|
حزب الثلاثي واليماني
حزب الثلاثي واليماني عندنا ماله رقم = جنبه نبي نكتب ثلاث اصفار والساري سرى حنا السحالي كان صار العلم هوشات ولكم = انحط اخو فطيما على عمار والساري سرى ههههههههه |
إقتباس:
حتى السحالي تالي الايام ياربعي حكم= وحنا نعرف مسكانهم في غار والساري سرى ابك الملاكم عندنا ابشر بتكسير الخشم= مادام ابو منصور وسط الدار والساري سرى ههههههههههه |
هب يامعد الرجوم كل يوم مصبحنا بموضوع
|
أنته حياتك كلها راحت ورى طرد البهم = ما تعرف الا التيس والا العار والساري سرى ههههههههههههه قال المثل يابو يمن من خاف من علم سلم = وان كان ودك بالحياه اختار والساري سرى هههههههههههه |
هلا والله يااخو مزنه وانا متقاعد وفاضي للمشاكل هههههههههههههههههه
|
إقتباس:
ترى البهم ماهو معيره والنبي راعي غنم= عساي من تباعت الابرار والساري سرى خوفي من الله مانخاف اللي مثل شكل الصنم= اختار علم الطيب يالجرار والساري سرى ههههههههههههههه |
وحده بوحده والقلوب انضاف وانا اخو مزنه
|
إقتباس:
|
معد الرجم كشفناه وهرب حي والله هالدماغ ياخو مزنه
|
الهمام حنا ورانا صلاه ومدارس يابادي الرجم
|
يامعدي المرقاب خل الرجم وانزل لشعيب= حنا هل المرقاب واهل التاليه والاوله
اليا جرحنا جرح راع الجرح يبطي مايطيب= هذا الكلام موثقينه لاعلوم مقوله خلك على مركا الرضم مابين رادين النصيب= اهل الوجيه اللي تقول مع العرب متسوله ههههههههههههههه ولا اليماني بين ربعن مابهم شكن وريب= مثل الذهب وفهم كلامي والعلوم مطوله |
خرشت قلب معد الرجم نصر من الله وفتحن قريب
|
مع السلامه كما اعتذر لخوي معد الرجم عن بعض الكلام الغير مقصود حيث القات اله دور بعض الكلام ومع السلامه
|
انا بادي خلوووووووووها
ما يتبع الابرار غير اللي شكر حق النعم = ولا تقبل الدعوى من الفجار والساري سرى ههههههههههههه الطيب عند الطاهرين اللي يعرفون العلم = والا انت وجهك مثل وجه الفار والساري سرى هههههههههه |
من فوق رجم العز شمسي ياليماني ماتغيب = ابدي ومن يبدي معي غصب ٍ عليه احوله هههههه
وأن جيت مع روس العرب ما اقول لي قول ٍ غريب = ازن كلامي واصرفه والهرج لا ما اهوله هههههه وكثر الطلايب ما وراه خير يالاخو الحبيب = هذاك تبغى تعرفه وهذاك منهو مموله هههههههههه وأنا معك لاطالت الدعوه وراسي ما يشيب = متحزم ٍ لك وأنت دور لك صحيب تخوله هههههههههه |
لا يااخو مزنه ماني من اللي ذكرتهم ههههههههههههههههههههه
|
إقتباس:
حنا مع الابرار بامر الله وسجل ياقلم= نمشي يمين ولا مشينا يسار والساري سرى الفار من حط الرضم مركاه ياراع الرضم= هذا لقب ركبه ابو عمار والساري سرى ههههههههههههه |
اخي بادي الرجم اذا مانت من المقصودين بالمعنى ارسلي رساله حتى تطلع من اهل الرضم والرضم قصه كانت قبل عام والتفاصيل عند ملفي البراك
وبن مشيلح هههههههههههه |
وحلالاه يالصفوف وانا اخو مزنه والله يالولا غلا عشرين شخص بالموقع لشور فيك يابو الرجوم ههههههههههههه
|
اشكر الشاعر الكبير بادي الرجم على جزالة بيوته وسع صدره كما اشكر وضاح اليمن الشاعر الموهوب طيب الخلق ولاخلاق على تواجده المستمر
وشعره الجزل بالمحاوره والنظم وياليت يرشحوني الاداره شاعر الشبكه المثالي بدلا من المعزب المعزب ولا مع القروبات واليا خلص راح يطرد العصاقير بالصحاري |
بادي وابو يمن صح لسانكم
ولاهنتم |
صح الله السنتكم
م عرفنا جدكم من هزلكم |
| الساعة الآن +4: 04:04 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
