يابــدر ابـن نوران مسيت بالخير=بـشـر عن الاخبار وشلون حـالـك
الـوايـلي صـخرلك القـاف تصخير=يـاالله عسى التوفيق فاله وفالك
اشـكي عليك الحال يابن المناعير=جـرى عـلـيه بالـهـوى مـاجـرالـك
قضيت ليلي في هموم وتفـاكير=من شافني قال انت زايد هبـالك
مـايـدري ان السـر عـند الغـناديـر=حـلاوة الـدنـيـا حـبـيبن صـفـالـك
لـعيونها لا مـاحـسـبنا المـخاسـيـر=ومن شـانها ياما وردنا المـهـالك
واليوم قفت وابعدتـها الـمـقـادير=والحزن خيم في ربـوع المـمالك
والمعذره وان كان بالقاف تقصير=اهـجـوس في قـلـبي ودونتهالك

يامـرحـبا ياشــاعر.ن حـبـكته غــير =يحبك قوافي الشعر وللطيب مالك
يسعد مساك والعز في دربك ينير=طيب وطيبك جاك من طيب خالك
يالوايلي جعل الياالي المعاسير=ماتجيك وجعل اللاش كله فدالك
جيتك وأنا ابعسر القاف تعسير=واصخر قوافي الشعر كله رضالك
لك في صميم القلب مليون تقدير=وتستاهل التقدير والعز نالك
وصاحبك خلك لويجيك تقصير =منه تمهل لا تروح للمهالك
اصبر وخلك ترتجي منه الخير =يرجع لونه قاطع ٍ لك وصالك
يمكن يجيك ويشتكي بالمعاذير=وبعد الجفا يصفى ويصبح حلالك
وهذي قصيدي لك بحلو التعابير =هدية ٍ مني أعتبرها وفاء لك
ولا تعتذر قدرك ترى عندي كبير =ياصااحب ماخاب منهو عنالك