|
لي عتب + لغز تحدي
السلام عليكم ورحمة الله وبركاته
اخواني يشرفني اني اكون بينكم قبيله ماطاب ذكرها الا من ارجالها عاشرت منكم الكثير ولم اجد الا طيب المحيا وحسن الجيره . اولا لي عتب على الاخ ابوتوتو اقتبس من الغازي اكثر من ثلاث الغاز ومن اسلوب حواره مع الاعظاء كأنه ناسبهن له الي هن وينكم يااهل اللغاز + اللغز يبي حل + عطوني الحل بسرعه ياشياب + لغزن ثمين ويبي همه اللغاز والله العظيم انها لي كاتبهن في منتدى حفر الباطن عاصمة الربيع وارجوا ان تتقبلون عتبي بصدر رحب . واليكم لغز بأول مشاركه لي بمنتداكم العامر بحول الله . ياويش بنت(ن) دوم رزقه انهابه \\\ وضيـوفـها دايم عليها يكـدون ماله ذكر وقت النبي والصحابه \\\ واليوم معنا والخلايق يشوفون تزوجـت رجلين بعـقـد الكتـابه \\\ وزواجـهـا كلـن تسمـاله ابلـون |
يامرحبا باللي يقدم عتابه
ويقول ابو توتو من اللي يبوقون بذكرك بانه رفيعن نسابه وانه من اللي ياصلون ويطولون واناعنه بغن اعتذر بالنيابه والليا حضر يبي يقول وتقولون واللغز حله كان محدن درابه الشبكه والنت ياللي تسمون |
هلابك اخوي حياك الله بيننا
للاسف ماعرف للالغاز |
ابُوٌ مُحَمُدً..
حَيّاك الُلُهّ نَوٌرًتّ الُمُنَتّدًيّ وٌاسّعّدًنَا تّوٌاجَدًك بُيّنَا وٌيّعّطِيّك الُعّافُيّهّ عّ الُمُشَارًكة الُجَمُيّلُهّ مُنَ الُلُاغًازّ .. قًوٌاك الُلُهّ.. عّمُ الُشَعّرًاء.. صّحَ لُسّانَك عّ الُقًصّيّدًة بُيّضٌ الُلُهّ وٌجَهّك يّعّطِيّكمُ الُعّافُيّهّ جَمُيّعّا |
الاقتباس غير متاح حاليا
ما جيت اشكك يالخوي في جنابه \\\ ادريبه انه من ارجالن يطولون بس العتب بين العرب والقرابه \\\ مهو خطا ولا ظنتي تستشكون انتم لكم بالقلب قدر ومهابه \\\ ادريبكم دون الوفا تستميتون والحل طيب بس ابعد صوابه \\\ مالك لوا وبالثانيه نطلب العون |
الله يعافي ويسلم كل من رحب مشكورين
|
الله الله صح لسانك
والله يبارك ب بو توتو يوم ضواك لنا وانت شاعر اكيد وقسم المحاورة يتشرف فيك وابرك الساعات وتراك بين اهلك وربعك وماعليك زود وانتم قبيله يشهد لها التاريخ |
الله يحفظك ياعمنا ان شاء الله متواصلين ومشكور على الاطراء
|
اعتقد السيارة
وعقد الكتابه تقصد نقل السيارة بإسم المشتري وكل واحد يختار لون من السيارات ويعطيك العافية |
حياكـ الله وتو مانور المنتدى واسعدنا تواجدكـ بيننا والله يعطيكـ عافيهـ على المشاركة الجميلة ومثل مقال عمنا انت شاعر وقسم المحاورة يتشرف فيكـ وابركـ الساعات واعتبر نفسكـ بين اهلكـ وربعكـ وعتقد ان الجواب شريحة الجوال |
اخوي جديع ابن دنواس و اخوي الواافي
الله يسعدكم ويحفظكم ويشرفني اكون بينكم وللاسف الجواب غير صحيح |
حياك الله ابو محمد الظفيري
ونور المنتدا بوجودك اولاً نشكرك على الحضور وعلى الاسلوب اللبق وهذا يرمز ان خلف هذا الاسلوب رجل بمعنى الكلمة وشاعر يعرف كيف يتكلم وخاصة عندما قلت يقتبس هذه الكلمة توحي الى انك انسان متعلم ومعاصر للحياة ومحدثاتها وعندك احترام للاخرين ثانياً : الاقتباس او النسخ أذا لم يكون حصري وعليه حصريت المصدر فهو متاح لكل شخص وخاصة الالغاز حيث ان الالغاز العديد ينقلونها مباشرة للحصول على الحل بأسرع وقت دون ان يكتب اسم صاحب اللغز وهذا متعارف عند الجميع اذا ارادو ان يعرفو اسم صاحبه بحثو ووجدو الصحيح وللعلم ابو توتو لم يكتب ان اللغز له شخصياً ولم يضع تعريف عليه لذا الكل يعرف انه منقول ومن هذا المنطلق نحن لا نعتذر عن ابو توتو فهو شاعر زيك وان شاء الله انه يدخل ويرى ذالك ويرد عليك بقصيدة هههههه وتصير محاورة ونستمتع بالشعر الذي يننتظره طويلاً تحياتي وتقديري لسموك الكريم |
وعليكم السلام ورحمه الله وبركاته
ابو محمد الظفيري حياك الله وياهلا ومرحبا فيك بينا ولعلها ابرك ساعات اللي جابتك هنا بينا اما بنسبه لحل اللغز رد عليك عم الشعراء انا مع حله ويقول بالرد يامرحبا باللي يقدم عتابه ويقول ابو توتو من اللي يبوقون بذكرك بانه رفيعن نسابه وانه من اللي ياصلون ويطولون واناعنه بغن اعتذر بالنيابه والليا حضر يبي يقول وتقولون واللغز حله كان محدن درابه الشبكه والنت ياللي تسمون صح اللسانكم جميع وبيض والله جهك ياعم الشعراء الرد ابومحمد الظفيري وعذر وسموحه منك على عدم انتبه يابو محمد على عم الشعراء الاقتباس غير متاح حاليا ما جيت اشكك يالخوي في جنابه \\\ ادريبه انه من ارجالن يطولون بس العتب بين العرب والقرابه \\\ مهو خطا ولا ظنتي تستشكون انتم لكم بالقلب قدر ومهابه \\\ ادريبكم دون الوفا تستميتون والحل طيب بس ابعد صوابه \\\ مالك لوا وبالثانيه نطلب العون وصح اللسانك وبيض الله وجهك ياليت من الاخوه المشرفين التنسيق اسم المستعار الظاهر والله علم ونسخ ولصق |
ابقاك الله اخوي ساري القمرا ومشكور على الترحيب صحيح الالغاز متداوله ويحق لكل شخص نشره بدون ذكر صاحبه لاكن الي صار اني خسرت المنتدى الي كنت اكتب فيه والكثير من الاصدقاء صارلي اكثر من سنه والناس تحسبني انا الي اقتبس الغاز من اخوي ابو توتو والناس تحفرلي وتدفن ولا اعلم عن السبب وبعد ماخسرتهم قاللي شخص عزيز ان الناس ماخذه فكره عني اخذ الغاز من هالمنتدى واخوي ابو توتو ياخذ الغز ويغير عنوان الغز وياليت لغز واحد اكثر من ثلاث الغاز وانا ياخوك ابي منه اعتراف بس منين جايب الالغاز وصدقني ماني شايل عليه سواء قال او ماقال .
وان رجعت لتاريخ ووقت كتابة الغز تلقاني كاتبه قبله ولك ان ترجع لمنتدى حفر الباطن عاصمة الربيع قسم اللغاز عسى اتضحت الرؤيه . |
الله يحفظك ويبارك فيك اخوي النمر 1012
|
حياك الله يابومحمد وصح لسانك
رمعتي ان البنت هي كرة القدم وتقبلوا سلامي ومروري |
( كرة القدم ) يامرحبا باللغز يامرحبا به..واللي كتب للغز واللي يحلون لعل حل اللغز وافق صوابه..قلنا لنا رمعه بها وش تقولون وباب العتب بأخلاق عقل ولبابه..واليا حضر صاحبك فالكل ممنون |
حييت يا وجه السعد والحبابه \\\ لاكن ويش الي تسموا على اللون
مالك لوا والحل مابه غرابه \\\ الحل يا عساف وارد ومضمون الغز يتعب من نواه وسرابه \\\ وسهلن على الي للطرايد يعسفون ومشكور اخوي عساف الرشيدي على المحاوله الطيبه |
انشهد انك شاعر يابو محمد
وانك مكسب لمنتدانا واللشعر خاصة وابرك الساعات ونحن نتعلم من سموك الشعر تقبل تحياتنا واللغز هل هو حصري هنا فقط ام بمنتديات آخرى حتى لا نقوم بنقله ونجدد سالفة ابو توتو هههههه وانا أشكر سموك على الرد الذي يتطرز بالاخلاق والحكمة وحسن المعاملة وتن شاء الله ان الاخوان الذين يعرفون ابو توتو يتصلون به ويرد على شخصك الكريم ونحن ننتظر ابو توتو على آحر من الجمر فهو من الاعضاء الذين يرمز لهم الشعر والادب ومكسب لكل شخص يحب التزود بالشعر والادب تحياتنا لسموك وتقديرنا |
الله يحفظك اخوي ساري الغدرا ومشكور على الشهاده الي اعتز فيها الغز طال عمرك لي وما كتبته الا في موقع هوامير البورصه واسم المعرف راعي الجيب 2 وكأني اخطأت اني كتبته هناك عندهم منتدى القصائد مهمش ما يمرونه الزوار وعسا الله يقدرني اني ما اخيب هقوتك
ومثل ماقلت سابقا النقل مشروع وشي متعارف عليه بس الي صار هو استقلال بعض الناس لتكسير قلمي والسبب شي نكرهه انا وياك هي العنصريه القبليه ودمت سالم وغانم ان شاء الله |
القهوة يا ابو محمد
وازواجها الهيل والقرنفل وكل واحد ولون |
مشكور اخوي جديع على الرمعه الطيبه لاكن الغز يقول كلن تسماله ابلون
|
طيب لي رمعة : إشارة المرور ، وازواجها لون الأحمر والأخضر
|
مالك لوا اخوي جديع
الغز عن بنت وهي (مكان) وكل من جاه يدفعله نقود والبنت بالعصر الحديث ماهو بعصور بعيده وهي اربطت بين مذكرين وكل واحد منهم اسمه على لون هذا شرح الغز |
إقتباس:
اعتمدت علي الحل بأنها كرة القدم علي الاتي : الكره رزقها نهابه لان استمراريتها علي ان تتخطف بين والاقدام بين الفريقين والمتلاعبين بها والمشجعين والاعضاء هم من يصرفون علي الفرق الكرويه وطبعا لم تظهر علي وقت الرسول والصحابه وتزوجت برجلين وكلن له لون مختلف هما الفريقين فكل فريق له لون مختلف في المباراه وهذا ماسألت عنه وتم ايضاحه.. اللغز مهما صار مابه طﻻبه..دام انت راع اللغز برضاك مرهون يلي بدعت اللغز عجل جوابه..السمع غير اللي يشوفنه اعيون من شان للاخر نتعب اركابه..والا نريح ربعنا ﻻ يشدون |
وهل ندفع للكره نقود اخوي عساف ؟؟ ندفع لتذاكر المباريات واشتراك الفضائيات وليس للكره على سياق جوابك يكون ربطت ليس فقط رجلين كل فريق له لون معين اصبحت جميع الالوان وارده وبعدين اسامي الفرق انديه ومنتخبات وليس الوان الغز يقول فقط رجلين وكل واحد تسما على لون
وانا شرحت الغز وقربته بالمشاركه الي سبقتك اللغز ياعساف حل العشابه \\\ والحل ما غيب على الي يشوفون لاكن خذها يالخوي بالرحابه \\\ لا تضيق الشارع على الي يمرون الغز من راسي وسهلن جوابه \\\ والناس ما كلن على العد يردون |
الاقتباس غير متاح حاليا
اعتقد يا ابو محمد المكان مكون من جملتين والشرح حيرني |
عطنا الي طرالك المكان اسمه من كلمتين وليس جملتين
|
اسمع اسمع يالظفيري
يابن الظفيري ويش سر الغرابه = كلن يعرف العلم والعلم موزون والذيب لامنه تعرض ذيابه = يصبر على ماجاه ويروح ممنون لجاك ابو توتو زعيم العصابه = وانشهد انه من رجالن يوفون وان كان اخذ حلالكم بالنهابه = عادت ذيب الليل والا انت ماتهون وياللي تحط الشاه في وسط غابه = وانته تشوف ان الذيابه يحوفون واللغز حنا ماعرفنا جوابه = يمكن تكون الغازكم خارج الكون |
مرزوق كان انك تبيها احرابه \\\ المعطي الله مانبي منك ماعون
لاجاك ضيف انصحك قل ياهلابه \\\ ولاتعكس النيه مع الي يعكسون وشلون تذبح من شكالك صوابه \\\ وهو بري وفي داركم يطلب العون وهذا المكان الي تعزوا ابلابه \\\ ينبيك فيهم للسنع وش تقولون والغز لا يجهدك طردك سرابه \\\ ماهو لزوم الحل يالي تحلون ياخوك انت اخطيت وترا خويك صدره وسيع جيتكم ابعتب ما اتهمت احد وانا ما اطلبكم انا انخاكم تسامحوني كاني اخطيت وانت يامرزوق والاخ ابوتوتو مسامحين الى يوم الدين وبيكم تسامحوني وهذي اخر مشاركه لي بمنتداكم العامر وتشرفت ابمعرفة عم الشعراء والاخوه الي رحبوبي حسسوني ماني غريب وبديت بالسلام والحين السلام عليكم ورحمة الله وبركاته |
حياك الله يابو محمد
وانا ماخطيت عليك واذا لك حق تاخذه دامك تقول صدرك وسيع ليش تزعل حنا نبي اللي مثلك بيننا ومنتدانا مهو حصري على بني رشيد فيه رجال من جميع القبايل مثلك وشرواك وحنا نعتبرهم منا وفينا ولا نفرق بينهم اذا استشكيت ترانا قلوبنا نظيفه وسامحنا وابو توتو لو جاء يبي يرضيك بس يخوي ترى له سنه مادخل المنتدا للعلم ولا ندري باي منتدا وللعلم ارسلتله على تلفونه الخاص اللي معي سالفتك بس مارد علي وانا توي شفت موضوعك ولا تزعل ياصاحبي وكان تبنا نراضيك بطاروق ارحب يااوووووووه |
ابو محمد وين فكره سرابه..يحسبه داين والله اعلم بمديون
حنا نقدر جيته مع غيابه..والله رقيب الخلق بلي يقولون ولا والله الا اللغز ضاع الرجابه..يوم الظفيري قفله قفل كيلون قفل علي حله وراح وغدابه..ولا هو عصا موسي ولاداب فرعون كلن هوي نفسه برجله مشابه..ﻻكن فرق العلم للي يعرفون وادري بهالدنيا فلابه غرابه..العقل ماهو قابله فكر مجنون |
تراني ماني مسامحك تخلينا يالظفيري
وكلنا نبيك وانت خوينا وامسحها بوجيهنا اذا جاك خمال |
اخي ابو محمد
معك اخوك محامي الاعضاء تم رفع ملف قضيتك وسوف نعطيك حقك مايضيع حق ومن وراه مطالب = هذا شعاري كان تبغى شعاري مع ان ابو توتو بعد الاطلاع على ملفه ودخوله المنتدا وجدت ان له اكثر من سنة وسوف اقوم بالبحث في المنتدا الذي ذكرت واشوف تاريخ النشر هذا الرابط اذا تريد اي تعقيب : http://bani-3abs.net/aa/showthread.p...83#post3000083 |
هﻻبك ومرحبابك يابو محمد وأعتقد ان حل لغزك
|
تبغى لها معنى وفكر ولبابه=حتى يصير القاف راكب ومازون [/quote]ميدان ﻻهل الشعر صوت وكتابه=وزيجانها اللي ﻻ ادخلوها يغنون |
إقتباس:
السلام عليكم ورحمة الله وبركاته. |
عندي رمعه
يمكن بطاقة الصراف. |
| الساعة الآن +4: 02:40 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
