|
مطالب فريق السحالي
بسم الله الرحمن الرحيم
نرجوا من الادارة الكريمه بالنظر في مطالب فريق السحالي الذين انتصر على فريق وضاح اليمن في وقعة روس البعارين هههههههههههههه وهي مطالب مهمه للبقاء واستمرار الحزب في بناء مشروعه الجديد 1 - رفع الايقاف عن جميع الشعراء (القديم والجديد )حيث ان هناك شعراء متميزين ولهم باع طويل وتم ايقاف لاسباب لا نعلمها وكل شخص يخطى ولافيه احد معصوم . 2 - تشكيل المشرفين بالمحاورة حيث ان الاغلبيه غير متواجد وحذف العنصر النسائي هههههههههههه 3 - تعيين الاخ ساري الغدراء مشرف على قسم المحاورة . 4 - دعوة الشعراء وانهاء جميع الخلافات السابقه . 5 - ترقية الاعضاء المتميزين واستحداث شعارات جديده هذي مطالبنا واخص الاداره = اللي تقوم بكل فعل ٍ جميلي البند الاول واضح ٍ من شعاره = ما يدخل التوقيف منهو قبيلي والثانيه بيت الكرم من جداره = لا طال ما يقدر يجيه البخيلي والثالثه ساري ونعرف مساره = الحمل يشتاله خفيف وثقيلي هههههه والرابعه كل ٍ ينادي لجاره = هو محزمه لا صار ماله عميلي والخامسه سوقوا علينا البشاره = للي يغني بكل طرق ٍ جزيلي وختامها نشكر جميع الاداره = امن المرسل لين باب الوكيلي ههههههههه |
بارك الله فيك يابادي الرجم
بالنسبة للاشراف انا اعتذر عنه جملة وتفصيلاً لأني لم اكن مؤهل له بهذي اللحظة والعين ماتعلى على الحاجب فأعذرني ياصاحبي انا ساري الغدرا وبس وحتى القاب واي اضافات لا تعنيني كثر مايعنيني رفع مستوى هذا المنبر والقلعة واعادة امجادها الى سابق زمانها مثل ماتفقنا معك ياريس ونحن مستعدين بأي شيئ تأمر به الادارة بخصوص المنتدا بشكل عام والمحاورة بشكل خاص وياليت الادارة تعفي عن كل مؤقوف وتسامح كل من أخطاء بيئ شكل من الاشكال ونحن من هذا المنطلق نقول لزملاؤنا الذي هجرونا لا يحق لكم كل هذا الهجر المؤمن لا يهجر اخاه اكثر من ثلاثة ايام وانتم مصختوها ابكم حال حولكم ماشفنا عينتكم هههههه نستلطف الادارة بكل أعضائها الكرام ان يبادرون وان يتواضعون بالمشاركة والردود الطيبة وشكراً لجميع من تعاون معنا |
يا هلا ياساري الغدارء وعز الله انك ساري هههههههههههههه
وننتظر اطلاع الادارة على مطالبنا وسرعة تحقيقها هههههههههههه |
الحر حر ويفتهم بالاشاره
والبوم بوم ولا نبيله حصيلي والخبل من صمل علينا ابقراره ويشوف ربعه عزمو بالرحيلي بادي وساري تراهم انماره دار الربيع ولا ديار المحيلي |
الشطر الاخير من القصيدة ركيك جدًا
وهذا ، سبب وضاح بالمشاهده فقط دون الرد |
حياك الله اخوي
يامرحبابك أخوي بادي الرجم ابشرك حطوني معكم ياأهل المحاوره ويقولون اي شي يبونه يبلغوني وعطوني الضوء الاخضر بكل شي أتجاه شعراء المحاوره وجميع الشعار وانا اشكر الاداره على اضافتي معكم وااقول لجميع شعراء المحاوره وجميع الشعار ومن له حق على الاداره من يريد فك الحظر ويريد الاشراف او يبي اي شي يقولي ويبشر با اللي يرضيه سوا راسلني على الخاص ولا هنا ولا على الاقتراحات والشكاوي اعتبرو الوضع منتهي ولا فيه اي شي صار أي شي يبونه الشعار يبلغوني ويبشرون بكل مايريدونه والله ولي التوفيق |
إقتباس:
|
إقتباس:
سروق وينادي براس المناره= فعلن كذا يسرق ويطلب يهيلي نقولها الكم في صريح العباره= مابه مناصب لو يشب الفتيلي دام اليماني قدمكم في وزاره= اللي تبونه يالعداء مستحيلي لو تنتقل صنعاء على اطراف واره= وادرمه سيله لبيشه يسيلي معارضين بقوتن يالاداره= ونحذر اللي مع طرفهم يميلي هههههههههههههه انتم سحالي عايشه في جحاره= تحت الرضم ودمدمون النثيلي هههههههههه |
إقتباس:
ياجعله ماينحت فمك ياخو مزنه طالبك ان الرد الجاي علي لو تنتقل صنعاء الى اطراف واره= وادالرمه سيله لبيشه يسيلي هذا والله الامر المستحيل |
أخي الفاضل الشاطيئ المهجور
كيف يطلب منك فك الحظر وهو موقوف !!!!!!؟؟؟ نحن نطالب بالعفو العام وليس لاشخاص معينين أذا لديك صلاحية مفوضة من الادارة ونشكر الادارة المؤقرة على ترشيحك وانت كفو لمارشحت اليه وبالنسبه للاخ وضاح نحن نتكلم بجد ولا مجال للاستهتار والسخرية أذا امكن مشكورا |
اخومزنه ارتاح وعش تويساتك انا حارس الليله هنا من تحرك زقطته
|
نشكرك الشاعر الكبير عم الشعراء على هذه الابيات التي تعطي اشاراة قوية لمن اراد ان يتمعن بها
وهذا دليل على انه حريص على هذا المنتدا وانه متابع ويستاهل التقدير والاحترام |
افتح متصفح جديد بالبرمكي ان كان براسك شيئ وتلقى اللي يطيب فالك
هذا متصفح يخص الادارة فقط |
إقتباس:
|
ياناصر خنيفر
انت وش تبي ياخي المعارض منهو !!!؟؟؟ انت عطنا وش تعارض عليه الم يكفيك دمار هذا المنتدا وعندما حاولنا أحيائة اتيت بالاستهتار والمعارضة على ايش !!!!!!!!!؟؟؟؟؟ هل يرضيك ان الناس يكرهونك ويدعون عليك !!!؟؟؟ يأخي انت حصلت على مراقب عاااااااااااام أأأألم تكتفى بذالك !!!؟؟؟ وطلباتك منفذة عند ادارة الموقع استحياً من كبر سنك !!؟؟؟وخدمتك للموقع السنين العجاف اخي نطلب ونستعطف بأن تقول خيراً او تصمت وانت اكبر من ذالك ونتطلب منك المزيد وارجاع المنتدا والنهوض به وشكراً لك |
كلامك سليم ياساري الغداري
والله يكثر شاكلتك والعمده يمازحكم تراه من الطراز القديم ومداه بعيد وهو حلاوة المنتدا وانتم ياعيالي ماقصرتو. سويتو اللي عليكم وجزاكم الله خير |
إقتباس:
اوكي اخوي عطني جميع الشعار المحظورين وابشر انا افك حظرهم الحين اذا كان محظور اما اذا كان مغير رقمه السري يقوم صاحب النك بسترجاعه عن طريق الايميل ,مانقدر نغيررقمه اما المحظور عطني أسماهم الحين وفكهم لك والعفو على ماقلت شامل للجميع |
قال غن لها قال طرشاء ههههههه
يالشاطي المهجور ياتاج راسي نحن نقول شامل مانبي نحدد وننسى ناس ويلحقنا ملام الكريم اليا مد مد جزل وانتم كرما وهم يستاهلون ولا يضن الآخرين انها معرفات لنا بها صلة انا وزميلي معدي الرجوم لا والله لكن نود استرجاع الماضي واحياء المنتدا بشكل عام ولا نبغى احد يزعل او يدور الزعل كلنا ربع واخوان والدنيا قصيرة وودنا نمازح بعض ونقرب من بعض اكثر واكثر وشاكرين ومقدرين تجاوبك الكريم |
ههههههههههههه
ياويلي منك ويلاه بسس ياخوك بعضهم مغير رقمه السري وش اسوي فيه ؟ اللي مغير رقمه عذراً ماسوي شي له احتراماً لحقوقه اما الموقوف اعتبر منتهي وضعه المهم بكره جميع شاعر موقوف يطلق سراحه وحياهم الله جميع واللي يبونه يصير هههههههههه وش تامر فيه بعد انت وياهم واي شاعر يقول انا اعرف الشاعر فلان ورقمه ناسيه يراسلني على الخاص وسوي له كل اللي يبي |
إقتباس:
يالله صباح خير ياخي انا ماقلت شي انا قلت اذا فيه معارضه طلبكم مطول اما انك تقول يدعا عليك انت تعرف الدعاء من يقوله انا ملاحظ عليك تناقض بالالفاض اما انك صغير سن او انك متقلب الفكر والطبع اخي العزيز حنا لانظلم احد اما انك تجي بنكك الجديد وتطلب ترقيات والبعض بالمنتدى له عشرة اعوام ماترقا هذا ظلم بحق الاخرين هداك الله عين خير وحضر العزيمه يوم الجمعه ونتفاهم وجها لوجه والشاطي المهجور ماقصر علمك ولكن مانت عارفن العلم |
ياحليله اله شهر ويبغا مشرف ابك انت ماتشوف متى انا مسجل بالموقع انا والرمكي وغيرنا اعضاء كثيرين ماحصلنا على الاشراف يالاداره الله يرحم والديكم ويطول عماركم سكرو باب الترقيات الا بعد سنه والا رقو الجميع اما الاخوه اللي سوو انقلاب قبل عام وهم الان بالسجون هذا راجع لكم يالاداره تبون تعفون عنهم جزاكم الله خير هههههههههههههه
|
نرجوا من اعضاء الفريق التحلي بالصبر وعدم الاستعجال والتسرع ونعتذر لابوتركي حيث انه رجل طيب ولا يقصر في اي امر من الامور لا من حيث الترقيات ولا من حيث التسامح والتغاضي عن الاعضاء وهو صاحب البادرة الطيبه ومواقفه مشهوده وساري الغدرا متحمس ويمكن وازينه جيرانه ههههههههههههه
كما اشكر الاخ الشاطي المهجور على تلبية طلبنا وتكفله بانهاء جميع الايقافات وان شاء الله نحضر الحفلة عند ابو تركي ونجيب ساري معنا هههههههههههههه بيض الله وجه من سوى الجميله والجمايل = وعن ذنوب الناس صد وقام يحسب وش ذنوبه وكان شاف المشكله ياقف لها بشتى الوسايل = ولا يخلي درب للشيطان لو كثرت دروبه هههههههههههه |
شكراً لك الشاطيئ المهجور
وبالنسبة لمن ضيع رقمه هذا يخصه هو ويراسلك نحن نطلب فقط بالموقوف مانبي احد موقوف عندنا حتى ولو أخطا عفا الله عن ماسلف نحن نطالب بأعادة المنتدا لعصورة الجيدة حتى لو يكون هناك بعض التنازلات لا يمنع التغاضي والتحمل انتم مدراء والمدير دائماً يتحلى بالصبر والاخلاق والتغاضي اللازم وليسى فرض القوة حنا بمنتدا وليسى بدائرة حكومية وفيها فلوس ومناصب رسمية وابو تركي تقبل اسفيئ انا آسف أذا فهمتني خطاء تبقى الاخ الاكبر والعمدة مهما حصل منك انت مؤسس هذا القسم حسب ماذكروه الاخوان وناكر الجميل ماهو عندنا وبالنسبة لمعرفي الجديد انا ارحب بك بهذا المعرف فقط ولن يكون لي معرف آخر ان شاء الله وشكرا لك |
سلام عليكم ورحمة الله
مساء الخير على الجميع اول.. اشكر من ساهم بهذا الموضوع من الجميع ثانيا...تم تلبية الطلب ولا يوجد احد موقوف من هذي اللحظه وحياهم الله جميع بين اخوانهم اما با النسبه لمن تم تغييرنقوم بأسرع وقت بعادة رقمه ومن يطالب بعادة عضويته للشراف على قسم المحاوره يبشر با اللي يبي لايوجد شي سابق ومن يريد شي من الاداره يأمر امر والله ولي التوفيق |
| الساعة الآن +4: 05:05 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
