الليله هذي واضحـه ليلة افراق=حاولت اعديهاوعيّت تعدي
اظروف ماتنطاق ولاراح تنطاق=صدالقدرماهو بصدك وصدي
تعال اخذني بين اياديك مشتاق=قبل انتفارق حط يدك بيدي
بجلس معك ساعه حبايب وعـشـاق=من بعدهاكيفك ولوصرت ضدي
فيني خليط اشواق باشواق باشواق=واصل معك من كثرت الشوق حدي
ودي ألمك واحضنك حضنت عناق=ياشيب عيني كل ماقلت ودي
في خاطري وش خاطري خاطري ضاق=الكون كله ضاق ماهو بقدي
حتى الدموع اللي استحت كبرواخلاق=تساقطت من فوق خدك وخدي
لوحة شعر تبكي على بيض الاوراق=بيّحـت فيهامن ردى الحظ سدي
ليلة جفاوافراق مامثله افراق=حاولت اعديها وعيّت تعدي

البارحه سهران أجول التفاكير = في ذم مقرود ٍ خبث العباره
هات القلم اكتب فريد التعابير = في المدح ميز عن وقاري وقاره
حيثٍ لفاني من شريكي مخاسير= و ربح من بعض الخلايق خساره
الربح في رجل ٍٍ يطيع المشاوير=ظنه في ظني ما يغير مساره
ويا قلبي يلي فيه دق و مسامير=ويا كبدي يلي فيها غل و مراره
ولابد من عسر الليالي مياسير= ولابد ما ترقد عيون السهاره
حنا هل الحره أحرار ومناعير=و حنا نجوم الليل بأول سماره
وحنا لكم قاده وأنتم طوابير=وما خاب جيش ٍ ساري ٍ في مساره
تشهد لنا سود الليالي المعاسير=ياكم بيــــــــــدنا بغاره وغاره
الله مسخرنا على الخير تسخير=تسخير نورٍ ثابت ٍ في نهاره
جينا من الحره رمتنا مقادير=في دار جابر ما نغير جوار
واذا لفاني من شريكي مخاسير =انا شهدن بعض الخلايق خساره