|
رشيديات ( شعر )
.
شف لي معك بالهوا صرفة ودبرني ............ فيصل الباهلي 000000 ياكثر ما ينشغل بالي على حالك مع انك انسان لاهي ما تعبرني صغرت في عين غيرك والكبر فالك من كثر ما سأل عليك ، الله يكبرني ما تحترم جيتي لا جيت في بالك مدري وش اللي على طبعك مصبرني! تطيح ما فيه غيري واحدٍ شالك أرجوك لا من نفضتك لا تغبرني ما عاد متن الغلا يقدر على احمالك شف لي معك بالهوا صرفة ودبرني ما ودي اوطى على قلبي من اهمالك لا صرت مكره علي بالحب خبرني ما نيب هالك ترا لارحت في حالك ابنكسر ، بس ابلقى من يجبرني |
سلمت الأيادي
يعطيك العافية |
سلمت الايادي
|
بارك الله جهودك وبالتوفيق
|
يسلمكم ربي ويحفظكم جميع
|
.
جِيت ابتدي وابتديتْ بآخِر الآخر جيت انتهي وابتدا باحْلَى طُواريقه زولٍ سَرَقْني من اوراقي وانا مْسَافر بأوَّل خيالات حلم صعْب تَحْقيقه شاعِرْ.. أو انْسان أو إنسان مع شاعِر اثنين والحُبّ فيهُم صعب تَفْرِيقه مرَّوا على ضحكتي بالمنطق الساخر من علَّم الطير لامن ضاق تحليقه؟! قلت الألم وضحكوا.. قالوا من الآخر قلت الذي لا كتب.. يكتب من الضيقه ومن بعدها صرت ما كني أبد ناصر لا الشعر شعري.. ولا زانت طواريقه نِشْرب من الهم همّ ونرجع نفاخر وعلى الورق نرسم الدنيا بلا ضِيقه وانا الذي حالتي تصعب على الكافر مجبور بالصبر لو الصبر ما اطِيقَه - الشاعر: ناصر السبيعي . |
.
الليل ما مل التعب في حياته دايم يشيل الصبح ما تعبت ايديه يا حظ منهو بالمحبه سواته لا من خذا شيٍ من الحب يعطيه أخو المها ولاّ المحاسن خواته لي خافقٍ عنده وليته يراعيه في ضحكته عمر النهار ومماته لين اجتمع صبح السنا والشفق فيه أهواه من كله لسكر نباته ويشتاق له بالبعد لا غاب طاريه فالعين ليلٍ قد ظلم فيه ذاته الله يجازي رمشه الحسن يكفيه ما فيه شيٍ بالحسن قلت فاته اللي خذا كل الحسن في مواريه التيه يحكي لا سرح في سكاته ولا من حكى فحروف صمتي تخاويه لين التفت كن السنين التفاته والعمر كلّه واقفٍ في ثوانيه من كثر ما احب الحكي في صفاته دايم معي واكذب علي ثم اناديه - الأمير الشاعر/ د. سعود بن عبدالله . |
الشوق دمعاته تواسي حنيني
http://s.alriyadh.com/2014/12/22/img/811867449198.jpg اول وقلبي لك من اعوام شفاف واليوم ما ودي جروحي تبيني تقول طمني عسى ما بك خلاف واكذب عليك أمن الغلا يا ضنيني وأقول طيب دون ضيق وتكلاف وانا بسجن الهم عقبك سجيني وسادتي جرح الغلا والعنا الحاف والشوق دمعاته تواسي حنيني يأخذني الهوجاس في كل مشراف واخفيت همي بين قلبي وبيني في داخلي يسكن من الهم أصناف موزعه ما بين قلبي وعيني الصدر ضايق والحشا صابه اجحاف والله على هم الليالي يعيني - عبدالله داود العصيمي التميمي . |
-
يقول الشاعر ماجد الشمري : ... .. . الله يا سرع الليالي والايام راحت سنة من عمرنا مادرينا قبل امس أذكر توّنا بأول العام واليوم بالعام الجديد ابتدينا لاهين بالدنيا على حمر الانعام نضحك على الدنيا وتضحك علينا ناسين أن الخاتمة في متر خام تربت يدينا صدق تربت يدينا ياليت كلٍ يحسب حساب قدام ونحاسب انفسنا على ماجنينا خلونا نعمل ماتبقى من اعوام نرضي به الله لين يرضى علينا . |
. أهل القلوب الخضر ........... سعدالشليل .. . لقيت نفسي وببساطه.. أبنجن .. إذا على ذا الوضع معي استمريت ! مرت سنه والقلب ماشتاق ماحن ؟ فوق السنين الي بها لك تحريت ولا زلت لك وافي ولا أخلفت بك ظن لأنِك إنت.. الي بعمري تمنيت ياما عليّ... القلب في حملته شن لمجرد التفكير بالبعد وأزريت ومدري متى بتقول لي.. إطلب إتمن وأقول لك كفيت شكرا .. ووفيت كَذب شعورِ.. قال لي وأكثَر الزن إنك نسيت الأمس.. وإلا تناسيت وأهل القلوب الخضر تعطي بلا مَنْ وانا معك ياكم وياكم ضحيت ولقيت نفسي وببساطه أبنجن إذا كذا يازين معي.. استمريت ! . |
ياطول ركضي وراك وياكثر صدك ماكنك اللي سلبت العقل ياكافي محلك القلب كان ان الغلا شدك من غفلة الشوق صح النوم ياغافي اخر علومك يقولون الجفا حدك وشلون دليت درب الوصل ياجافي - #شعر / #ضيدان_المريخي . |
يقول #مرشد_البذال : كم واحد مغريه رايه ولو ضاع في خاطره عنده لمن ضاع تسنيع وكم واحد للي يشيرون مطواع للي عطاه الرأي ممنون ومطيع قلبه ليا شاروا هل العرف سماع أخذ من الأريا ثمرها بلا بيع وكثر التجارب درس والدرس نفاع فيها لذربين الرجاجيل ترفيع . |
| الساعة الآن +4: 02:41 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
