حييت ياجمع ٍ له النفس ترتاح = وحياكم الله يالوجيه السفيره
حضوركم وقت الفرح زاد الأفراح = وحنا نرحب بالكبير وضغيره
حضوركم زاد الفرح والكدر راح = وحيالله اللي وصل من كل ديره
أبوي حياكم وأنا البال مرتاح = الشايب اللي كلنا نستشيره
لعلله بالخير ممسى ومصباح = في جاه رب ٍ مانصلي لغيره
وعياله يحيون ترحيب بنصاح = بقيادة اللي جعل ربي يجيره
الشيخ أبو فيصل لو تهب الأرياح = زيزومها وقت الحمول العسيره
لو قلت بخواني يقلن الأمداح = أهل الوفاء وأهل الوجيه الستيره
قالو هلا أعداد مابارق ٍ لاح = وعداد ماتمشي مزون ٍ مطيره
من خاطر ٍ طيب ومن بال منساح = هو الذي يعلم بخافي السريره
وصلاة ربي عد فجات الأصباح = وعلى النبي صلوا صلاة ٍ كثيره