|
سلام ياشعار
شاعر نبي نلعب معه طاروق |
العب
جب طاروقك يابارقي ابشر باللي يجربعك |
طيب دقايق ونشوف ركضك ونعلمك بالجربعه
|
اتبع مرزوق لو غاص في سبع البحور = جـــايـــز ان مــرزوق رب الاوادم يرزقه وانت يامرزوق مدمن على حب الظهور = تاكل من الشيول وتاكل من الملعقه |
يامرزوق الطاروق وجبناه لاتغيب وتعذر
|
إقتباس:
اتبعني خلك اخلاف ياراع الجزور= كل رجلن نعرفه من بدية منطقه مادرينا عنك ياللي تدسس بالجحور= وانتبه لا تخطي العلم ثمن تلفقه |
جاك الرد بس تراني اضفت لا بالشطر الاخير
وانتبه تراني معصب |
عاشو اخو مزنه بصف حمد البارقي
|
إقتباس:
|
لا ماحصل لي شي اليوم
الناس طيروهن يصيدون هخالعصيفيرات اللي تدعس بالشجر مدري وشلون ينخشونهن نخشتهم القراده عفت الصيد كله |
السلام عليكم كل عام وانتم بخير عاشو بصف مرزوق
|
عقب عدينا عليك اثنتين بدون نور = تلحق الموضوع والا ماتقدر تلحقه
السماء شفناه تدرج به انواع الطيور = واثرها يطشها البارقي في بندقه |
إقتباس:
ياحمد رديتها لك ولكن لا تخور = وانتبه ياصاحبي والعلوم موثقه كيف تدرج بالسماء والله ان الخبل ثور= بندقه ترمي وراسه بحبل المشنقه |
إقتباس:
وتشرفنا بمسكتك الصف عاشووووو |
انشد اهل المعرفه لين تعرف للامور = ماحدن حـــط الـــعمارات مثــل الصندقه
مانحط السرج فوق بقره في كل دور = وانت في نفسك يامرزوق ماعندك ثقه |
الله الله عاشو الشعار 1/2 ههههههههنههه صح السنتككم
|
إقتباس:
كيف ابنشد ياحمد كلها عميان عور= كلهم مثلك لونك تحب الزبرقه حطها فوق الذي تشتهي كله دبور = وانتبه لسرج لاحدن يجيك ويزرقه |
إقتباس:
وضح يامشرف الغلطة |
إقتباس:
|
تشتم اهل المعرفه وانت بالدرب معثور = ياقليل العرف شاربك كل يحلقه
كنت احسبك شاعر فذ واثرك معسور = لو ندلك للسنع رحت تبغى المطرقه |
وشو التوب تن
والمحاورة مرتقيه مافيها شي بس انت على وادي الرمه وحنا على وادي حنيفه ههههه ياااووووووووووه |
مرزوق حمد شعار مافيكم حيله
|
إقتباس:
وانت بعد شاعر كبير ومتواضع |
يامشرفنا العزيز عط الطاروق فرصه الطاروق ماشي على معنى
|
إقتباس:
العرب تدري عن اللي يخالف بالبحور= بس بعض الناس مغسول خده بمرقه والشعر ياصاحبي موهبه والله غفور = واسمح لنا ياحمد كان فيها طربقه |
صح لسانك ياحمد
واستر ماوجهت يالبارقي شاعر وتعرف وين المعنى لله درك مع السلامة |
إقتباس:
كل وادي ﻻ غمره المطر سيله يسيل=لين يزبد عايره من علوه ﻻ سفله مير خلك مع قوافل حروفك حط شيل=كل واحد يعرف اللي على ظهر جمله |
انت لوتدري عن اللي حصل دمك يفور = دايم ن ناخذك للفرفشه والطقطقه و انت شاعر عرف لكنك بليا شعور = ان تركناك صدقه وان ذبحناك صدقه |
الله الله صح السنتكم جميع
الله اكبر عليك يالبارقي هههههههه |
الله الله محاورة من العيار الثقيل
نعم هناك شعر ومعنى بنفس الوقت الذي تم التعارف عليه بين الشاعرين وتركو المتلقي يتوه في غياهب التصيد الذي يبعدون كل البعد عن هذا المجال مع انهم اذكياء تركو مجال واحتفضو بمجمل المعنى والموضوع وكان الرد بنفس المنطق مع انهم لم يلتزمون باللحن ولكن للهتمام بالمعنى والطرق اهمل اللحن وذالك من قوة وجزالة المعنى وهذا لا يخل بالطاروق بشكل العام لم يعدي مرزوق شيئ ياحمد بل رد بنفس الاسلوب ونفس المعنى ولكن بطريقته الخاصة والتي تشابه طريقتك ولم يعدي مرزوق كل اخطاء البارقي الطبيعية واللغوية بل نبهه عليها وهذا ميزة الشاعر المتمكن اللغير متغطرس لله دره يقول البارقي : السماء شفناه تدرج به انواع الطيور = واثرها يطشها البارقي في بندقه وكان الرد من مرزوق وهونقض : كيف تدرج بالسماء والله ان الخبل ثور= بندقه ترمي وراسه بحبل المشنقه صحت السنتكم جميعاً وعلى قولة ابو تركي مافيكم حيلة |
الله الله صحت السنتكم
ابدااع من الطرفين |
صحت ابدانكو كلكو
وشكرا ياساري على تحليلك اللي بالصميم عزالله انك داهية |
| الساعة الآن +4: 11:50 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
