسمع اللي لا هرج هرجةٍ لاك
ولا تجادل..اللي في كلامك ينازعك= واللي يبي يز علك جند له ارضاك
مما يعلي من مقامك تواضعك= والكبر للي من ولا شي سواك
جاهرت في قولك..أو أسررت يسمعك=حسناتك أحصاها ويحصي خطاياك
لو أنت في الدنيا كثيرة مطامعك=ما أنت آخذٍ منها سوى ما الله أعطاك
ترحل..من الدنيا لوحدك,,ولامعك=ألا عملك اللي عملته بدنياك
إن كان خير بصفوة الخلق يجمعك=في جنة الفردوس يا طيب ملفاك
وإن كان شر أهوال قبرك..تروعك=بابٍ لتعذيبك ليا خاب مسعاك
في زمهرير اللي أُعدت لتا سعك=- إن ما رحمك الله- مقرك ومثواك
لله ما تعمل ولله مرجعك=اعمل و تلقى ما عملته ويلقاك

اقتباس من مشاركة أبو عيسى (المشاركة 163720) علـمٍ تعلـم بـه وإذا مـت ينفعـك أ و مــالٍ يعينك..لدينك..بدنـيـاك أخي بندر: بارك الله فيك وأشكرك مرةً ثانيه على هذا القصيده الرائعه التي تعجب القارئ والسامع فقد أعجبتني ومن كثر ترديدي لها لاحظت إن حرف الواو التي وضعت تحته خط يغيّر وزن القصيده نوعاً "ما" علـمٍ تعلـم بـه إذا مـت ينفعـك أو مــالٍ يعينك..لدينك..بدنـيـاك هذه وجهة نظري أمل عدم المؤاخذه0 وتقبل تحيات أخوك ومحبك أبو عيسى حمد محفوظ,,,

n200678 n200678 n200678 n200678 n200678 n200678
وصح الله لسانك