|
لا سلام ولا تراحيب وتحيه
لا سلام ولا تراحيب وتحيه = مابه الا البندقيه والشباري من يبا يارد على حوض المنيه = يبشر بشري قبل لا يشوف خاري |
صح لسانك لواني ماني مرتبط بطاروق مع ساري الغدرا وطاروقه جايز لي والاكان رديت عليك
|
صح حالك وبالك يالبارقي
|
الله الله
صح لسانك يابادي وعاش من شافك وياليت تفكني من البارقي شكله يبي يتورسلني هههه |
صحت ابدانك يا ساري والبارقي يفكك منه الرشاش ههههه
|
دقايق ويجيك الرد يابادي الرجم
|
إقتباس:
مـــابه الا الخــير وانا ماعــلــيه = بـنـك الاهــلي ماهو بحول التجاري |
الله الله
صح الله لسانكم جميع عاشو الشعار |
إقتباس:
لاهلا ولا مرحبا خذها هديه = ياخبيث الطبع ياشين الطواري لاتهدد تصبح اليوم الضحيه= ياسوير الليل قلي وين ساري |
من اليوم معد الرجوم اسمه عندي سوير الليل وللمعلوميه سوير الليل اللي هو الخفاش ولكن بعض الشعوب يسمون سوير الليل حشره تطلع قبل طلوع سهيل ويمكن بعضكم شافها قبل شهر حيالله معد الرجوم الملقب بسوير الليل
|
ارجو من الشيخ ابو عيسى ان يكتب تحت اسم معد الرجوم لقب سوير الليل حيثه يستاهل الترقيه الا هذا القب هههههههههههههه
|
يالربع لاتواخذونا انا ومرزوق ودرباوي ومحام الاعضاء ادمنا على التعليق ولانصبر عنه
|
صحت السنتكم وضاح هداك الله مايجوز وصف اخيك المسلم بهذا الوصف عليك الاعتذار لاخيك معد الرجم خلال 48 ساعه ولا سوف تعاقب عقاب صارم معد الرجم رجال طيب ومحترم
|
ابشر ياعمي العمده خل الجماعه لين يقرون الموضوع كلهم واعتذر هههههههههههه
|
إقتباس:
الخطا من واحد وسط السريه = عمكم بالشر وانته ماانت داري السماء ملك الحرار الصيرميه = ما يحوم بها حمام ولا حباري |
إقتباس:
الخبيث اللي يجينا بالف نيه = وانت يالزيدي مع العربان عاري جيت من صنعاء تدور شاذليه = مير مالك غير ماقال المطاري |
إقتباس:
|
إقتباس:
انا اخو مزنه اسمع العلم اسمعه الخبيث اللي تلطم كالبنيه = لطمته تشبه حجاب ام الخزاري جيت من صنعا على ظهر العبيه= غازين ديرنك ياراع الحماري ههههههههههههه |
يالربع اشهدو على خطا ابن عمكم انا كلامي كله زين وشوفو وش يقول بالشطر الاخير من البيت الاول تكفا ياسراي الغدراء انت ومرزوق افزعولي
|
احمد الله وشكره ماغلط على احد ولايغلط علي احد
|
إقتباس:
ايييه خلوووووووها ما انت قادر تخفى اوراق القضيه = مير خذها من يمين الاستشاري لا رجعنا لللعصور الاوليه = مالك مع اهل الشجاعه اي طاري |
إقتباس:
اترفع عن علوم السرسريه = يامبيعت البصل تحت الكباري لارجعنا للعصور الجاهليه= محتمينك وانت لابد بالمذاري |
هب يابا الرجوم جاهم اليوم يدور القشر
|
انا اخو مزنه ورعنة عبس قامت تلمس راسي
|
انا معك على هذا الطاروق اسبوع كامل انت اكيد معبن مخك محام الاعضاء وجيت مهتاش
|
إقتباس:
ايييه خلووووووووها ياليماني مامعك هذي وذيه = مير جنب عن خشم ذيب الغداري خابرينك من رعيه في رعيه = سلعة ٍ ما بين بايعها وشاري |
اييييه
عاشو انا ملتزم الادب بس لاحد يخطي انقز بحلقه |
ياليماني
فيه معلومة اكتشفتها ان بادي الرجم هو ساري الغدرا وانا ماني متوكد |
إقتباس:
معي من تفرق خوين من خويه= بندقن في نقلها حنا نماري والرعيه سنها خير البريه= النبي يرعا الغنم خل المزاري |
إقتباس:
مشكور على هذه المعلومه اجل سراي الغدراء شاعر قوي كذا |
إقتباس:
شرحك سرى اخو مزنه مايتعرض احد |
إقتباس:
بندقك ماسرتك يوم الغزية = كل مااحدك تجنب لليساري علموك اصحابك بحفظ الوصيه = وأنت تبغى الصدق ماحولك مواري هههه |
إقتباس:
بس حنا وشلون نطيره من المنتدا شكله مايقف لنا الا هو ملعون الرقبه هههههههه |
إقتباس:
جرب افعولي مادام النار حيه= كان مانته في فعول الناس داري الوصيه نحفضه مابه زريه= سنها الله وانت ترضخلي جباري |
[quote=محامي الاعضاء;3010489]
ايه اكيد انه شاعر بس حنا وشلون نطيره من المنتدا شكله مايقف لنا الا هو ملعون الرقبه هههههههه[/ quote] انت مقرود وان طعناك مابقا المنتدى احد وسراي الغدراء محترم وشاعر وعمره ماخطا على احد |
صحت السنتكم طاروق طيب
|
آي طآروق طيب كلهه هوآش لو صج مع بعض جآن كلوو بعض هههه
صحح لسآنكم حلوووين حلوووين |
صحت السنتكم على هذا الطاروق الناري شعار مبدعين وبادي الرجم صح إنه شاعر ويستاهل لقب شاعر لاتنساه يا أبو تركي بعد هذا الطاروق يرد على شاعرين ما شاء الله عنه
|
هلا ابو عيسى يستاهل رشحو باد الرجم مشرف بشرط انه مايوجد له اسم مستعار ثاني
|
انا من المعارضين عليه يابو تركي من الترشيح ههههههههههههه
|
| الساعة الآن +4: 06:18 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
