ونتي ونة من الهجن منتله=في سموم القيظ حفيه ومردوفه
فوقها قرم خويه رديف له=هم شريدة جمعة تو مصدوفه
وردوا عد طويل ولا دله=ويتصبر والظما محرق جوفه

ابطت الخيمة بوسط القيصرية=ولا حصل رخصة على طول الزماني
يالنشامى فاتكم عيد الضحية=مثل ما هو فاتكم عيد رمضاني
عيدكم ضرب الميازر كل هيّه=عند رجم الموت لاصقته غشاني
لو طويل العمر ما يشره عليه=كان ابسري في دجى ليل ضواني
لين اصبّح في ديار الغشمرية=يم دار صويحبي جالي الثماني

يا محمد ما درينا لك هويه=صاحب يرجيك لو طال الزماني
يا محمد ترى ما انتو سوية=احد رجال واحد ما يداني
يا محمد ما غزينا الا حميه=ما لنا مقصد ولا خوف حداني

اقتباس من مشاركة عاشق التهاويل (المشاركة 150377) -------------------------------------------------------------------------------- بيض الله وجهك يا الاجهر رحمه الله الفارس المشهور محمد بن جدوع