سلام يملاه الغلا والموده=واشواق قلب(ن)بالغرام مغلوبه
احب اهل جده وكرنيش جده=وذعذاعه الغربي قليل الرطوبه
الساحل الغربي عيوني توده=ذي معتدل جوه وعادي هبوبه
مد النضر مع ساحل البحر مده=غرب وتلقا الشوق ياعبيد صوبه
صوب المحيط الي محد شاف سده=غلاه يكبربي وتكبر ذنوبه
شاطيه يجذبني بجزره ومده=مالح وفي دافي هواه العذوبه
يابحر رغم البعد ماعنك صده=ولامنك لارحمه ولاعنك توبه

مثله من اعماق الضماير نرده=سكر نبات ونفس شاعر رحوبه
من هاجس(ن)بعض المعاني تشده=يسرح مع الهاجس شمال وجنوبه
وتحول من بينه وبين المخده=روابع الشاوي مضيع ذهوبه
معها تمادابالنفس وسترده=وقول ماعمر البحر سولفوبه
يوم استدير الفكر معها والده=اشوف في شاطي بحرها العجوبه
صحيح جده غير لصحاب جده=يالصاحب معيبد عليك محسوبه
جده كما بنت(ن)شعرها تكده=عذرا مهي ثيب ولهي مخطوبه
واخير منها السهله المجرهده=لوهي خلا ومحول مهي خصوبه

ابو صالح

صح السانك ولسان ابو متعب يالغالــــــــــــي على هذه الروائــــــــع . . .

تقول :

واخير منها السهلـه المجرهـده
لوهي خلا ومحول مهي خصوبـه

اقتباس من مشاركة الليل (المشاركة 147145) 3223bani-3abs الايكفي من التعبير علي كثر الجمل والاحرف الهجائية من تركيب جملة بالشكر والتقدير لك يابوصالح ان كل ماتكتب من قصيدة فيها من الحكم والموعضة وحب للحياة البرية التي هي مبدائك في كل القصيد . والا ننقص من حق ابومتعب انما نحن نشكرة كثير الشكر علي ماقدم من ابيات جميلة . 23232bani-3abs